~~~* Aap Ka Kaya Khayal hai? *~~~

[waqar451]

Assalamo Alikum Wa Rehmatullah He Wa Barakatuho



Dear Brothers and Sisters,


Ek Topic Start kerne Laga Hon " Roshan Khayali Ek Naya Mazhab (Religion)



Aaj Kal Ek naya Religion kafi taizi se Maqboliyat paa raha hai jiss ka Naam " Roshan Khayali " hai.Aur Hamary Country main to iss k Followers 99% tak puhanch gaye hain.Issay Urf-e-Aam main " Anti-Islam " kaha jaye to be jaa na ho.


Ab iss Religion ki ager History per nazar Dorain to iss ka Mojadd (Inventor) to shaid koi ek Shaks nahi Iss Nahi lakin iss Religion k bary bary Caliph zaroor guzray hain lakin iss ka sab say bary Khidmatguzaar Jaisay

" Janab Parveez Mushraf Sahib "
" Mohtarumm Parveez Elahi Sahib "
" Izzat-e-Maab Shujaat hussain Sahib "

inn Hazrat ny Marathon Race,Haqooq-e-Niswaan,Lal Mashid Jaisi Policies sy Iss Religion ki bohat khidmatt ki hai,,

Kahin Topic Sayasi Rang na paker jaye iss liye dobara asal Topic ki taarf Wapis aatay hain.Issay Anti-Islam iss liye kaha jata hai k jo jo kaam Islam main Haram hai wo iss Naye Religion main Halal hai..,,,,

Jaisy Be-Pardagi,Sood,Sharab,Zina,Gheebat,Jhoot,Specially Music Etc. Yah kaam na sirf Deeda Dailairi sy kiye jaty hain bel kah Reasons b inn logon k pass Tayar hoti hain.

Ager Ek Aurat ko Parday ka Kaha jaye to agay sy Jawab milta hai " Parda Dil ka hota Tum molvi Type Log hotay he Tang Nazer Ho "..,,

Inn Kam Aqalon ko koi yah Samjhye kah Dil to pehlay he Perday k ander hai waisey b Ham Log Doors aur Windows per Perda lagatay hain Kabhi kisi ko dekha hai kahli deewar k aagay parda lagatay hoye? Deewar to khud ek perda hai.Ab Perda ager Dilon ka hota hai to Dil to pehlay he Parday main.Baaz dafa to yah bhi sun,nay ko milta hai kah Ager Be-Perda ghoom rahi hain to kisi ka kaya leti hain.? Bilkul kisi ka kuch nahi leti...... lakin apni Aakhrit barbaad kerti hain aur Allah sy Khulay Aam Badd-Mashi kerti hain kah Aye Allah tu ny Perday ka Hukam diya hai main nahi Manti........

Bhai Hamary Islam main to Al-Hammdulilah itni Pakeezgi hai kah Jis Raat Allah Pak ny Parday ka Huakm Nazil fermaya to Agli Subah Masjid main sari Aourtain (Women) perda ker k aayin lakin 1 Aurat ko abhi tak iss Hukam ka nahi pata tha wo Bey-Perda aa gayi to dosri Aurton ko dekh k kehnay lagi Tumhain kaya ho gaya aaj Parda ker k aayi ho?.To Dosri aurton ny bataya ka kal raat parday k Hukam wali Ayat Nazil hoyi hai.To os Aurat ny foran apnay Chotay sy bachay ko gher Bhejha k jao meri Chaadar lay k aao main b Perda karon.Jeb wo Wapis Gher Aayi to os k husband ny kaha itni kaya jaldi thi k Bachay ko bhejha Gher wapis aa k Perda ker letin.To Os Aurat ny Kaha K ALLAH ka Hukam Milnay k Baad Mera Dil nahi Kiya kah 1 QADAM bhi Allah k Hukam k Bagair otha,oun. Subhan Allah



Lakin Baat Wohi Aa Gayi Wo Ourat Mazhab Islam Ki thi.....




