Results 1 to 3 of 3

Thread: ~*Sirke k herat angez faiday*~

  1. #1
    Arslan.Ahmad's Avatar
    Arslan.Ahmad is offline Advance Member
    Last Online
    6th October 2022 @ 12:06 PM
    Join Date
    03 Feb 2015
    Age
    32
    Gender
    Male
    Posts
    1,323
    Threads
    82
    Credits
    1,945
    Thanked
    124

    Default ~*Sirke k herat angez faiday*~


    سرکہ ایسی چیز ہے جو ہر گھر کے باورچی خانے میں موجود ہوتی ہے تاکہ کھانے کا ذائقہ دوبالا کیا جاسکے مگر کیا آپ کو معلوم ہے کہ یہ ایک ایسی سپر چیز ہے جو بہت کچھ ایسا کرسکتی ہے جس کا آپ نے کبھی تصور تک نہیں کیا ہوگا؟
    جی ہاں واقعی سفید سرکہ ایک ایسی چیز ہے جسے آپ کے باورچی خانے میں خصوصی جگہ ملنی چاہئے۔
    درج ذیل میں صرف کھانے پکانے میں استعمال ہونے والے سرکے کے ایسے فوائد جانے جو آپ کو دنگ کردیں گے۔
    کمپیوٹرز کی صفائی
    آپ کا کمپیوٹر، پرنٹر وغیرہ اس وقت زیادہ بہتر طریقے سے کام کرتے ہین جب وہ صاف اور مٹی سے پاک ہو اور اس کے لیے سرکہ ایک جادوئی محلول کا کام کرتا ہے۔ بس کمپیوٹر یا پرنٹر کی صفائی سے قبل اس بات کو یقینی بنالیں کہ یہ ڈیوائسز بند ہو اس کے بعد پانی اور سرکے کی یکساں مقدار ایک بالٹی میں مکس کریں۔ ایک صاف کپڑا اس محلول میں بھگوئیں اور پھر اسے سختی سے کمپیوٹر یا پرنٹر پر رکھ کر دبائیں اور پھر صاف کرنا شروع کریں۔
    بال پوائنٹ یا قلم کے دھبے صاف کرے
    ننھے بچے اکثر بال پین یا قلم سے دیواروں پر اپنے فن مصوری کا مظاہرہ کرتے نظر آتے ہیں یا سفید میز پر اسکول اسکول یا دفتر کھیلتے ہوئے نشانات لگا دیتے ہیں تو غصہ مت کریں بلکہ سفید سرکے کو ایک کپڑے یا اسفنج پر ڈال کر نشانات والی جگہ کو صاف کریں۔ یہ عمل اس وقت تک دہرائیں جب تک دھبے ختم نہیں ہوجاتے۔
    قینچی کو تیز کرے
    جب آپ کی قینچی کے بلیڈ کی تیزی ختم ہونے لگے یا اس پر کچھ چپک جائے تو اسے صاف کرنے کے لیے پانی کا استعمال مت کریں بلکہ قینچی کو بند کرکے اسے سرکے سے ڈوبے کپڑے سے صاف کریں اور کسی دوسرے کپڑے سے اسے خشک کرلیں۔
    قالین کی چمک دوبارہ بحال کریں
    اگر آپ کا قالین یا کارپٹ بوسیدہ اور دبا ہوا نظر آنے لگے تو اس میں نئی زندگی دوڑانے کے لیے ایک جھاڑو کو ایک کپ سفید سرکے اور ایک گیلن پانی سے مل کر بنے محلول میں ڈبو کر پھیریں۔ قالین کے مرجھائے ہوئے دھاگے پھر سے چمک اٹھیں گے اور آپ کو اسے دھلوانے کا نہیں سوچنا پڑے گا۔
    باورچی خانے کے سنک کو رکھے رواں
    سرکے اور بیکنگ سوڈے کا امتزاج ڈرین میں پھنسے کچرے کو ہٹانے کے موثر ترین طریقوں میں سے ایک ہے جبکہ یہ پانی کے پائپس کے ساتھ ساتھ جیب پر بھی گراں نہیں کزرتا۔ پہلے آدھے کپ بیکنگ پاﺅڈر کو انڈیل کر ایک کپ سرکے کو ڈرین میں ڈالیں، جب ان کا جھاگ بن کر بیٹھنے لگے تو اسے گرم پانی سے فلش کردیں۔ پانچ منٹ تک انتظار کریں اور پھر ٹھنڈا پانی ڈالیں۔ یہ تیکنیک کچرا صاف کرنے کے ساتھ ساتھ بو کا باعث بننے والے بیکٹریا کو بھی صاف کردیتی ہے۔
    سیگریٹ کی بو دور بھگائے
    اگر تو آپ سیگریٹ نوشی سے نفرت کرتے ہیں مگر دوستوں کی آمد کی وجہ سے گھر کے کسی کمرے میں اس کی بو پھیل جائے تو کم گہرے ڈونگے کو تین چوتھائی حد تک سفید سرکے سے بھر کر کمرے میں اس جگہ رکھ دے جہاں سیگریٹ کی بو سب سے زیادہ محسوس ہورہی ہے، اگر پورے گھر میں بو پھیل چکی ہے تو ایسے کئی برتن استعمال کریں۔ اس طریقہ کار سے محض ایک دن کے اندر یہ بو ختم ہوجائے گی۔
    جمی ہوئی چکنائی سے نجات
    چولہوں، بوائلر یا کچن کاﺅنٹر پر اکثر گھی کے داغ جم جاتے ہیں جنھیں صاف کرنا کوئی آسان کام نہیں، اس کے لیے پانی اور سرکے کی یکساں مقدار سے محلول تیار کرکے اس میں ایک کپڑے کو بھگو کر رگڑیں۔ اس گریس کو صاف کرنے کے ساتھ سرکہ وہاں بس جانے والی بو کو بھی ختم کردے گی۔
    مائیکرو ویو کو چمکائیں
    مائیکروویو کو صاف کرنے کے لیے ایک شیشے کے باﺅل میں چوتھائی کپ سرکہ ایک کپ پانی میں شامل کرکے ڈال دیں اور پھر پانچ منٹ تک مائیکروویو کو چلائیں۔ اس کے بعد باﺅل کو ٹھنڈا ہونے دیں پھر اس میں ایک کپڑا یا اسفنج ڈال کر مائیکروویو کے اندر لگے دھبوں اور دیگر گندنی کو صاف کرلیں۔
    سلور کے برتنوں کو نیا بنائیں
    اپنے سلور کے برتنوں بلکہ بریسلیٹ، انگوٹھیوں اور دیگر زیورات کو بھی آپ چمکا سکتے ہیں بس انہیں آدھا کپ سفید سرکے اور دو چائے کے چمچ بیکنگ پاﺅڈر سے بنے مکسچر میں دو سے تین گھنٹے تک ڈبوئے رکھیں۔ پھر انہیں ٹھنڈے پانی سے دھو کر کسی نرم کپڑے سے خشک کرلیں۔
    سرامکس ٹائلز کو جگمگائیں
    اگر تو پانی یا صابن کے نتیجے میں آپ کی ٹائلز کی چمد دمک ماند پڑگئی ہے تو اس میں جگمگاہٹ واپس لانے کے لیے آدھا کپ سفید سرکہ، آدھا کپ امونیا اور چوتھائی کپ سہاگہ ایک گیلن گرم پانی میں مکس کرلیں۔ اب اس میں بھگو کر کپڑا پھیریں اور پھر ٹھنڈے پانی دھو لیں پھر ہوا سے خشک ہونے دیں۔
    کپڑوں کا رنگ اترنے سے بچائے
    اگر تو آپ کو کپڑوں کا رنگ اترنے کی پروا ہے تو ایک سادہ طریقے سے آپ سرخ یا دیگر شوخ رنگ کے ڈائی کپڑوں کو بچاسکتے ہیں جو واشنگ مشین میں دیگر کپڑوں کو بھی تباہ کردیتے ہیں۔ اپنے ایسے شوخ رنگ کے کپڑوں کو پہلی بار دھونے سے قبل چند کم سفید سرکے میں دس سے پندرہ منٹ تک ڈبو کر رکھیں۔ اس کے بعد آپ کو کبھی رنگوں کے اترنے کی پروا نہیں رہے گی۔
    استری کے جلنے کا نشان دور بھگائیں
    اگر آپ کی غفلت کے نتیجے میں استری سے کوئی کپڑا جل جاتا ہے تو کسی چھوٹے پین میں نمک اور سرکے کی یکساں مقدار کو گرم کرنے سے بننے والے پیسٹ سے اسے صاف کریں پھر ایک کپڑے کو صاف پانی میں بھگو کر باقی ماندہ جلنے کے نشان کو صاف کردیں۔
    ونڈوز بلائنڈ کو صاف کریں
    اگر تو آپ کی کھڑکیوں میں بلائنڈز لگی ہیں تو ان کی صفائی کے لیے کاٹن کے سفید دستانے پہن کر انگلیوں کو سفید سرکے اور گرم پانی کی یکساں مقدار سے بنے محلول سے گیلا کرلیں۔ اب اپنی انگلیاں بلائنڈ کے دونوں جانب ڈال کر اسے صاف کرلیں۔
    Attached Images Attached Images  

