(¤·.My Ghazalz Collection.·¤)

[mehar_tanha]

***Khaali jaam liye baithe ho,un aankhon ki baat karo,
Raat bahut hai, pyaas bahut hai, Baarsaton ki baat karo,

Jo peekar mast huey hain un ke ziker se kya hasil
Jin tak jaam nahin pahuncha hai un pyaason ki baat karo

Chup rehney se kut na sakegi saadiyon lambi raat yahan,
Jin yaadon se dil roshan hai, un yaadon ki baat karo

Phir palkon par jugnu chamke,aankhon mein ghata si lehrai
Thandi hawa ka ziker karo, Kuch bheegi ruton ki baat karo

Raat bahut hai, pyaas bahut hai, Baarsaton ki baat karo,
Khaali jaam liye baithe ho, un aankhonki baat karo***
----------------------------------------------------------------------------------
KOI TO HOTA....
mai jis k dil ki kitaab benta
mai jis ki chahet ka khawab benta
mai hijr k mosem ki lembi raaton mein
yaad ben ker azaab benta
KOI TO HOTA.....

jo meri khawahish mein uthh ker raaton ko khoob rota
dukhon ki chader lapeit ker hajoom_e_dunya se door hota
mai rooth jata manata mujh ko
k chahe mera kasoor hota
KOI TO HOTA....

mai jis k itna kareeb hota
na paas koi rakeeb hota
mai itna uus ka habeeb hota
ye silsila bhi ajeeb hota
KOI TO HOTA........
-----------------------------------------------------------------------------------
Gungunatay Hue Anchal Ki Hawa Deh Mujh Ko
Ungliyaan phair Ke BAloon Main Sulla Deh Mujh Ko

Jis Tarah Faltu Guldaan Paray Rehtay Hain
Apne Ghar Ke Kisi Konay Se Lagga Deh Mujh Ko

Yaad Kar Ke Mujhe Takleef He Hoti Hogii
Aik Kissa Hoon Purana Sa Bhulla Deh Mujh Ko

Doobtay Doobtay Awaaz Teri Sunn Jaoon
Akhiri Baar Tu Sahil Se Sadah Deh Mujh Ko

Main Tere Hijr Main Chup Chaap Na Marr Jaoon Kahin
Main Hoon Saktay Main Kabhii Aa Ke Rulla Deh Mujh Ko

Dekh Main Hogaya Badnaam Kitaboon Ki Tarah
Merii Tasheer Na Kar Ab Tu Jalla Deh Mujh Ko

Rhootna Tera Meri Jaan Liye Jata Hai
Aesay Naraaz Na Ho Hans Ke Dekha Deh Mujh Ko

Aur Kuch Bhi Nahi Manga Mere Malik Tujh Se
Us Ki Galiyoon Main Parii Khaak Banaa Deh Mujh Ko

Log Kehtay Hain Ke Yeh Ishq Niggal Jata Hai
Main Bhi Is Ishq Main Aya Hoon,Dua Deh Mujhe Ko

Yahi Okaat Hai Meri Tere Jeevan Mein Ke Main
Koi Kamzoor Sa Lamha Hoon, Bhulla Deh Mujh Ko
-------------------------------------------------------------------------------
Baaton baton mein bicharnay ka ishara ker k
Khud bhi roya woh bohut hum say kinara ker k
!
Sochta rehta hon tanhai mein Anjam-e-Khuloos
Phir usi jurm-e-mohabbat ko dobarah ker k
!
Jagmaga di hain teray shehar ki galiyan mein nay
Apnay her ashk ko palkon pay sitara ker kay
!
Daikh laitay hain chalo hosla apnay dil ka
Aur kuch rooz teray sath guzara ker k
!
Aik hi shehar mein rehna magar milna nahin
Daikhtay hain yeh aziat gawara ker k..!!
---------------------------------------------------------------------------
Mohabbaton K Nisaab Jesa
Woh Ik Chehra Keetab Jesa.

Mahakta Hai Mere Qalb-o-Jaan My
Woh Shaks Khilty Gulab Jesa.

Yaqeen Bhi Hai Woh Mery Dil Ka
Gumaan Bhi Hai Saraab Jysa.

Woh Bansuri Hai Jo Hont Rakhon
Jo Dekhon Chhoo K, Rubab Jesa.
---------------------------------------------------------------------------

[Sajjad8799]

Nice

[Muhammaduf]

Great Gazals Or Dhamakey Dar Collection Hai Ap Ki.

[jobsikd]

Log Kehte Hain Muhabbat Ek Bar Hoti Hai

Par Ye Sach Kese Hosakta Hai?

Mein Jab Jab Usay Dekhta Hon Mujhe Har Bar Us Se Muhabbat Ho Jati Hai..

[Zara112]

nice....

[Dil_Shah]

Hmmmm Nice sharing jee

[tasaddaqrana]

very nice dear

[mehar_tanha]

thx all

[marium_222]

zbrdst.....

[Baazigar]

Thanks for Sharing