******Jab Bhi Hansne Ke Zamaane Aaye******

[SMART MALIK]

Jab bhi hansne ke zamaane aaye
Zakhm phir yaad puraane aaye

Baar-ha unko manaaya to hamein
RooTh jaane ke bahaane aaye

Phir mujhe toot ke chaaha usne
Phir bichhaRne ke zamaane aaye

Muskuraa kar hamein milne waale
Zindagi bhar ko rulaane aaye

Kitni mahroom thiN neendein unki
Khaab bhi jin ko jagaane aaye

Teri chahat ne Thaharne na diya
Raah mein kitne thikaane aaye

Tu nahi hai to hawa ka jhoNka
Ghar ki zanjeer hilaane aaye

Dil bujhaa hai na jale hain kheeme
Aap kyuN jashn manaane aaye

Isi ummeed pe jaago yaaro!
Ab woh kis waqt na jaane aaye

Raas aaya jinhein sehra ‘Muhsin’
Unki qismat mein khazaane aaye

[Babarali435]

Nice poetry brother very nice thanks

[Zara112]

nice.......

[M UmarBh]

so gud dear...........
sharing ka shukriya...................

[SMART MALIK]

Bohat Shukriya Ap Sub K PAsand Karnay Ka
Khusssh Rahien Sada

[ahmadbashir]

بہت اچھے

[Baazigar]

Thanks for Sharing