Tumhain jana ijazat hay..
Ke in tareek rahoon per..
Thakan si khud main pao to..
Andheroon say kabhi Dil dol jaye..
Thak si jao to..
Meray jaltay howay lamhoon..
Meray kangaal hathoon say chura k apnay hathoon ko..
Faza ki Naghmagi say tum naye geetoon ko chun lena..
Haseen palkoon ki nokoon per naye kuch khuaab bun lena..
Koi gar pooch le mera to us say zikr mat kerna..
Meray jeevan ki jalti dupehr say be-gharz ho ker..
Tum apni chandni ratoon main jugnoo palti rehna..
Meri tanhaaiyoon ki fikr mat kerna..
Tumhain is ki ijazat hay..
Meray sab khat jala dena..
Meray tohfoon ko darya main bahana ya dabaa dena..
Meri her yaad ko dil say khurachna or mitaa dena..
Tumhain bilkul ijazat hay...
ke jab chaho bhula dena..
magar itni guzaarish hay..
Ager aisa na ho "JANA"
"TO ACHA HAY"- - - - - -!
Bookmarks