KISI KO ALVIDA KAHNA !
Bohat Takleef Deta Hai
Kisi Ko Alvida Kehna
Dikhai Kuch Nahi Deta
Sunai Kuch Nhi Deta
Faqat Kuch Kapkapatey Lafz
Jo Honton Pe Thehar Jaen
Ubharti Doobti Dharkan
Usay Aawaz Deti Hai
Koi Apna K Jis Ka Nam
Apney Dil Pe Likha Ho
K Jis K Wastey Dil Se
Duain Hi Nikalti Hon
Bohat Takleef Deta Hai
Us Ko Alvida Kehna
Jisay Dil Main Basaya Ho
Baray Man Sey Jis Ko
Kbhi Apna Banaya Ho
Bohat Takleef Deta Hai
Kisi Ko Alvida Kehna.
**********************
SUNO AYE CHAND C LARKI!
Suno Ae Chaand C Larki
Abhi Tum Keh Rahi Thi Na
Tumhain Mujh Se Muhubbat Ho Nahi Sakti
Chalo Mana K Yeh Suchhai
Magar Ae Chaand C Lerki
Mujhe Itna Batao Tum
K Jub Mosam Badalte Hain
Gulon Main Rang Bharte Hain
To Phir Kyun Muztarib Ho Kar
Akele Pan Se Ghabra Kar
Hawa Ko Raaz Deti Ho
Mujhe Awaaz Deti Ho
Suno Ae Chaand C Lerki.
**********************
DUA!
Mera Lafz Lafz Dua Dua
Mere Aansuon Se Dhula Hua
Tujhay Zindagi Ke Wo Sehar Miley
Tujhay Muhabaton Ka Safar Miley
Tujhay Dard-O-Gam Na Kabhi Choo Sakay
Teri Ankh Kabhi Na Nam Ho Sakay
Tere Pyar Jis Pe Nisar Ho
Wo Hamesha Tere Pas Ho
Tum Pe Khushiyon Ki Barsat Ho
Aur Taweel Teri Hayat Ho
Ye Dua Hai Koi Gila Nahi
Tujhay Zindagi Main Wo Sakoon Milay
Jo Kisi Ko Kabhi Mila Nahi .
WO KAGHAZ KI KASHTI BARISH KA PANI!
Ye daulat bhi le lo , Yeh shohrat bhi le lo
Bhale cheen lo , mujh se meri jawaani
Magar mujh ko lauta do bachpan ka saawan
Woh kagaz ki kashti , wo baarish ka paani ........
Muhalle ki sab se puraani nishaani
Wo budhiya jise bache kehte the naani
Wo naani ki baaton me pariyon ka deraa
Wo chehre ki jhuriyon me sadiyon ka pheraa
Bhulaaye nahi bhool sakta ha koi
Wo choti si raatein , Wo lambi kahaani
Wo kagaz ki kashti , wo baarish ka paani .......
Kadii dhoop me apne ghar se nikalna
Wo chidiya wo bulbul wo titli pakadna
Wo gudiya ki shaadi pe ladna jhagadna
Wo jhoolon se girna , wo gir k sanbhalna
Wo peetal k chalon k pyaare se tohfe
Wo tooti hui choodiyon ki nishaani ....
Wo kagaz ki kashti , wo baarish ka paani .......
Kabhi rait k oonchje teelon pe jaana
Gharonde banaana , bana k mitaana
Wo maasoom chaahat ki tasveer apni
Wo khwaabon khilonon ki tabeer jaageer apni
Na duniya ka gham tha na rishton k bandhan
Badii khoobsoorat thi wo zindagaani .....
Wo kagaz ki kashti wo baarish ka paani ......!!
*****************************
MUJHY TUM SE MUHABBAT HAI!
Mere Sathi
Meri Yeh Rooh Mere Jism Se Parwaaz Kar Ja'ay
To Laut Aana
Meri Be'Khuwab Raaton K Azaabon Par
Sisatkay Shehr Ma!n Tum Bhi
Zara Si Da!r Ko Rukna
Mere Be'Noor Honton Ki Dua'on Par
Tum Apni Sard Paishani Ka Pathar
Rakh Kar Ro Dena
Bas Itni Baat Keh Dena
' Mujhe Tum Se Muhabbat Hai ' ..!!
***************************
MUHABBAT!
Mohabbat ki haseen rahon mein aksar maine dekha hai,
Jo sathi sath chalte the bicharte maine dekha hai,..
Sajate the bare hi shoq se khayalon ki haseen duniya,!!
Bohat choti si baton pe ujarte maine dekha hai,..
Jo kehte the ke ik pal bin tere hum reh na payenge,!!
Saamna ab ho to chup chap guzarte maine dekha hai,..
Jo kehte the tera rishta zamane bhar se afzal hai,
Unhi rishton ko pal bhar mein bikharte maine dekha hai.
****************************
YAAD AAOUN TO BAS ITNI C INAYAT KERNA!
Yaad Aaon To Bas Itni Si Inayat Karna
Apne Badle Huwe Lehjay Ki Wazahat Karna
Tum To Chahat Ka Shahkaar Huwa Karte Thay
Kis Se Seekha Hai Ye Ulfat Mein Milawat Karna
Hum Sazaon Ke Haqdaar Bane Hain Kab Se
Tum Hi Keh Do Ke Jurm Hai Kia Mohabbat Karna
Teri Fursat Mein Ye Aankhein Abhi Tak Mumm Hain
Kabhi Aana Mere Ashkon Ki Ziyarat Karna.
Dil Mein Ab Bhi Mohabbat Ke Diye Hain Roshan
Dekh, Bhoole Nahi Teri Hasti Ki Sajawat Karna.
**********************
Bookmarks