Sham Ko Yaadon K Aangan Mein Utar Jata Hun,
Aur Is Bazam Se Phir Waqt-E-Sehr Jata Hun.
Mujh Ko Maqsood Hai Her Haal Mein Rahat Teri,
Bojh Hun Gar To Tery Dilse Utar Jata Hun.
Main To Qaim Hun Faqt Teri Kashish K Baais,
Teri Sarhad Se Jo Niklon To Bikhar Jata Hun.
Gumbad-E-Zaat Se Jo Sada Aati Hai,
Shab Ki Tanhai Mein Sunta Hun To Dar Jata Hun.
Main To Qaim Hun Abhi Ahd-E-Wafa Pr Apny,
Gar Tujhy Raas Nahi Hai To Mukar Jata Hun..,
Bookmarks