ونڈوز میں نام کے بغیر فائل یا فولڈر بنائیں
یہ ٹرِک گو بہت پرانا ہے مگر کچھ نئے دوستوں کے لیے پیش کر رہا ہوں۔ اس کی مدد سے آپ کسی بھی فائل یا فولڈر کا نام ختم کر سکتے ہیں۔ جی ہاں فولڈر یا فائل تو موجود رہے گی مگر بے نام!
اسکے لیے مندرجہ ذیل طریقہ اختیار کریں:
1: کوئی بھی فائل یا فولڈر سیلیکٹ کریں (جس کا نام ختم کرنا ہو)
2: اس پر رائٹ کلک کرکے ری نیم پر کلک کریں یا پھر صرف F2 پریس کریں۔
3: آلٹ کی کو دبا کر رکھتے ہوئے نومیریک کی پیڈ سے 0160 ٹائپ کریں۔
4: انٹر پریس کریں، لیجیئے بغیر نام کے فائل یا فولڈر تیار ہے۔
نوٹ: alt+0160 دراصل سنگل سپیس کے برابر ہے، جب ہم نام تبدیل کرکے یہ کوڈ دیتے ہیں تو فائل کا نام تبدیل ہو کے سنگل سپیس بن جاتا ہے، جو کہ ظاہر ہے کہ سکرین پر نظر نہیں آتا۔ اسی طرح آپ جتنی سپیس چاہیں اتنی نام میں ڈال سکتے ہیں، لیکن ہر سپیس کے بعد آلٹ کی کو چھوڑ کر دوبارہ دبا کر رکھنا اور 0160 ٹائپ کرنا پڑتا ہے۔ یعنی ڈبل سپیس کے لیے سٹیپ نمبر 3 کو دو بار دہرائیں۔
اور اگر واپس آپ اس فائل یا فولڈر کو پرانا نام دینا چاہتے ہیں تو سٹیپ نمبر 3 پر عمل کرنے کے بجائے وہاں اس کا پرانا نام ٹائپ کر دیں۔
__________________
Bookmarks