ط سے شروع ہونے والے اشعار

[Shehzad Iqbal]

آئی ٹی دنیا کے معزز ساتھیو السلام علیکم ورحمۃ اللہ وبرکاتہ

بیت بازی کے حوالے سے ایک نیا سلسلہ شروع کرنے جارہا ہوں ۔ اشعار کو حروف تہجی کے اعتبار سے جمع کرنا ہے تو


اس تھریڈ میں ہم ط سے شروع ہونے والے اشعار لکھیں گے۔

کوشش کیجئے کہ سادہ پوسٹ کی بجائے ایسے اشعار اس تھریڈ میں لکھیں جو کہ ط سے شروع ہوتے ہیں۔

شکریہ

[Shehzad Iqbal]

طعنہ دیتے ہیں مجھ کو جینے کا
زندگی میری خطا ہو جیسے

[Shehzad Iqbal]

طعنہ زن تھا ہر کوئی ہم پر دلِ ناداں سمیت
ہم نے چھوڑا شہرِ رسوائی درِ جاناں سمیت

[Shehzad Iqbal]

طور پر گئے تحے ہم آپ کو دھونڈنے مگر
کثرتِ احتیاط سے کام خراب ہو گیا

[Shehzad Iqbal]

طلب زاروں پہ کیا بیتی،صنم خانوں پہ کیا بیتی
دلِ زنداں تیرے مرحوم ارمانوں پہ کیا بیتی؟

[Shehzad Iqbal]

طعنہ زن کیوں ہے میری بے سروسامانی پر
اک نظر ڈال ذرا شہر کی ویرانی پر

[Shehzad Iqbal]

طعنِ اغیار سنیں آپ خموشی سے شکیب
خود پلٹ جاتی ہے ٹکرا کے صدا پتھر سے

[Shehzad Iqbal]

طبیعت آدمی کی اس کی اصلی ذات ہوتی ہے
اسی سے جیت ہوتی ہے اسی سے مات ہوتی ہے

[Shehzad Iqbal]

طولِ غمِ حیات سے گھبرا نہ اے جگر
ایسی بھی کوئی رات ہے جس کی سحر نہ ہو

[Shehzad Iqbal]

طلب کو تو نہ ملے گا تو اور لوگ بہت
کسی طرف تو یہ طوفاں بھی موڑنا ہوگا

[Shehzad Iqbal]

طوفاں کی طرح زور میں اٹھتا تو ہوں لیکن
لہروں کی طرح مجھ کو بکھرنا نہیں آتا

[shahid72462]

‎طیش میں آ کر گر میرا خط پھاڑ بھی دو
تمہارے قدم چومیں گے میری تحریر کے ٹکڑے ‏‎‎