Aaj to besabab udaas hai jee,
Ishq hotaa to koi baat bhi thi.
Jalta phirta hon kyun do-pahron men,
Jaany kya cheez kho gai meri.
Wahin phirta hon main bhi khaak basar,
Is bhary shahar men hai ek gali.
Chupta phirta hai ishq dunya se,
Phelti ja rahi hai rusvai.
Hamnashen kya kahon ke woh kya hai,
Chhorr ye baat neend urrane lagi.
Aaj to woh bhi kuch khamosh saa tha,
Main ne bhi us se koi baat na ki.
Tu jo itna udas hai 'Nasir'
Tujhe kyaa ho gaya bata to sahi.
Bookmarks