کیچپ ایک مزیدار چٹنی ہے لیکن کیا آپ کو معلوم ہے کہ اسے تانبے کے برتن صاف کرنے کے لئے بھی استعمال کیا جا سکتا ہے جی ہاں کیچ اپ کو ان دو مقاصد کے لئے استعمال کیا جا سکتا ہے اور اس کے علاوہ اور بھی کھانے والی اشیاءموجود ہیں جن سے اشیاءکی صفائی کا کام بھی لیا جا سکتا ہے ذیل میں ایسی ہی چند غذاﺅں کا تذکرہ دلچسپی سے خالی نہ ہوگا۔
1۔ کیلے کے چھلکے سے سلور کی صفائی
آج کے بعد کیلے کے چھلکے نہ پھینکئے کیونکہ اگر آپ کے گھر میں سلور کے برتن موجود ہیں تو کیلے کے چھلکوں کا ان برتنوں کے داغوں والے حصے پر اچھی طرح مساج کریں جس سے یہ چمک کر بالکل نئے دکھائی دیں گے۔
2۔کھیرے کے چھلکے سے دیواروں اور میزوں کی صفائی
گرین ہاﺅس ایکوکلیننگ کے بانی اور سی ای او سعودیہ ڈیوس کے بقول کھیرا مختلف اشیاءکی صفائی کا ایک زبردست ذریعہ ہے کیونکہ اس کا چھلکہ دیواروں پر لگے داغ دور کرتا ہے اور اگر آپ اپنے باتھ روم کے شیشے کی دھند کو صاف کرنا چاہتے ہیں تو جب کبھی آپ نہانے کے لئے جائیں تو نہانے سے قبل کھیرے کے چھلکے کو شیشے پر ملیں اس سے وہ آپ کے نہانے سے دھندلانہیں ہوگا۔
3۔کیچپ سے تانبے کے برتنوں کی صفائی
اگر آپ کے ہاں کچھ تانبے کے برتن موجود ہیں اور وہ آلودہ ہو چکے ہیں تو کپڑے پر تھوڑی کیچ اپ لگا کر اس سے برتنوں کو صاف کریں اس میں موجود تیزاب تانبے کے داغوں کو صاف کر دے گا۔
4۔کچے پیاز سے سیخ دار چولہے کی صفائی
ایک رپورٹ کے مطابق اگر آپ کچے پیاز کر اسے درمیان سے کاٹ لیں اور پھر اس کے اندرونی حصے کو چولہے کی سلاخوں پر ملیں تو اس ان پر لگی چکنائی اور گندگی آسانی سے صاف ہو جاتی ہے اس کے لئے سب سے پہلے سلاخوں کو تھوڑا سا گرم کرکے ان پر لگی آلائشیں اتار لیں اس کے بعد پیاز سے انہیں اچھی صاف کریں بعد ازاں دھو لیں۔
5۔ اخروٹ سے لکڑی کے فرنیچر کی صفائی
اخروٹ سے گری نکال کر فرنیچر کی خراشوں والی جگہ پر رگڑیں بعد میں ہاتھوں سے مل دیں تاکہ روغن اچھی طرح جذب ہو جائے اور پانچ منٹ تک انتظار کریں اور نرم کپڑے سے فرنیچرصاف کر دیں آپ دیکھیں گے کہ آپ کے سامنے ایک صاف ستھرا اور چمکدار فرنیچر موجود ہوگا۔
6۔ڈبل روٹی کے ٹکڑے سے کرچیاں چنیں
اگر کبھی گلاس زمین پر گر کر ٹوٹ جائے تو بریڈ کا ایک سلائس لے کر اسے گیلا کرلیں اور جہاں گلاس کی باریک کرچیاں گری ہوں وہاں رکھ دیں اس سے آپ زمین پر گری تمام کرچیاں بآسانی چن سکتے ہیں۔
7۔ چاولوں سے کافی گرائنڈر کی صفائی
اگر آپ کے گرائینڈر پ مصالحہ گرا ہوا ہے تو تھوڑے سے کچے چاول لے کر گرائینڈر میں ڈال کر اس وقت تک پیستے رہیں جب تک یہ بالکل سفوف نہ بن جائیں پھر کسی کپڑے سے ان کو صاف کریں، پیسے ہوئے چاولوں سے گرائنڈر پر پڑا مصالحہ اور کافی کے بیج بھی بالکل صاف ہو جائیں گے ۔
9۔ زیتون کے تیل سے لیس دارمادے کو اتارنا
بعض اوقات آپ کے بچے باہر کھیلتے ہوئی کسی لیس دار چیز پر بیٹھ جاتے ہیں اور پھر گھر آکر صوفے یا بستر پر بیٹھتے ہیں جس سے صوفے یا بستر پر نشان پر جاتا ہے اس کے لئے زیتون کا تھوڑا سا تیل کسی کپڑے پر لگا کر نشان والی جگہ پر لگائیں جس سے وہ داغ صاف ہو جائے گا اور اس پر لگی گوند وغیرہ آسانی سے اتر جائے گی۔
10۔مکئی کے بھوسے سے فیبرک پر لگے داغ دور کرنا
مکئی کاآٹا یا بھوسا داغ والی جگہ پر مل دیں اور پندرہ بیس منٹ تک لگا رہنے دیں۔
11۔کوکاکولا سے ٹوائلٹ کی صفائی
ٹوائلٹ پر لگے داغ کوکاکولا میں موجود تیزاب سے اچھی طرح صاف ہو جاتے ہیں اس سے لیے ایک کوکا کولا کا کین لے کر سارے کا سارا ٹوائلٹ میں ڈال دیں اورایک گھنٹے بعد فلش کر دیں
Bookmarks