Qissa Abhi Hijaab Se Aagay Nahi Barha,
Main, Aap, Wo, Janaab Se Aagay Nahi Barha,
Muddat Hui Kitab-E-Muhabbat Shuru Kiye,
Lekin Main Pehlay Baab Se Agay Nahi Barha,
Lambi Musafatain Hain Magar Es Sawaar Ka,
Paaon Abhi Rakaab Se Agay Nahi Barha,
Tool-E-Kalam K Liye Main Ne Kiye Swaal,
Wo Mukhtasr Jawab Se Agay Nahi Barha,
Rukhsaar Ka Pata Nahi Ankhain Tu Khoob Hain,
Dedaar Abhi Naqaab Se Aagay Nahi Barha..
Bookmarks