چھاواں دی بے قدری کیتی
چھاواں دی بے قدری کیتی دھپ نال یاری لاہ کے,
جنہے وچ تندوراں ںسٹے پیپل بوڑھ ونجا کے
پینڈے سارے کھوٹے کیتے تھاں تھاں دورھ اڈائی'
کیہ لبھیا جے لبھیا وی تے اپنا آپ گنوا کے
ساجھ سویلے اٹھن والے ٹر گئے ایس جھانوں'
چڑیاں'تتر'بانگی ککڑ تہک گئے رولا پا کے ,
نویاں گلاں نویں تماشے نویاں نویاں سانجاں,
اک دوجے نوں داہ پئے لائیے جوٹیاں کھا کے قسماں ,
جیہڑے اتوں ھسدے دسن وچوں ھو گئے خالی,
سچیاں خوشیاں دے سب ویلے بیٹھے آپ ونجا کے,
کیہ لبھیا ایتھوں کوڑو کوڑ جہاں کے,
دل کملے نوں کیہ سمجھاواں کیہ لبھیا سمجھا کے,
سودے سب گھاٹے والے کوڑے سب وپاری
سکے سارے کھوٹے دسن ویکھیے لیکھ پرتا کی
عقلاں وانگ مثالاں بھانویں فیر وی گھپا ہنیرا
بابا کوئی ڈھونڈ لیاؤ ٹر جائے پھیرا پا کے
Reply With Quote
Bookmarks