Hum Phٍّlo k Sodagar Hain-
Hum Soda Sacha Karte Hain-
Jo Gahak Phoِlِ Jaisa Ho-
Biٌ Damo he Bik Jate Hain-
Hum Ahl-e-Wafa k Logo Ka Tum Haal Bhala Kya Jaٌِ gay-
Hum Dil Ka Dard Chupate Hain-
Aur Aansu Bhi Pi Jate Hain...!
Hum Phٍّlo k Sodagar Hain-
Hum Soda Sacha Karte Hain-
Jo Gahak Phoِlِ Jaisa Ho-
Biٌ Damo he Bik Jate Hain-
Hum Ahl-e-Wafa k Logo Ka Tum Haal Bhala Kya Jaٌِ gay-
Hum Dil Ka Dard Chupate Hain-
Aur Aansu Bhi Pi Jate Hain...!
Mohabat ka guman hota bohat hai,
Ke ab ye lafz bhi ruswa bohat hai,
Udasi ka sabab main kiya btaon,
Gali kuchon main sannata bohat hai,
Na milnay ki Kasam kha k bhe main ne,
Tujhay har raah main dhoonda bohat hai,
Ye aankhain aur kiya dekhain kisi ko,
In aankhon ne tujhay dekha bohat hai,
Najany kyon bacha rakhay hain aansoo,
Abhi shayad mujhay rona bohat hai,
Tujhay malum to ho ga meri jaan,
Tujhay is na cheez ne chaha bohat hai....
Chale wo kadam-kadam jo saath mere,
To uske sath se pyar ho jaye...
Thame jo pyar se haath mera,
To apne haath se pyar ho jaye...
Jis raat aye khwabon me vo,
Us suhani raat se pyar ho jayE...
Jis baat me aye zikr uska,
To usi baat se pyar ho jaye...
Jab pukare pyar se naam mera,
To apne hi naam se pyar ho jayE,
Hota hai itna khubsurat ye pyar agr,
To kash use bhi mere pyar se pyar ho jaye.....!
Barsoon K Intizaar Ka Anjaam Likh Dia...
Kaagaz Pay Shaam kaat K Phir Shaam likh dia....
Bikhri Pari thi Toot K Kaliyaan Zameen Per...
Tarteeb day k Mein nay Tera Naam likh Dia...
Asaan Nai thi Tark-E-Mohabbat ki Dastaan...
Jo Ansoon Nay Aakhri Paigam Likh Dia...
Allah! Zindagi say Kahan tak Nibhaaon Mein...
Kis Bewafa kay Sath Mera Naam likh dia...
Taqseem ho Rahi thi Khudai ki Naimatein...
Ek Ishq Bach Gaya so Mere Naam Likh dia...!!!
Tum ko malom bhi shaid kabhi ho k na ho,
Meri raten teri yadon se hari rhti hen,
Meri saansen teri khushbu me basi rehti hen,
Meri ankhon me tera sapna saja rehta hai,
Mere dil me tera aks bana rehta hai.
Tum ko malom b shaid kabhi ho k na ho,
Meray angan me lage phool gvahi den ge,
Mene arsay se kisi phool ko dekha b nhi,
Tujh ko socha hai to phir tujh ko hi socha hai faqat,
Teray siwa kisi or ko socha hi nhi,
Tum ko malom b shaid kabhi ho k na ho....
Lahoo Rone se darta hun Juda hone se darta hun,
Mere ankhe batate hai k me sone se darta hun,
Mere ungli pakar lena mujhe tanha nahe karna,
ye dunya ek mela hai tumhe khone se darta hun,
jo hasti ho tu kuyo palko ke goshay bheek jate hai,
tumhe maloom hai me is tara rone se darta hun,
jab se khuwab dekha hai mujhe tum choor jaho gi,
me ab khuwabo se darta hun, mai ab sone se darta hun...
Surkh gulab k saray mousam tere naam
Har subho ka pehla ujala tere naam
Teri yad ka behta derya mere liye.
Behti jheel main phool kanwal ka tere naam.
Jitne khawab khuda ne mere naam likhay.
Un khawabon ka resha resha tere naam.
Tere bina jo umar beti beet gai.
