شاہ عبد العزیز کی حاضر جوابی
شاہ عبد العزیز رحمۃ اللہ علیہ کی حاضر جوابی
دلی سے سلطان جی کی درگاہ کو جو سیدھی سڑک جاتی ہےاس پر دلی دروازے سے نکلتے ہی جیل خانہ ہے جیل خانہ کے سامنے نیا قبرستان ہے اور جیل خانہ کے پیچھے ایک پرانا قبرستان ہےاس پرانے قبرستان کی مسجد میں کٹہرے کے اندر شاہ ولی اللہ ؒ کا خان دان مدفون ہے۔شاہ ولی اللہ کے والد شاہ عبدالرحیم ؒاور شاہ ولی اللہ ؒ کے بیٹے شاہ عبدالعزیز ؒ شاہ رفیع الدینؒ اور شاہ عبدالقادرؒ اور دوسرے بہت سے عزیز واقارب مدفون ہیں۔اسلامیان ہند کی آٹھ سو سالہ تاریخ میں جو غیر معمولی عالم اور مقدس ہستیاں گزری ہیں یہ حضرات ان میں سے تھے۔اوران کی یہ خصوصیت اور قابل خیال ہے کہ شاہ عبدالرحیمؒ نے عمل اور تقدس کا جو سلسلہ شروع کیا وہ کئی نسلوں تک قائم رہا ، لیکن شاہ ولی اللہؒ وہ بزرگ ہیں جنہیں امام کا درجہ دیا جاتا ہے اور ان کی تمام تصانیف پوری دنیا میں پڑھی جاتی ہیں۔ان کا فارسی کو ترجمہ قرآن پاک بہت مقبول ہے۔ان کے ایک بیٹے شاہ رفیع الدینؒ نے قرآن پاک کو ترجمہ اردو میں کیا اور دوسرے بیٹے شاہ عبدالقادرؒ نے قرآن پاک کا با محاورہ اردو ترجمہ کیا۔تیسرے اور بڑے بیٹے شاہ عبدالعزیز ؒ ہیں جو ۱۱۵۹ھ میں پیدا ہوئے،علم وفضل اور تقدس میں باپ کے ہم مرتبہ تھے،اور ذہانت و طباعی میں جواب نہ رکھتے تھے۔ان کی حاضر جوابی دلی میں ابھی تک نقل ہوتی چلی آئی ہے میں ان میں سے چند کو یہاں پیش کرتا ہوںجن کو علمی اور دینی لطیفے بھی کہا جا سکتا ہے۔
(۱):مسٹر مٹکف نامی کوئی انگریز حضرت شاہ صاحب ؒ کے زمانہ میں کسی بڑے عہدے پر فائز تھا ،اس کے یہاں ایک پادری آکر ٹھہرا ،مسٹرمٹکف نے پادری سے کہا شاہ صاحب ؒ کو ہراؤ تو جانیں۔اگر ہرا دو تو تمہیں دوہزار روپیہ دوں گا ورنہ دو ہزار روپیہ مجھے دینا پادری راضی ہوگیا ،اور شاہ صاحب کے یہاں پہنچا ،شاہ صاحب نے کہا فرمائے جو فرمانا ہے؟
پادری نے کہا میں اپنی بات کا معقول جواب چاہتا ہوں،منقولی اور کتابی نہیں چاہتا،شاہ صاحب نے کہا منظور ہے، کسی کتاب کا نام نہیں لوں گا ،
پادری نے پوچھا:یہ کیا ماجرہ ہے،آپ کے پیغمبر اللہ کے محبوب ہیں اور امام حسینؓ ان کے نواسے،جنہیں وہ بہت چاہتے تھے،پھر اللہ نے یہ کیسے گوارہ کرلیاکہ محبوب کا محبوب شہید کردیا گیا،نہ اللہ نے خود پرواہ کی اور نہ اللہ کے محبوب ﷺ نے توجہ دلائی
شاہ صاھب نے فرمایا :ہمارے پیغمبر ﷺ نے توجہ دلائی تھی،لیکن اللہ نے جواب دیا میاں تمہیں اپنے نواسے کی پڑی ہے یہاں کمبختوں نے میرے بیٹے ( عیسیٰ علیہ السلام) کو سولی پر چڑھادیاہے
(۲):ایک شخص نے ایک مسئلہ دریافت کیا :حضور یہ پیشہ ور طوائفیں مریں تو ان کی نماز جنازہ پڑھنی چاہئے یا نہیں؟
