یو ایس ایڈ دی مالا کنڈ چ 106 سکولاں دی تعمیر تے 

[USDOTPunjabi]

یو ایس ایڈ دی امداد نال صوبائی ری کنسٹرکشن ری حبیلیشن اینڈ سیٹلمینٹ اتھارٹی _ پارسا مالا کنڈ ڈویژن چ سکولاں دی
چھتوت تے مرمتاں دا کم مکاون چ نیڑے لگی پئی وے۔ پارسا مرمتاں دا کم لڑائی بھڑائی کارن بڑا چھیتی چھیتی کیتا وے۔ دہشت گردی تے لڑائی بھڑائی کارن 181 سکولاں نو نقصان اپڑیاں سی، تے 117 دی مرمت تے نویں سرے تو چھتوت یو ایس ایڈ دی مالی امداد نال ہوگئی وے۔

اے مرمت شدہ سکول ضرورت دے فرنیچر تے سائینسی تجربہ گاہواں نال لدے ہوئے نے۔ چالو سکولاں چ بالاں نوں بستے ونڈے جاندے نے۔ پاڑھواں نا اج دور دی چنگی تعلیم دیون لئی ایناں سکولاں چ لائبریریاں، کمپیوٹر تے سائینسی تجربہ گاہواں وی بنایاں گئیاں نے۔ اے سکول علاقے چ قائم دوجے سکولاں لئی نمونے دی حثیت رکھدے نے۔

ڈيجيٹل آؤٹ ريچ ٹيم پنجابی – يو ايس سٹيٹ ڈيپارٹمينٹ (يو ایس دفتر خارجہ) ​

[AHMAD SAHIL]

Nyc sharing

[Bechara]

thread ko close kro Yeh America ka idara hai.Yeh Sub pakistan mn fasad phala raha hn.

[USDOTPunjabi]

اسلام علیکم بیچارہ صاحب،

بے جا اشتعال بازی کئی لوکاں نوں نقصان پہنچا سکدی وے۔ احمد ساحل صاحب دے مثبت بیان تے سوچ نوں پڑھ کے وی تواڈی اندر دی اگ ٹھنڈی نہی ہوئی، تے اگر غور کرو تے اے تواڈے لئی اک فکر دی گل ہوونی چاہی دی وے۔ بد قسمتی دی گل اے وے کے کئی لوکی عادتا" طوطے آر عام بولے جان آلے بیان بغیر کسی سوچ سمجھ دے داغ چھڈ دے نے۔ رائے تے سوچ دا اک دوجے نال اختلاف اک فطری گل وے پر برداشت کرن دی عادت پاوناں بہت ضروری وے۔

تواڈی انگرے لوکی ہمیشہ ایہو ہی کیوں آکھدے نے ڈک دیوو، توڑ دیوو، ساڑ دیوو وغیرہ وغیرہ؟ تواڈی لغت چ اے اکھر کیوں غائب نے جیویں قبول کرو، برداشت کرو، جان دیوو، مان تے عزت کرو وغیرہ وغیرہ؟ اے نفرت جیڑی تواڈے بیان تو ظاہر وے اودی اخیر کیتھے وے؟ تواڈا پہلا قدم ایے ایس پاسے اٹھیا وے کے تسی تحریک کررہے او کے اے تھریڈ (دھاگہ) تے پابندی لائی جاوے۔ اگلا قدم کی ہووے گا؟ اے تحریک کرو گے کے او سارے سکول وی ڈھا دیتے جاون جیڑے امریکی امداد نال بنے نے؟ ساریاں یونیورسٹیاں، توانائی، تجارت، زراعت، تے تعلیم دے میدان چ ترقی لئی جیڑے منصوبے چل رہے نے او وی بند کردیتے جاون؟ فیر کجھ بھائی ایس پاسے ٹر پین گے کے یا اوناں لوکاں جیڑے امریکہ نال انتہا پسندی خلاف پاک - امریکہ مہم چ مدد دے رہے نے دے قتل دی تحریک کرن یا جیڑے ایس کم چ پہلے ہی لگے پئے نے اوناں نال جا ساتھی بنن۔ کئی ملکاں دی تاریخ تے نظر پاویے تے اے چانڑ ہوندا وے کے نفرت بھرے اکھر نا مکن آلے فساد دا ذریعہ بن سکدے نے۔

برداشت دا گھاٹا جیڑا اج پاکستان چ ہر پاسے تباہی کھلار ریہا وے اے بڑے لمے ویلے توں قائم وے - اے برداشت دی کمی تے اک دوجے وارے نفرت اودوں وی پائی جاندی سی جدوں امریکہ پاکستان دی آزادی لئی اپنے تائیں زور لا ریہا سی تے اوس ویلے وی جد اک نویں تے آزاد پاکستان دی فوج نو تگڑا کرن لئی امریکہ ہر طرح دی امداد دے ریہا سی۔ جدوں اوتے بیان کیتیاں ہویاں حقیقتاں دے چانڑ چ تواڈے الزام نوں تولیے، خاص کر جدوں تسی اپنی الزام تراشی دے حق چ کوئی ثبوت وی نہی دیتا تے ایس توں علاوہ ہور کوئی نتیجہ نہی نکلدا ایس توں ہٹ کے کے تسی شر پھیلان دی بے وجہ کوشش کررہے او۔

میری عاجزانہ نصیحت وے کے افواہواں، سازشی مفروضیاں، تے پراپیگینڈیاں جیڑے کجھ مفاد پرست لوکاں اپنی دکان داری چمکان لئی معاشرے چ کھلارے ہوندے نے اوناں نو بنیاد بنا کے ہتھ دھو کے کسے پیچھے ایناں نہی پے جائی دا کے اودیاں پاکستان تے پاکستانیاں لئی کیتیاں گئیاں تے جاری امدادی کوششاں دا شکریہ آکھن دی بجائے بلکل انکار کردیتا جاوے۔ میں تے آکھاں کہ اگے قدم ودھاؤ تے رل کے پاکستان نوں ترقی دے سفر چ کامیاب کرن چ اپنا وی حصہ پاؤ۔

یو ایس ڈیجیٹل آؤٹ ریچ ٹیم پنجابی - ڈیپارٹمینٹ آف سٹیٹ (دفتر خارجہ)

[Rizwan ziab]