Ab iss umar ka baqi hisa tere naam.
farz karo tum chat per baithe
apne baal sukhatey hoo.
farz karo ke dhoop
ka us din kuch kuch rang gulaabi hooo.
farz karo tum baithe baithe
gehri souch main kho jao.
baal sukhana choord ke sar
ghutnoon pe rakh kar so jao.
farz karo us neend main
tum ne dekha asai sapna hooo.
bekal hokar man ye chahey
kaash ye sapna apna hooooo.
farz karo tum khat likhne ko
kaghaz qalam uthatey hoo.
khat likhne se pehle kaghaz
ko khushboo khoob lagatey hooo.
farz karo alqaab pe aakar
qalam tumhara ruk jaey.
nazar tumhai dhak dhak
karke dil ki janib jhuk jaey.
farz karo aik naam likho
aur likh kar kato phir likho.
farz karo sapne afsane khat
ka naam muhabbat ho.
farz karo hum donon ke dil aik
hi saath dhardakte hooon.
farz karo ye saari baatain
FARZ na karni pardti hoon
Zindagi ki raahon mein Ranj-o-gham ke mele hein
bheer hey qayamat ki …phir bhi hum akailey hein
sazishein zamaney ki kaam ker gain aakhir
aap hein udher tanha …hum idher akailey hein
bheer hey qayamat ki …phir bhi hum akailey hein
ab to apna saya bhi kho gaya andheron mein
aap se bichar ker hum kis kadar akailey hein
kon kis ka sathi hey hum to gham ki manzil mein
pehley bhi akailey they …aaj bhi akailey hein
aainey ke soo tukrey ker ke hum ne dekhey hein
aik mein bhi tanha they soo mein bhi akailey hein
bheer hey qayamat ki phir bhi hum akailey hein
zindagi ki raahon mein ranj-o-gham ke mele hein
paas hey sawa jiskey eik na ik haseen katil
justiju mein katil ke …siraf hum akailey hein
bheer hey qayamat ki … phir bhi hum akailey hein
zindagi ki rahoon mein ranj-o-gham ke mele hein
Yeh zara zara si baat per,
Tarha tarha ka azaab kiyon?
Jo kisi say bhi khafa na ho,
Mujhey us khuda ki talash hai.
Mujhey laghzishon pay her ghari,
Koi tokta hay baar baar.
Jisay ker k dil ko dukh na ho,
Mujhey us gunah ki talash hai,
Bina Humsafar k kab talak,
Koi musafaton main laga rahay.
Jahan koi kisi say juda na ho,
Mujhey us raah ki talash hay.
Mujhey daikh ker jo aik nazar,
Meray saray dard samajh sakay.
Jo is qadar ho Chara-e-gar,
Mujhey us nigaah ki talaash hay.
Shaam-e-Fursat Dhalay, Hum Nahi Chahatay,
Ghum Say Fursat Milay, Hum Nahi Chahatay…..
Phir Naya Waar Sehne Ko taiyyar Hain,
Tu Parayshan Rahay, Hum Nahi Chahate…..
Aaj Aansoo Bahanay say, Mut Roko,
Aaj Barish Thumay, Hum Nahi Chahatay…..
Hum Teray Baad Ujray Hon, To bhi Theek Hai,
Ab Kahin Dil Lagay, Hum Nahi Chahate….. .
Teray Pekar Ko Ham Dekhte Hi Rahein,
Tu Nazar Say Hatay, Ham Nahi Chahate…..
Kis Qadar Dil Nasheen Hai Ye Moujon Ka Shor,
Ghum Ka Dariya Ruke, Ham Nahi Chahate…..
Iss Qadar Piyar say Tu Pukara na Kar,
Aag Dil Ko Lagay, Hum Nahi Chahate….
Nazar jub tum se milti hai main khud ko bhool jata hoon,
Bas ek dharkan dharakti hai, main khud ko bhool jata hon,
Tumhain milne se pehle main bohut sajta sanwarta hon,
Magar jub tum sanwarti ho main khud ko bhool jata hon,
Main aksar kitabon pe tera hi naam likhta hon,
Magar kuch tum jo likhti ho main khud ko bhool jata hon,
Main aksar yehi kehta hon, main tum say pyar karta hon,
Magar jub tum yeh kehti ho main duniya bhool jata hon
Bookmarks