Dosra Bara Farz iss Jhoot aur Gheebat hai ( Yaad Rahy Ranking Uses k Hisab sy Ki ja rahi hai),,Sara Din Ek Dosray ki Burayi Bayan kerna,Jhoot Bol ker Maal baichna,Jhoot bol ker Fasaad dalwana bhi iss Naye Religion main Aam hai..,,Masla phir wohi Reason Tayar hoti hain inn logon k Pass Jhoot Bol k Mall na Baichain to Khana kahan sy khayain.....Ham kon sa kisi ki Burayi ker Rahy hain Ham to " BAAT" he ker rahy hain,,,Mera Khayal hai Gheebat bhi baat krnay sy Hoti hai Ya koi Danday Sootay Marnay Hotay hain Aap ka Kaya Khayal hai iss bary main?


Bhai Hamary religion Islam main to yah hai Kah Rizq ki Zimaydari ( Responsbility) Allah ny li hai Lakin Janat denay ki ya Baksh dainy ki Allah ny koi Zimmaydari nahi li to ham to os Cheez ki Fikar karain gy Jis ki ZimayDari Allah ny nahi li..Yani jhoot na bol ker APna Mall baichan gy kyon hamain Jhoot Bolnay ki Zarorat he kaya hai Hamain Pata hai Allah ki Zimmaydari hai jahan Merzi sy Rizq dy ga,,,Dy ga yah Sure hai Insha Allah.... Ager jhoot bolain gy to Allah ny Maaf kerna hai ya Nahi Yah Sure Nahi Yah to Allah He Janta hai..


Hamian to Itna pata hai Hamaray Religion Islam k Sab sy Bary Caliph Hazrat Muhammd (SAW) Sy 1 daaf Hazrat Ayesha ( R.A) Ny Pucha tha kah " Ager ham kisi k bary main yah kah dain k os ka Qadd ( hight) chota hai to kaya yah bhi Geebat ho gi " Hazrat Muhammad ( SAW) ny Fermaya Yah to tum ny itni gandhi ( Bad) baat kahi hai k ager 1 Sammnuder main daal di Jaye to Sammunder ka sara Pani Gandha ho jaye ".......,,,,,,isi liye hamary mazhab main to geebhat Haram hai,

Haan maine Suna hai k " Roshan Khayal Religion" wale to ek dosray ko " Kaafir " b Kehtay hain ab un ki yah baat ager Sammnuder main dali jaye to.................





Music Naam ki Atom bhi aaj kal bohat aam hai "Roshan Khayal " k Followers main.. Kah rahy thay kah MUSIC Rooh ka sakoon hai Rooh Ki Giza hai Etc.Kushi ya Gham main Music sun,na chahiye Shadi per Music iss liye chalatay hain k khushi bohat Hoti hai etc......,,,,,,,,,


Waqai itni Khushi hoti hai kah Jis ALLAH Ny Beta ya Beti di Tamam Namtain di 20 ya 22 saal os betay ya beti aur tum sab ko kahilaya pilaya Nawaza itni khushi hoti hai kah Shaadi per music chala chala k osi Allah ko Naraz kiya ja raha hota hai. Oh Itni khushiiiiiiiiiiiiiiii????




Bhai Hamray Islam main to yah thinking Aam hai kah Jaisy Jisam Mitti sy Bana hai iss k Khany ki har ghiza (diet)Chahay koi b ho koi bhi wo bhi mitti say Nakalti hai.

Aur jaise Rooh Aasman sy Aati hai insan k Jisam main...,,To iss Rooh ki Ghaza bhi Aasman sy Aani chahiye to wo Ghiza Aa Chuki hai wo hai Aasmani kitaab " Qurann-e-Pak "..... Bhai Ham Mazhab Islam wale to Razi ho Ghamgeen hon ham to Quran perhtay hain Kyon kah yahi Rooh ki Ghiza hai..




Baat wohi aa gayi yah ISLAM hai wo " Roshan Khayal ".




Hamary Nabi Pak(SAW) iss Ummat k liye jo kah Ab " Roshan Khayal "ban chuki hai iss Ummat k liye itna Roye hain Itna Roye hain kah Allah pak ko kehna perr gaya
" Itna to na Roya ker kah Tu Khud Halak Ho jaye".


Arfat k Maidan main NABI PAK(SAW) 6 hours roye hain.. 6 Horus sirf 1 he Dua "Allah meri Ummat ko Bakhsh dy Allah meri Ummat ko Bakhsh dy ".

