نئی دہلی ۔ دبئی میں مقیم ایک ہندوستانی کو ایک خاتون کے ساتھ عشق کی قیمت 1.3 ملین روپے چکانی پڑی۔ اڑیسہ کے کیندر پاڑہ ضلع کے اینی پاڑہ موضع کے 27 سالہ جتندر کمار نائیک 2003 ء سے دبئی میں برسرملازمت ہے۔ انہوں نے اپنی شریک حیات کے انتخاب کے لیے ایک میٹریمونیل سائٹ پر اپنا نام رجسٹر کرا رکھا تھا ۔ انہیں متعدد لڑکیوں کی طرف سے پیغامات موصول ہوئے لیکن 25 سالہ کاویری پاترا ان کے دل کو بھا گئی ۔ کاویری پاترا کا تعلق ملا بسنت موضع سے ہے۔ کاویری کولکتہ کی ایک آئی ٹی کمپنی میں ملازمت کرتی ہیں ۔ گزشتہ سال جون میں دونوں کے درمیان دوستی بڑھی اور ای میلز کے تبادلوں کا سلسلہ جاری ہوا۔ جتندر نے پٹہ منڈیل پولیس سٹیشن میں شکایت درج کرائی کہ کاویری نے نہ صرف ان کے 1.3 ملین روپے لوٹ لیے ہیں بلکہ کسی اور سے شادی بھی کر لی ہے ۔ پولیس آفیسر سی ملک نے اس کی تصدیق کرتے ہوئے بتایاکہ معاملہ کی تحقیقات کا آغاز ہو چکا ہے