بالوں کو گھنا اور موٹا بنانے کا نسخہ
-1 متوازن غذا
متوازن غذا کا استعمال سب سے اہم بات ہے کیونکہ بالوں کو درکار مختلف غذائی اجزاءتب ہی دستیاب ہوسکتے ہیں جب ہم اپنی روزمرہ غذا میں سبزیوں، پھلوں، دودھ اور گوشت جیسی اشیاءکا متوازن استعمال کریں۔ خصوصاً سبزیاں اور پھل بالوں کو وٹامن اور معدنیات فراہم کرنے کے لئے ضروری ہیں۔
-2 ذہنی دباﺅ سے تحفظ
آج کل کی مصروف زندگی میں ذہنی دباﺅ ایک عام مسئلہ بن چکا ہے جس کی وجہ سے جسم کا میٹا بولزم نظام متاثر ہوتا ہے اور باقی اعضاءکی طرح بالوں کی صحت بھی شدید متاثر ہوتی ہے۔ ذہنی دباﺅ سے بچنے کے لئے صحت مند مشاغل اختیار کریں، مثبت سرگرمیوں میں حصہ لیں جیسا کہ اچھی کتب کا مطالعہ کرنا۔
-3 بالوں کا خیال رکھنا
بالوںکو صحت مند رکھنے کے لئے ضروری ہے کہ آپ کو معلوم ہو کہ آپ کے بالوں کے لئے کون سا شیمپو اور کنڈیشنر مناسب ہے۔ آپ پہلے اچھی طرح تحقیق کے بعد کسی شیمپو یا کنڈیشنر کا انتخاب کریں اور اسی کا استعمال جاری رکھیں کیونکہ بار بار شیمپو یا کنڈیشنر بدلنے کا بالوں پر منفی اثر پڑتا ہے۔
-4 آلودگی سے تحفظ
اگر آپ زیادہ تر وقت گھر سے باہر گزارتے ہیں تو کوشش کریں کہ بالوں کو ڈھانپ کر رکھیں تاکہ یہ گرد و غبار اور دھویں سے محفوظ رہیں۔ سر کی جلد پر جمع ہونے والا گرد و غبار خشکی اور جلد کی دیگر بیماریوں کا باعث بنتا ہے اور نہ صرف بالوں کی جڑوں کو کمزور کرتا ہے بلکہ ان کی موٹائی پر بھی اثر انداز ہوتا ہے۔ براہ راست دھوپ کا پڑنا بھی بالوں کی صحت کے لئے مناسب نہیں ہے لہٰذا اگر آپ زیادہ تر وقت کھلے آسمان کے نیچے گزارتے ہیں تو بالوں کو دھوپ سے بچانے کا اہتمام بھی ضرور کریں۔
Reply With Quote
Bookmarks