BACHPAN KAY DUKH KITNAY ACHAY HOTAY THAY
Bachpan kay dukh kitnay achay hotay thay
Tab to sirf khalonay tota kertay thay
Wo khushian bhi jane kesi khushian thin
Titli kay par tord kay uchla kertay thay
Paon maar kay khud barish kay pani main
Apni nao aap daboya kertay thay
Chotay thay to makr-o-fareeb bhi chotay thay
dana daal kay chiryaan pakra kertay thay
Apnay jul jane ka bhi ahsaas na tha
Jaltay huay sholon ko cheera kertay thay
Khushbu kay urtay hi kiun murjhaya phool
Kitnay bholay pan se poochha kartey thay
Aaj bhi wo taabiren laho rulati hain
Bachpan main jo ham nay sapnay dekhay thay
Ab to ik ansuu bhi ruswa kerta hai
bachpan main ji bher kay roya kertay thay
Bookmarks