ابوظہبی ٹیسٹ، پاکستان کی 511 رنز 6 کھلاڑی آؤٹ پ
ابوظہبی ٹیسٹ، پاکستان کی 511 رنز 6 کھلاڑی آؤٹ پر اننگز ڈیکلیئر
ابوظہبی ٹیسٹ میں پاکستان نے پانچ سو گیارہ رنز چھے کھلاڑی آؤٹ پرپہلی اننگز ڈیکلیئر کر دی، توفیق عمر دو سو چھتیس رنز کے ساتھ نمایاں رہے۔ جواب میں سری لنکا نے تیسرے روز کا کھیل ختم ہونے تک ایک وکٹ پر 47 رنز بنا لئے۔
سیریز کے پہلے ٹیسٹ کے تیسرے روز پاکستان نے دوسو انسٹھ رنز ایک کھلاڑی آؤٹ سے کھیل شروع کیا۔ اظہر علی ستر رنز بنا کر پویلین لوٹے جبکہ یونس خان نے 33 رنز جوڑے۔ اوپنر توفیق عمر ڈٹے رہے، انہوں نے لنکن باؤلرزاور فیلڈرز کو خوب تھکایا۔ وہ کیرئر کی پہلی ڈبل سنچری بنا کر یہ اعزاز پانے والے 17ویں پاکستانی بیٹسمین بن گئے۔ توفیق عمر ایک چھکے اور سترہ چوکوں کی مدد سے دو سو چھتیس رنز بنا کر رن آؤٹ ہوئے۔ کپتان مصباح الحق نے چھیالیس رنز کا اضافہ کیا۔ پاکستانی نے چھ وکٹوں کے نقصان پر پانچ سو گیارہ رنز بنا کر اننگز ڈیکلیئر کر دی۔ تین سو تیرہ کی برتری ختم کرنے کیلئے لنکن بیٹسمین میدان میں آئے۔ انہیں صفر پر ہی پرانا ویتانا کی وکٹ کا نقصان اٹھانا پڑا۔
Reply With Quote
Bookmarks