آپ کے جوابات نوٹ کرلئے گئے ہیں
شکریہ اس مقابلے میں حصہ لینے کا
najam mirani said:
وعلیکم السلام ورحمت اللہ وبرکاتہ
سوال 1: حضرت حسین رضی اللہ عنہ کی ولادت کب اور کہاں ہوئی ؟
جواب:حضرت امام حسین عالی مقام رضی اللہ تعالیٰ عنہ کی ولادت 5 شعبان 4ھکو مدینہ منورہ میں ہوئی
(اسد الغابۃ، باب الحاء والحسین،۱۱۷۳۔الحسین بن علی،ص۲۵،۲۶)
سوال 2: حضرت حسین رضی اللہ عنہ کی ولادت اورشہادت کی خبر حضور صلی اللہ علیہ وآلہ وسلم کیسے ہوئی تھی ؟
جواب: حضرت عباس بن عبد المطلب رضی اللہ تعالیٰ عنہ کی زوجہ ایک روزحضورانور علیہ الصلوٰۃ والسلام کے حضور میں حاضر ہوئیں اور عرض کیا: یارسول اللہ! صلی اللہ علیک وسلم آج میں نے ایک پریشان خواب دیکھا، حضور صلی اللہ تعالیٰ علیہ وآلہ وسلم نے دریافت فرمایا: کیا؟عرض کیا: وہ بہت ہی شدیدہے۔ ان کو اس خواب کے بیان کی جرآت نہ ہوتی تھی۔ حضور صلی اللہ تعالیٰ علیہ وآلہ وسلم نے مکرردریافت فرمایا تو عرض کیا کہ میں نے دیکھا کہ جسد اطہر کاایک ٹکڑا کاٹا گیا اور میری گود میں رکھا گیا۔ ارشادفرمایا :تم نے بہت اچھا خواب دیکھا، ان شاء اللہ تعالیٰ فاطمہ زہرا رضی اللہ تعالیٰ عنہا کے بیٹا ہوگا او ر وہ تمہاری گود میں دیا جائے گا۔ ایساہی ہوا۔ حضرت امام حسین رضی اللہ تعالیٰ عنہ پیدا ہوئے اور حضرت ام الفضل کی گود میں دیئے گئے۔ ام الفضل فرماتی ہیں: میں نے ایک روز حضوراقدس صلی اللہ علیہ وآلہ وسلم کی خدمت اقدس میں حاضر ہوکر حضرت اما م حسین رضی اللہ تعالیٰ عنہ کو آپ صلی اللہ تعالیٰ علیہ وآلہ وسلم کی گود میں دیا،کیا دیکھتی ہوں کہ چشم مبارک سے آنسو ؤں کی لڑیاں جاری ہیں۔ میں نے عرض کیا: یانبی اللہ! صلی اللہ تعالیٰ علیہ وآلہ وسلم میرے ماں باپ حضو رپر قربان! یہ کیا حال ہے ؟ فرمایا:جبریل علیہ السلام میرے پاس آئے اور انہوں نے یہ خبر فرمائی کہ میری امت اس فرزند کو قتل کرے گی۔ میں نے کہا: کیااس کو؟ فرمایا:ہاں اور میرے پاس ا س کے مقتل کی سرخ مٹی بھی لائے۔
(دلائل النبوۃ للبیہقی،جماع ابواب اخبار النبی.الخ،باب ما روی فی اخبارہ.الخ،ج۶،ص۴۶۸)
سوال 3: حضرت حسین رضی اللہ عنہ کی کنیت کیاہے ؟
جواب: حضرت امام حسین رضی اللہ تعالیٰ عنہ کی کنیت ابو عبداللہ ہے۔
(اسد الغابۃ، باب الحاء والحسین،۱۱۷۳۔الحسین بن علی،ص۲۵،۲۶)
Bookmarks