Naqaab. . . .
-
Go havaa-e-GulsitaaN ne mere dil ki laaj rakh li..
Wo naqaab Khud uThaate to kuchh aur baat hoti
[Aga Hashr]
-chehare ka nisf hisa zer-e-naqaab kar ke..
karate haiN husn vaale deedaar meN milaavaT
[Unknown]
-kahiN chhaNv hai kahiN dhoop hai kahiN aur hi koi roop hai.
kai chehare is meN chupe huye ik ajeeb c ye naqaab hai
[Rajesh Reddy]
-sharm-e-rusvaai se ja chupanaa naqaab-e-Khaak meN.
Khatm hai ulfat ki tujh par pardaa-daari haaye haaye
[Mirza Ghalib]
-naqaab kahata hai maiN pardaa-e-qayaamat hooN..
agar yaqiN na ho dekh lo uThaa ke mujhe
[Jaleel Manikpuri]
-muskura kar Daal di ruKh par naqaab.
mil gayaa jo kuch bi milanaa tha jawaab
[Moen Ahsan Jazbi]
-be-pardaa soo-e-vaadii-e-majnooN guzar na kar.
har zarre ke naqaab meN dil beqaraar hai
[Mirza Ghalib]
-haaN kyaa huaa wo hausalaa-e-deed ahl-e-dil..
dekho na wo naqaab uThaaye huye to haiN
[Majaz]
-mujh ko Khabar rahii na ruKh-e-benaqaab kii..
hai Khud numood-e-husn meN shaan-e-hijaab kii
[Asghar Ghondvi]
-hai dekhane waaloN ko sambhalane kaa ishaaraa..
thoRii naqaab aaj vo sarakaaye huye haiN
[Arsh Malsiyani]
-merii hairat kii qasam aap uThayeN to naqaab meraa. zimmaa hai ki jalve na
pareshaaN honge
[Jigar Moradabadi]
-dekhe baGhair haal ye hai iztiraab kaa..
kyaa jaane kyaa ho pardaa jo uTThe naqaab kaa
[Asar Sahbai]
-Aziz- mooNh se vo apane naqaab to ulaTeN..
kareNge jab agar dil pe iKhtiyaar rahaa
[Aziz Lucknawi]
Reply With Quote
Bookmarks