اسلام آباد___ امریکی ادارہ برائے بین الاقوامی ترقی (یوایس ایڈ) نے سوات، خیبر پختونخوا، چ آڑو تے آلو دی واہی بیجی کرن آلیاں تے مچھیریاں نو موبائیل صلاح مشورہ تے مالی امداد دے اک نویں آزمائشی منصوبے دا افتتاح کیتا اے۔

ایس منصوبے دے نتیجے چ سوات دے1700 توں ودھ درمیانے درجے دے فارماں تے 15000 لوکاں نوں موبائیل بینکنگ تائیں پہنچ ہووے گی۔ جان کاری تے مالی وسائل تائیں تیز پہنچ کارن کاشتکاراں دی کھیتی چ وادھا، منڈی تائیں آسان پہنچ تے روپے پیسے دا چنگا تے محفوظ طریقے نال لین دین ہوسکے گا گے۔

یوایس ایڈ دے مشن ڈائریکٹر گریگوری گوٹلیب نے اسلام آباد چ منعقد تقریب ویلے آکھیا کے اے آزمائشی منصوبہ زراعت دے شعبے چ موبائیل صلاح کاری تے مالی ٹیک دیون لئی اک پلیٹ فارم مہیا کرے گا، تے اے چالو سوات چ آڑو ،آلو تے مچھی پھڑن دے شعبے توں ہووے گا۔

آڑو دی کاشت کرنے آلے اک کاشتکارشاہی روم نے آکھیا کے سانوں موسم وارے تازہ خبر ہووے تا سانوں مینہ جھکڑ وارے جان کاری ہووے تے اسی ویلے نال سپرے تے فصل نوں پانی لا سکئے۔ اونے اے وی آکھیا کے وقت تے ضروری جان کاری کارن اودی محنت تے سرمایہ ضائع نہی ہووے گا۔
اے پروگرام پاکستان دی معاشی ترقی لئی جمع امریکی ٹیک دا اک حصہ وے جیدے چ گومل زام تے ستپارہ ڈیماں دے نیڑے دے علاقیاں چ واہی بیجی نو چنگا کرن لئی دو لکھ ایکڑ رقبے تائیں پانی دی پہنچ کرنی اے، ڈھائی لکھ کاشتکاراں تے واہی بیجی تو آمدن کرن آلیاں زنانیاں دی تربیت تے فصل دی منڈی تائیں پہنچ لئی رابطے ودھاوناں اے تا فصل تو کمائی زیادہ ہو سکے۔

ڈيجيٹل آؤٹ ريچ ٹيم پنجابی – يو ايس سٹيٹ ڈيپارٹمينٹ ( دفتر خارجہ(