  2. #2
    nissa's Avatar
    nissa is offline Senior Member
    Last Online
    23rd April 2019 @ 10:44 AM
    Join Date
    21 Dec 2011
    Gender
    Female
    Posts
    1,424
    Threads
    54
    Credits
    3,044
    Thanked
    30

    Default

    [CENTER][SIGPIC][/SIGPIC][/CENTER]

  3. #3
    Join Date
    16 Aug 2009
    Location
    Makkah , Saudia
    Gender
    Male
    Posts
    29,912
    Threads
    482
    Credits
    148,899
    Thanked
    970

    Default

    Thanks for Sharing

Similar Threads

  1. herat angez maaloomat!!!
    By Jamil Afridi in forum General Knowledge
    Replies: 34
    Last Post: 25th June 2018, 04:56 PM
  2. Herat angez Imaraten
    By Sajid Mani in forum Photo Gallery
    Replies: 34
    Last Post: 20th March 2013, 07:13 PM
  3. Aik herat angez Software
    By ladlahoc in forum Ask an Expert
    Replies: 6
    Last Post: 19th September 2011, 05:54 PM
  4. @@@ herat angez @@@
    By *Xpert~Baba* in forum General Knowledge
    Replies: 6
    Last Post: 13th August 2011, 07:16 PM
  5. Herat angez picture
    By adnan dosani in forum Photo Gallery
    Replies: 20
    Last Post: 21st April 2010, 07:36 PM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •