Dasht (Nazam by Tabrez Khan)
Woh Shehr-e-Dil
Jisey khabhi tum ne abad kia ta
ab terey janey k baad
weeran para hai
ik dasht ka saman hai
aor iss dasht main
teri yaad k teeley hain
jo k khayal ki hawa k sath
idher se udher hotey rehtey hain
ajab si khushk sali hai
k dil k behlaney ko
koi sarab b nahin milta
k zindagi rooth gayee ho jesey
magar ik mohoom si umeed abhee baqi hai
k shaid kisi roz
teri aamad ki ghata chah jaye
aor terey qadmon ki
tip tip se
jhal thal ho jaye
Aor yeh sehra
phir se marghzar ho jaye
phir se zindagi lot aaye
phir se yeh sheher abad ho jaye
Reply With Quote
Bookmarks