Assalam o alikum i.t duniya.

Ye yahan meri pehli post hai. Maine forum pe search kia to pta chala k DD-WRT k bary me koi b post mojood nhi.

To socha is zabardast cheez k bary me sb dosto ko btana chahiye. Muje umeed hai boht se dost is k bary me muj se zyada janty honge kyu k main i.t ya computer ka student nhi hun magar shayad kisi ne is bary me kuch share b nhi kia.

To dosto topic ki taraf chaltay hein. DD-WRT asal me router ka linux based opensource free firmware hai. Misal k tor pe jesy computer me window ya mobile me android ya iOS. Sb chahty hein k un k mobile aur computer me latest OS ho magar router wo basic cheez hai jis k baghair ap duniya se rabtay me nahi reh sktay. Is me bhi full functionality ka software hona utna he zaroori hai.

Is k elawa ap kisi b router ko repeater ya range extender me b convert kar saktay hein. Aur b hazaron possibilities explore kar sakty hein. apny ghar pary sastay se router ko highest level k networking gadget me badal saktay hein. Main 2 saal se isay apny tplink 740n v4 pe use kar raha hun.

Sb se pehly dekhen k isay download kahan se karna hai.

Google pe 'dd-wrt betas' search karein aur 1st link pe click karen

Is site pe ja k 'betas' pe click karen. Ham beta version install karen ge kyu k wo latest hoty hein aur behtar kam karty hein.

2016 pe click karny k bad sb se neechay waly latest date ki release pe click karen

Ab is lambi list me se apny router ka naam talash karen. Jesy maine tplink 740n v4 pe click kia tha.

# yaad rakhen router ka model aur version thek hona boht zaroori hai warna router brick yani bekar b ho sakta hai.
#Model aur version router k back pe likha hota hai.

Matlooba model pe click kar k ap k samny 2 files ayen gi. Dono ko download kar len. Factory-to-ddwrt.bin he wo file hai jisay ham use ya install karen ge.

Router on kar k usay computer se connect karen. wifi ya lan cable se lekin Cable behtar hai.
Us k bad browser se router setup me jayen. 192.168.0.1 ya 192.168.1.1 admin id aur password lgaen.
Settings me update ya upgrade k option me ja k file factory-to-ddwrt.bin select karen aur ok kar den. Router kuch he seconds me update ho k restart ho jaye ga.

# webrevert.bin file k istemal se ap kisi waqt b apny router se ddwrt ki jagha uska company wala firmware install kar sakty hein. Yani router ka software dobara pehly jesa ho jaye ga.

Thori der me wo wifi k signal b dega aur uska login page 192.168.1.1 pe hoga.

Ye page pehly password set karny ka kahy ga jo set karna zaroori hai.

Ap k router me apko har networking option mil jaye gi. Wo b totally free hamesha k liye.

Umeed hai post pasand aye gi. Koi ghalati ho to zaroor btayiye ga. Ap k sawalo ka jawab deny ki koshish b karun ga. Agli post repeater ya range extender k bary me h
hogi.

Sawal poochnay se pehly ek bar google wikipedia aur youtube pe dd-wrt k bary me parh len. ddwrt k forum aur wiki pe har cheez best tariqa se samjhayi gyi hai.

# ddwrt modem based router matlab jo ptcl ki taraf se mila ho us pe hagiz install mat karen. dd-wrt dsl waly router ko support nahi karta. Tplink linksys tenda wgera k wlan wan routers k liye hai.

muje links aur pics lgany ki permission nhi hai warna zaroor lagata.

Duaon ka talabgar.