Ham 60 mint se zayada nahi Ro Sakte Musalsal 60 mint.Nabi Pak(saw) Sari Raat Sajday main Sarr rakh rakh k rotay thay Ek He Dua " Allah meri Ummat Allah Meri Umat "



1 Moqa per Nabi Pak (SAW) ne fermaya k Har Nabi ko ek ek Dua Mili thi jo unho nay Mang li.Maine Apni dua Save ki hai Bachayi hai main Qayamat waly Din Apni ummat k liye mangon ga..... Subhan Allah...



Itni Wafa Apni Ummat say........Ager likhnay per aaoun to shaid Sanasain kaamm par jain....



Aur Ummat " Roshan Khayal " Nami Mazhab main Daakhil ho chuki hai.....Jeb koi Aurat
Bey-Perda ho ker bahir nikalti hai to wo Hath main 1 Teer Kaman Lay ker nikalti hai jis say Hazrat Muhammd(SAW) k ssenay per teer chalti hai...osi Nabi k seenay per jis ki Dua say Hamaray Gunahhon k bawajood ham Bandarr PIg,nahi bany yah hamari Shklain nahi bigrin...



Jeb koi jhoot bolta hai,Choori kerta hai,Daka Dalta,Zina Kerta Hai Sharab peeta hai,,Naach gana kerta hai to Apnay NABI k seenay per Khanjar chalta hai Os Nabi(SAW) K Seenay par jo Qaymat din Bhi Wafa Nibhain gy Shifaa,at Karain Gy Insha Allah..

Aray janab Kis khushFehmi main gumm ho Wo Shifaa,at ay Sifarsah karain gy Mazhab islam walon ki... " Mazhab Roshan Khayal walon ki nahi "

Bhai Hamm To Qayamat Wale din Insha Allah Apny Nabi Akram(SAW) k pass Khary hon gy ta ka Hamri b Safarish karain Allah Sy.........Aap Roshan Khayal waly APna Caliph Doondh lena.....

Sara Din Allah Ki Nafarmi kertay ho Nabi Akram(SAW) ki Sunat ki khilaaf warzii kertay Nabi Akram (SAW) k seenay per teera Chalatay ho Khanjron say waar kertay ho

Aur phir kehte hai k Nabi sy Mohabbat bohat hai...Yah Munafiqat nahi to Kaya hai,,,Mujhe aaj samjha do,,,?



Note:-

Bey-Namazi Ko list main ya Artical main koi Jaga nahi di gayi kyon kah wo iss qabil he nahi os kahin jaga di jaye waise bhi Be-Namazi ka kisi Mazhab sy koi Wasta nahi hota.Jo itna Proud ho kah Allah k samnay Jhuknay ko tayar nahi os ka kisi mazhab say kaya lena dena?,,, Haan Naam k lihaz sy shaid khud ko Musalman kehta phiray.Aisay logon sy door Aur Bachon ki Puhancah sy b door rakhain.





Warning:-


Kehte hain kah 2 Kashtiyoun ka Sawar Hamesha Dobta hai..........Pakistan ki Bunyaad (Base) La ILaha illaha per rakhi gayi thi.......Lakin Bhaiii aaj kal Roshan Khyal Pakistan ka Nara (Slogan) sun,nay main bohat aa raha hai,,,Yah kaya hai bhaii.?1 Religion ikhtiyaar karo 2 Kashtiyoun k Sawar na bano nahi to Doob jao gy.Khairr " Roshan Khayali " Jisa Mazhab Join ker k kon sa PAAR Lagg jao gy?Dobo gy to Tabb bhi...,,,,,Kyon kah Roshan Khayali
Toofan-e-Noah(A.s) Hai Aur " Islam " Kashti-e-Muhammad(SAW).Iss Kashti main Sawar ho gy to Paar lago gy.........,,,







Aakhri baat:-


Kabhi Kabhi mujhy Lagta hai kah main bhi " Roshan Khayal Mazhabb " ka Follower hon."


Allah Ham sab ko Deen Islam main pura pura Dakhil honay ki Taufeeq Aata fermaye.Aaamin