تو محنت کر محنت دا صلہ جانے خدا جانے
تو ڈیوا بال کے رکھ چا ہوا جانے خدا جانے
خزاں دا خوف تاں مالی کوں بزدل کر نہیں سگدا
چمن آباد رکھ باد صبا جانے خدا جانے
مریض عشق خود کوں دوا دل دی سمجھ دلبر
مرض جانے دوا جانےشفا جانے خدا جانے
جے مر کے زندگی چاہندیں فقیری ٹوٹکا من گھن
وفا دے وچ فنا تھی ونج بقاٴ جانے خدا جانے
اے پوری تھیوے نہ تھیوے مگر بے کار نہیں ویندی
دعا شاکر تو منگی رکھ دعا جانے خدا جانے
Bookmarks