گلیکسی ایس 7 کے 9 بہترین فیچرز
سام سنگ نے اتوار کو بارسلونا میں موبائل ورلڈ کانگریس کے دوران گلیکسی ایس سیون اور ایس سیون ایج کو باضابطہ طور پر متعارف کرادیا۔
یہ فون 11 مارچ کو فروخت کے لیے پیش کیا جائے گا مگر اس کے فیچرز اور فنکشنز پہلے ہی سامنے آگئے ہیں اور ان میں سے بیشتر ایسے ہیں جو آئی فون میں بھی موجود نہیں۔
یہاں ایسے ہی فیچرز کا ذکر کیا گیا ہے جن سے آئی فون صارفین محروم ہیں۔
گلیکسی ایس سیون پانی میں بھی کام کرسکتا ہے
اگر تو آپ ایپل کے آئی فون سکس ایس کو پانی میں ڈبو دیں اور اس کی زندگی کی توقع رکھیں تو ایسا بالکل نہیں ہوتا مگر سام سنگ نے اپنے گلیکسی ایس سیون کو واٹر ریزیزٹنٹ قرار دیا ہے۔ اس کے بقول یہ مٹی اور پانی کے خلاف مزاحمت کرتا ہے اور آپ اسے لے کر ایک میٹر سے زائد گہرے پانی میں آدھے گھنٹے تک رہ سکتے ہیں۔
یہ بہت تیزی سے چارج ہوتا ہے
گلیکسی ایس سیون میں مائیکرو یو ایس بی کو دیا گیا ہے جو تیز ترین چارجنگ میں مددگار فیچر ہے۔ ابھی یہ کہنا تو مشکل ہے ایس سیون کتنی تیزی سے چارج ہوتا ہے تاہم یہ گلیکسی ایس سکس سے زیادہ تیز یعنی 2 گھنٹوں کے اندر چارج ہوسکتا ہے۔ اس کے مقابلے میں آئی فون سکس ایس پلس کو چارج ہونے کے لیے 3 گھنٹے کا وقت درکار ہوتا ہے۔
یہ وائرلیس چارج ہوسکتا ہے
درحقیقت یہ وائرلیس زیادہ تیزی سے چارج ہوتا ہے اور سام سنگ کا کہنا ہے کہ یہ معمول کی چارجنگ کے مقابلے میں وائرلیس زیادہ تیزی سے چارج ہوتا ہے۔ آپ کو بس اپنا فون چارجنگ ڈوک پر رکھنا ہے اور دن بھر چارجنگ کی فکر سے بے نیاز ہوجانا ہے۔ یہ فیچر تاحال آئی فون میں موجود نہیں۔
تیز کیمرہ
ایس سیون کے کیمرے کا آٹو فوکس آئی فون سکس ایس سے تیز ہے۔
نائٹ فوٹو گرافی
اگر تو آپ کو رات کو تصاویر لینے میں مزہ آتا ہے تو اچھی خبر یہ ہے کہ سام سنگ کا یہ نیا اسمارٹ فون اس حوالے سے بہترین ہے اور آئی فون سکس ایس تو اس کا مقابلہ بھی نہیں کرسکتا۔
مائیکرو ایس ڈی کارڈ
سام سنگ نے گلیکسی ایس سیون میں مائیکرو ایس ڈی کارڈ سلاٹ کو دوبارہ متعارف کرایا ہے جس کے ذریعے آپ فون کے اسٹوریج کو 200 جی بی تک بڑھا سکتے ہیں۔
بہتر بیٹری
گلیکسی ایس سیون کی بیٹری 3000 ایم اے ایچ جبکہ ایس سیون ایج کی 3600 ایم اے ایچ ہے۔ اس کے مقابلے میں آئی فون سکس ایس کی بیٹری 1715 ایم اے ایچ اور سکس ایس پلس 2750 ایم اے ایچ ہے۔ جس سے اندازہ لگایا جاسکتا ہے کہ یہ ایس سیون کے دونوں فونز کی بیٹری آئی فون کے مقابلے میں زیادہ بہتر ہے۔
آل ویز آن اسکرین
سام سنگ کے نئے گلیکسی ایس سیون فونز میں آل ویز آن ڈسپلے کا فیچر ایک نظر میں بنیادی معلومات جیسے تاریخ، وقت اور نوٹیفکیشنز وغیرہ کی معلومات فون کو آن کیے بغیر دیتا ہے۔ اس کے مقابلے میں آئی فون پر وقت یا نوٹیفکیشنز دیکھنے کے لیے ہر بار فون کو ٹچ کرنا ہی پڑتا ہے۔
گلیکسی ایس سیون ایج کی خم اسکرین پر ایپس تک رسائی
آپ اپنی پسندیدہ ایپس، کانٹیکٹس، نیوز اور یہاں تک کہ شارٹ کٹس تک جیسے ایس ایم ایس تحریر کرنے وغیرہ تک رسائی ایس سیون ایج کی کرویڈ اسکرین کے ذریعے بھی حاصل کرسکتے ہیں۔
Reply With Quote
Bookmarks