شاہ صاحب نے فرمایا :ان کے یہاں جانے والے اور ان سے ناجائز تعلق رکھنے والےمردوں کی نماز جنازہ پڑھتے ہو؟ سائل نے کہا ،ان کی تو پڑھتے ہیں ! شاہ صاحب نے فرمایا : تو ان طوائفوں نے ان سے بڑھ کر کون سا قصور کیا کہ انہیں نماز جنازہ سے محروم رکھا جائے۔
(۳):دہلی کا ریزیڈنٹ شاہ صاحب سے ملنے آیا اور باتوں باتوں میں کہنے لگا،جناب میں نے ایک سوال کئی عالموں سے کیا،کوئی تسلی بخش جواب نہیں ملتا،آپ بھی غور کیجئے، سوال یہ ہےکہ ایک مسافر راستہ بھول گیا،اس نے دیکھا کہ ایک شخص سامنے پڑا سو رہا ہےاور ایک شخص اس کے برابر بیٹھا ہے۔اب مسافر جاگتے سے راستہ معلوم کرے یا سوتے سے؟
شاہ صاحب سوال کی تہ تک پہونچ گئے ،سوتے سے مراد حضرت محمد ﷺ تھےاور جاگتے سے مراد حضرت عیسی السلام ،شاہ صاحب نے فوراً جواب دیا وہ جاگنے والا خود اس انتظار میں بیٹھا ہے کہ سونے والا اٹھے تو اس سے راستہ معلوم کرے، مسافر کو چاہئے کہ وہ بھی سونے والے کا اٹھنے کا انتظار کرے۔
(۴):ایک شخص نے عرض کیا ’’ محفل رقص و سرود میں انسان رات بھر جا گتا رہتا ہے ،لیکن عبادت میں اس کو نیند آنے لگتی ہے،اس کی کیا وجہ ہے؟شاہ صاھب نے فرمایا دو پلنگ ہوں ایک پلنگ پر پھول بچھا دئے جائیں اور دوسرے پر کانٹے ،تو نیند کس پر آئے گی ،اس نے کہا پھول والے پرپلنگ پر ،فرمایا بس رقص وسرود کی محفل کی مثل کانٹوں والے پلنگ کی ہے اور اللہ کے عبادت والے کی مثال پھول والے پلنگ کی ہے۔
(۵):ایک سودا گر کو اپنی بیوی سے بہت محبت تھی لیکن بیوی کےباپ سے وہ کچھ نا خوش تھا ،وہ سوداگری کے لیے سفر پر جانے لگاتو بیوی کو تاکید کردی کہ اگر باپ کے گھر گئی تو تجھ کو طلاق،اتفاق کی بات اسی اثناء میں بیوی کے والد کا انتقال ہوگیا،سودا گر کی بیوی کیا کرتی اس سے رہا نہ گیا اور اور وہ باپ کے گھر جا پہنچی،سودا گر آیا تو پریشان ہوا کہ بیوی خواہ مخواہ ہاتھ سے چل دی۔جس عالم سے بھی فتویٰ معلوم کرتا سب یہی کہتے طلاق ہوگئی ۔شاہ صاحب کے سامنے بھی یہ مسئلہ آیا توپ نے برجستہ فرمایا طلاق نہیں ہوئی اس لیے کہ باپ کے مرنے کے بعد وہ گھر باپ کا کہاں رہا وہ تو اس کا ہی گھر ہوگیا ،سوداگر کی بیوی اپنے باپ کے گھر نہیں گئی بلکہ اپنے گھر گئی،پھر طلاق کیسی؟
(۶)ایک انگریز نے شاہ صاحب سے سوال کیا کہ’’ ہماری قوم کے سینکٹروں آدمی ایک جگہ جمع ہوجائیں تو ایک رنگ اور ایک روپ کے نظر آئیں گے لیکن آپ کی قوم میں کوئی کالا کوئی گورا کوئی ساؤنولا ایسا کیوں ‘‘
شاہ صاحب نے فرمایا :’’گدھے سب یکساں ہوتے ہیں اور گھوڑے مختلف ہوتے ہیں کوئی سبزہ کوئی نقرہ،کوئی سرمائی۔
Reply With Quote
.gif "WSalam")
nice brother 
Bookmarks