وزیر داخلہ رحمن ملک نے سینٹ میں خطاب کرتے ہوئے کہا ہے کہ ڈرون حملے پاکستانی سالمیت پر حملہ ہیں، امریکی ڈرون حملوں میں صرف 20دہشت گرد ہلاک ہوئے ہیں جبکہ دیگر 80فیصد بے گناہ معصوم شہری ہلاک ہوئے ہیں۔ انہوں نے کہاکہ پاکستان حکومت نے امریکہ کو ڈرون حملوں کی اجازت نہیں دی، رحمن ملک کا کہنا تھا کہ پاکستان میں چاروں اسمبلیوں کی طرف سے متفقہ قرارداد منظور ہونے کے باوجود بھی امریکہ نے ڈرون حملے نہیں روکے۔ امریکہ کو پوری دنیا کی طرح پاکستانی خودمختاری کا احترام کرنا چاہئے، انہی حملوں سے شدت پسند جنم لے رہے ہیں۔ رحمن ملک نے براہمداغ بگٹی اور حربیارمری سمیت دیگرناراض بلوچ رہنماو¿ں سے مذاکرات کےلئے تمام پارلیمانی جماعتوں کے نمائندوں پرمشتمل گروپ ان کے پاس بھجوانے کی تجویز پیش کرتے ہوئے کہاہے کہ بلوچستان میں باہر سے موت کی سپلائی جاری ہے جسے روکنا ہو گا، حکومت بلوچستان مےں قومی پرچم کو ماننے والوں سے بات چےت کے لئے تےار ہے، حکیم محسود کے بعد مولانا فضل اللہ کو تحریک طالبان پاکستان کانیا سربراہ بنانے کی تیاری ہورہی ہے ، شمالی وزےرستان مےں آپرےشن کا فی الحال کوئی فےصلہ نہےں ہوا، آنے والے تین ،چار ماہ پاکستان کیلئے خطرناک ہیں ملک دشمن عناصر اپنی کارروائیاں شروع کر چکے ہیں‘ میں نے وزیراعلیٰ بلوچستان سے کہا ہے کہ چند روز کوئٹہ میں بیٹھنا چاہتا ہوں۔ انہوں نے کہاکہ آغاز حقوق بلوچستان پیکج میں ایسی کونسی بات ہے جو ہم نے پوری نہیں کی میر براہمداغ بگٹی ٹھنڈی جگہوں پر بیٹھ کر کسی کے کہنے پر بیان جاری کرتا ہے میری چیئرمین سینٹ سے درخواست ہے کہ پانچ‘ پانچ اراکین پر مشتمل گروپ بنایا جائے جس میں تمام پارلیمانی پارٹیوں کی نمائندگی ہو یہ گروپ برہمداغ بگٹی و میربیار مری سے بات کرے ان سے پوچھے وہ کیا چاہتے ہیں ؟۔ احسان اﷲ احسان کی تصویر اور شناخت کے بارے میں تفصیلات حاصل کر لی ہیں جلد منظر عام پر لے آئیں گے۔ سر کی قیمت دس کروڑ روپے مقرر کر چکے ہیں۔ ظالمان کے ہر گروہ اور گروپ کے خلاف کارروائی ہو گی۔ احسان اللہ احسان کی تصویر جلد میڈیا میں جاری کر دیں گے۔ کراچی اور بلوچستان کے بارے میں پارلیمنٹ کو ان کیمرہ بریفنگ کے لیے وزیراعظم کو خط لکھ رہا ہوں۔ انہوں نے کہا کہ جو ظالمان کی مدد کرتے ہیں ان کے ناموں کو بھی سامنے آنا چاہئے۔ ظالمان اگر ہتھیار رکھ دیں اور دہشت گردی روک دیں تو تنہا ان سے بات کرنے جاﺅں گا۔ بلوچستان میں قومی پرچم کو ماننے والوں سے بات چیت کیلئے تیار ہیں۔ بلوچستان میں اس وقت 127 افراد لاپتہ ہیں۔ انہوں نے کہاکہ دہشتگردی ہونے پر میڈیا کے کرائم سین تک جانے پر 4 گھنٹے تک پابندی ہو گی۔ علاوہ ازیں نائب امریکی وزیر خارجہ جیفری پائٹ نے ملاقات کی جس میں پاک امریکہ تعلقات اور خطے کی صورتحال پر تبادلہ خیال کیا گیا۔ نائب امریکی وزیر خارجہ نے کہا ہے کہ دہشت گردی کیخلاف جنگ میں اپکستان کا کردار قابل تعریف ہے
Bookmarks