ذرا سا مُسکُراؤ ناں
ذرا سا مُسکُراؤ ناں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غموں کی جو فصیل ہے وہ اس قدر طویل ہے
غضب تو ہے یہ ایک نہیں فصیل در فصیل ہے
تم اُس کی ہر منڈیر پر آرزوؤں کے تیل سے
چراغ دل جلاؤ ناں، ذرا سا مُسکُراؤناں
وہ پھر سے یاد آ گیا، جو رُوٹھ کر چلا گیا
اُسے خیال بھی نہیں، کسی کا دل دُکھا گیا
اب اُسکی میٹھی یاد میں،شبوں کو جاگ جاگ کر
یہ رتجگے مناؤ ناں، ذرا سا مُسکُراؤناں
یہ غم ہمیشہ آئیں گے،یہ دل یونہی جلائیں گے
مگر خوشی کے آتے ہی، یہ غم بھی بھُول جائیں گے
ملُول ہو کے غم سے تم، زرا پلکوں پہ یونہی
ستارے جھلملاؤناں، یہ آنسو پی بھی جاؤ ناں
ذرا سا مُسکُراؤ نا، ذرا سا مُسکُراؤ ناں
Reply With Quote
Bookmarks