Boosa
Un'wan " Boosa "
> Bosaa dety nahiiN aur dil pe hai har lehjaa nigaah..
Jii me kahate haiN muft aaye to maal acha hai..
[Mirza Ghalib]
> Sohbat me Ghair kii na parii ho kahiiN ye Khoo..
Dene lagaa hai bosaa baGhair
iltijaa kiye..
[Mirza Ghalib]
[sohbat = company; Khoo =habit.
> Dikhaa ke jumbish-e-lab hii
tamaam kar ham ko na de..
Jo bosaa to mooNh se kahiiN jawaab to de..
[Mirza Ghalib]
> Kyaa Khoob tum ne Ghair ko
bosaa nahiiN diyaa..
Bas chup raho hamaare bhii
mooNh meN zabaan hai..
[Mirza Ghalib]
> Bosaa kaisaa ye hii Ghaneemat hai..
Ye na samajhe vo lazzat-e-
dushnaam..
[Mirza Ghalib]
[dushnaam =abuse]
> AaNkheN merii talvoN se mal
jaaye to achchhaa hai..
Basrat-e-paa-bos nikal jaaye to achchhaa..
[Zauq]
> Jaan kar sunataa tujhe wo qasaa-
e-paabosii meraa..
Aur teraa Thukaraa ke sar ko
muskuraanaa yaad hai..
[Hasrat Mohani]
> Yaar thaa gulzaar thaa baad-e-
sabaa thii maiN na thaa..
Laayaq-e-paabos-e-jaaN kyaa
hinaa thii maiN na thaa.?
[Bahadur Shah Zafar]
> Karate ho mujh ko manaa-e-
qadam_bos kis liye..
Kyaa aasmaaN ke bhii baraabar nahiiN hooN maiN.
[Mirza Ghalib]
> KahiiN bose kii mat jurrat dilaa, kar baiThiyo un se..
Abhii is had ko vo kaifii nahiiN
hoshiyaar baiThe haiN
[Insha]
[dilaa = O heart]
> Bose kii hai to Khwaahish par kahiye kyoN ke us se..
Jis se mizaaj-e-lab par harf-e- sawaal baaNdhe
[Mirza Sauda]
> Kyaa taab kyaa majaal hamaarii k bosaa leN..
Lab ko tumhaare lab se milaa kar kahe baGhair..
[Bahadur Shah Zafar]
> Bosaa jo ruKh kaa nahiiN dete lab kaa diijiye..
Hai ye misl-e-phool nahiiN panKhaRii sahii..
[Zauq]
> saadagii dekh k bose kii havas
rakhataa hooN..
Jin laboN se k mayassar nahiiN dushnaam mujhe
[Mussafi]
> Ko_ii mooNh choom legaa is nahiiN par..
Shikan rah jaayegii yooN hii
jabiiN par..
[Riaz Khairabadi]
> Shaq un ko thaa k raat meN
bosaa na le ko_ii..
GaaloN pe rakh ke soye kalaa_ii tamaam raat..
[Unknown]
> Le lo bosaa apanaa waapas kis
liye takaraar kii..
Kyaa ko_ii jaagiir ham ne chhiin lii sarakaar kii..
[Akbar Meeruti]
> Dhamakaa ke bosaa looNgaa ruKh-e-rashk-e-maah kaa..
Chandaa wasool hotaa hai saahab dabaav se..
[Akbar Allahabadi]
> Aaj bose un ke gin gin ke liye..
Din gine jaate the is din ke liye..
[Qavi Amrohi]
> Bosaa dene meN jo poochhaa k bigartaa kyaa hai..
Bole, lene meN kaho aap ko milataa kyaa hai..
[Unknown]
> Bosaa jo talab maiN ne kiyaa to haNs ke vo bole..
Ye husn kii daulat hai luTaa_ii nahiiN jaatii..
[Unknown]
> LipaTaa jo bosaa leke to bole k
dekhiye..
Ye doosarii Khataa hai, wo pehlaa qusoor thaa..
[Unknown]
Ek bose ke talab-gaar haiN Ham..
Aur maaNgen to gunah-gaar haiN ham..
[Zar Azeemabadi]
> Kand-e-lab kaa un ke bosaa be-taqalluf le liyaa..
GaaliyaaN khaa_iiN balaa se
mooNh to miiThaa ho gayaa..
[Maftoon Dehlvi]
" N¡Cè_Th¡NkéR "
Reply With Quote
Bookmarks