Char Din Ki Zindagi Hai Aqal Ganwaty Kyun Ho
Fani Dunya Hai Is Dunya Se Dil Lagaty Kyun Ho
Umer Bitany K Liye To Aik Jhopri Hi Kafi Hai
Sang-E-Marmar Se Buland Imaarat Phir Banaty Kyun Ho
Apny Masail Se Khud Hi Nibatna Seekh
Gheron Ko Apna Haal Sunaty Kyun Ho
Jitna Mayassar Hai Is Par Qanaat Kar Lo
Chadar Say Aagay Paoon Phelaty Kyun Ho
Aagah Apni Mot Say Koi Bashar Nahi
Phir Asbab So Bars K Banaty Kyun Ho
Ishq Karna Bhi Har Aik K Bas Ki Baat Nahi
Nakam-E-Ishq Pe Mot Ko Galy Lagaty Kyun Ho
Zindagi Ko Aik Saleeqy Se Guzaro Naji
Zindagi Nemat Hai Isy Yoon Hi Ganwaty Kyun Ho
Bookmarks