دوستو کیسے ہو! امید ہے سب دوست ٹھیک ٹھاک ہوں گے اور خوشی خوشی زندگی گزار رہے ہوں گے۔
چلتے ہیں آج کے تھڑید کی جانب
اینڈرائڈ سمارٹ فونز جہاں پیاروں کے ساتھ رابطے کے لیے استعمال ہوتے ہیں وہیں لوگوں کی بڑی تعداد اسے انٹرنیٹ استعمال کرنے؛تصویریں اتارنے اور ویڈیوز بنانے؛گانے سننے؛شاپنگ کرنے اور ویڈیوز دیکھنے کے لیے بھی استعمال کرتے ہیں۔یوں تو ہر آپریٹنگ سسٹم کی طرح اینڈرائڈ میں بھی ایک ویڈیوز پلیئر شامل ہے تاہم اس کے فیچر اتنے اچھے نہیں کہ یہ ہر طرح کی ویڈیوز کو چلائے اور بہترین رزلٹ فراہم کر سکے؛اسی لیے اینڈرائڈ مارکیٹ میں ویڈیوز پلئیرز کی بھر مار ہے اور سب ک سب بہترین ہونے کا دعوی کرتے ہیں۔میں اپنے دوستوں کو اینڈرائڈ مارکیٹ میں موجود سینکڑوں سافٹ وئیر میں سے چھ ایسے ویڈیوز پلئیرز کے بارے میں بتاوں گا جو ان میں سب سے زیادہ مقبول اور بہترین ہے اور ممکن ہے کہ آپ بھی انہیں میں سے کوئی ایک پلئیر استعمال کرتے ہوں گے۔
BS Player
بی ایس پلئیر اینڈرائڈ فونز کے لیے بہترین پلئیر میں سے ایک ہے جو بہت سے فائل فارمیٹس کو آسانی سے پلے کرنے کے لیے سافٹ وئیر اور ہارڈوئیر کوڈنگ کا استعمال کرتا ہے۔یہ سافٹ وئیر سوائپ جیسچرز کےساتھ ساتھ تھیم سپورٹ کا بھی حامل ہے جس کے تحت اس کا انٹرفیس مرضی کے مطابق تبدیل کیا جا سکتا ہے۔اس پلیئر میں سب ٹائٹل سپورٹ بھی موجود ہے جبکہ یہ انٹرنیٹ کے ساتھ کنیکٹ ہونے کی صورت میں خودبخود مطلوبہ سب ٹائٹل ڈھونڈنے کی صلاحیت رکھتا ہے۔کسی بھی ویڈیو کو چھوٹی سکرین میں دکھانے کی صلاحیت اس ایپلی کیشن کا منفرد فیچر ہے جس کے ذریعے آپ کسی بھی ویڈیو کو چھوٹے پلئیر میں دیکھتے ہوئے کوئی اور ایپلی کیشن بھی استعمال کر سکتے ہیں۔اس پلئیر کی ایک بہت ہی بڑی خوبی موبائل فون کی بیٹری کا کم استعمال ہے جو محض پندرہ سے سترہ فیصد بیٹری کے عوض دو گھنٹے کی ویڈیو چلا سکتا ہے۔
گوگل پلے
VLC Player
دنیا بھر کے کمپیوٹرز پر سب سے زیادہ استعمال ہونے والے وی ایل سی پلئیر کے بارے میں سب دوست ہی جانتے ہیں تاہم اس کمپنی نے اپنا سافٹ وئیر اینڈرائڈ سمارٹ فونز کے لیے بھی فراہم کر رکھا ہے جو اب تک بیٹا چینل پر تھا تاہم اب اس کا فل ورژن جاری کیا جا چکا ہے اور توقعات کے مطابق یہ پلئیر کمپیوٹرز کے بعد اینڈرائڈ کے صارفین کی پہلی ترجیح بنتا جا رہا ہے۔یہ کمپیوٹر ہی کی طرح موبائل فون پر بھی ہر طرح کی فائلز کو پلے کر سکتا ہے اور سکرین سائز کے حساب سے کوئی بھی دوست مرضی کے مطابق سکرین کا سائز ایڈجسٹ کر سکتاہے۔
گوگل پلے
MX Player
