Subhu Kay Akhbaar Mein Taza Khaber Koi Nahi
Kaya Tamasha Hay K Phir Bhi Baykhber Koi Nahi
Sab Ki Uonchi Hein Uranein Sab Hein Shahbaz-E-Safar
Aub Hamarey Shehr Mein Bay Baal-O-Par Koi Nahi
Sab K Sab Wehshtzada Say Chal Rahay Hein Saath Saath
Saanayha Yay Hay Kisi Ka Humsafer Koi Nahi
Shaakh Pay Zaytoon Ki Sab Fakhtaein So Gaein
Kaya Yahaan Amn-O-Sakoon Ki Rahghuzar Koi Nahi
Aadmi Payasa Hoovaa Hay Aadmi Kay Khoon Kaa
Ya Ilahi Rah Dikhlaa Rah Par Koi Nahi
Kis Qadar Khoobsoorat Yay Zameen Sochay Koi
Sochtaa Hay Kon Yaan Ahl-E-Nazar Koi Nahi!
Bookmarks