ایم ایکس پلئیر ایک بہترین ایپلی کیشن ہے جو بہترین فیچرز اور آسان انٹرفیس کا حامل ہے اور اینڈرائڈ استعمال کرنے والا وہ دوست بھی اسے باآسانی استعمال کر سکتا ہے جو سمارٹ فونز سے متعلق زیادہ علم نہیں رکھتا۔اس میں بہت سے سوائپ جیسچرز بھی موجود ہیں جن کے استعمال سے مختلف آپشنز کو آن یا آف کیا جا سکتا ہے جبکہ چلتی ویڈیو کی تصویر کو بڑا یا چھوٹا کرنے کے لیے پینچ ٹو زوم فیچر بھی موجود ہے۔یہ ویڈیو پلئیر بہت سے ویڈیو فارمیٹس کو چلانے کی صلاحیت رکھتا ہے جبکہ اس میں ریشو سب ٹائٹل کنٹرول؛اسپیک اور سکرین لاک کی آپشن بھی مین ونڈو پر ہی موجود ہے جسے استعمال کرتے ہوئے پلئیرز کے فنکشنز کو لاک کیا جا سکتا ہے اور غلطی سے بھی ہاتھ لگنے پر یہ آپشنز آن یا آف نہیں ہوتی ہیں۔کچھ سمارٹ فونز پر اس کے استعمال کے لیے ایک الگ سے کوڈک پیک انسٹال کرنے کی ضرورت ہو سکتی ہے تاہم یہ زیادہ تر موبائل فونز پر بہترین طریقے سے کام کرتا ہے۔
گوگل پلے
Mobo Player
اینڈرائڈ سمارٹ فونز استعمال کرنے والوں میں مقبول موبو پلئیر اینڈرائڈ میں پہلے سے موجود پلئیر کا بہترین متبادل ہے جو سافٹ وئیر کوڈنگ کو استعمال کرتے ہوئے ایسی فائلز کو بھی سپورٹ کرتا ہے جو عموما اینڈرائڈ کا ڈیفالٹ پلئیر نہیں چلا سکتا۔یہ ڈبد موویز میں موجود کئی قسم کے آڈیو فارمیٹس کو باآسانی پڑھ لیتا ہے اور سکرین پر ظاہر ہونے والے مختلف سب ٹائٹل کو بھی سپورٹ کرتا ہے۔اس کا اہم فیچر ونڈو فلوٹنگ ہے جسے استعمال کرتے ہوئے آپ کال؛میسج یا اور کوئی اور ایپلی کیشن استعمال کرتے ہوئے ویڈیو کو چھوٹی سی ونڈو میں دیکھ سکتے ہیں۔
گوگل پلے
Rock Player2
راک پلئیر ایک مکمل آڈیو اور ویڈیو پلئیر ہے جو ایک دلچسپ انٹرفیس کا حامل ہے اور اینڈرائڈ کی ٹچ سکرین کا بھر پور فائدہ اٹھانے کی صلاحیت رکھتا ہے۔اس ایپلی کیشن میں بہت سے فیچرز جیسچرز کے ذریعے استعمال کیے جا سکتے ہیں جبکہ یہ پنچ ٹو زوم اور ڈبل فنگر جیسچرز کو بھی سپورٹ کرتا ہے۔اس کا ایک اور منفرد فیچر مین ونڈو پر موجو کنٹرول بٹنز کو تبدیل یا سجانے کی صلاحیت ہے جس کے ذریعے آپ زیادہ استعمال ہونے والے فیچرز کو مین ونڈو پر منتقل کر سکتے ہیں۔
گوگل پلے
Feather Player
بہت زیادہ فیچرز اور خوبیوں کے حامل پلئیرز کے بارے میں دوستوں کو بتا دیا گیا ہے تاہم ایک ویڈیو پلئر ایسا بھی ہے جس کے بنانے والوں نے اسے زیادہ سے زیادہ آسا اور لائٹ بنانے پر توجہ دی ہے اور کسی حد تک کامیاب بھی رہے ہیں۔اس پلئیر میں آپ کو کوئی بھی فینسی آپشن نظر نہیں آئے گی لیکن اس کے باوجود یہ بہترین کام کرتا ہے اور کسی بھی ویڈیو کو باآسانی اور بہترین رزلٹ کے ساتھ چلانے کی صلاحیت رکھتا ہے۔یہ بہت سی فائل فارمیٹس کو خود ہی سپورٹ کرتا ہے یعنی اگر آپ ایسی ڈیوائس استعمال کر رہے ہیں جو ذرا پرانی ہے اور اس میں اینڈرائڈ کا پرانا ورژن ہو تو یہ پلئیر آپ کے لیے بہترین ثابت ہو سکتا ہے۔
گوگل پلے
آج کا تھڑید اپنے اختتام کو پہنچا
اپنے دوست کو اجازت دیں
اللہ حافظ
Bookmarks