آئی فون سے اپنی فیملی کی لوکیشن معلوم کری

[Shaheen Latif]

السلام علیکم
آئی ٹی دُنیا کے ممبران آج آپ کے لیے آئی فون کی ایک اور ٹِپ شئیر کرنے جا رہا ہوں۔
آپ آئی فون سے اپنی فیملی کی لوکیشن ہر وقت معلوم کر سکتے ہیں۔ کہ وہ کس وقت کہاں ہیں۔
اس کے لیے ضروری ہے کہ آپ کی فیملی کے پاس بھی آئی فون ہو، ایپل آئی ڈی بنائی ہوئی ہو اور نیٹ سے کنیکٹ بھی ہو۔
ویسے تو جس کے پاس آئی فون ہوتا ہے اس نے ایپل آئی ڈی بھی ضرور بنائی ہوتی ہے۔
اس کے ساتھ ساتھ اگر آپ کا اپنا موبائل چوری ہو جائے یا گم ہو جائے تو آپ اُس کی لوکیشن بھی
معلوم کر سکتے ہیں۔
تو سب سے پہلے آپ سیٹنگز میں جائیں اور پرائویسی پر کلک کریں۔



اس کے بعد لوکیشن سروس پر کلک کریں اور سروس کو آن کر لیں۔



اب واپس سیٹنگز میں سب سے اوپر اپنی ایپل آئی ڈی پر کلک کریں۔



اس کے بعد تھوڑا نیچے جا کر فیملی شئیرنگ پر کلک کریں۔



اس کے بعد ایڈ ممبر پر کلک کریں۔ کیوں کہ میں نے پہلے سے اپنی فیملی شیئرنگ آن کی ہوئی ہے۔
اس لیے آپ کو اس میں دو ممبر نظر آ رہے ہیں۔ لیکن آپ کے پاس صرف ایڈ ممبر ہی نظر آئے گا۔



اس کے بعد انوائٹ پیپل پر کلک کریں۔یہاں دو طریقے ہیں۔ آپ انوائٹ پیپل سے بھی ایڈ کر سکتے ہیں اور
Create an account for a child
سے بھی اکاونٹ بنا سکتے ہیں۔ لیکن اس میں آپ کو اپنے ماسٹر یا ویزہ کارڈ کی ڈیٹیل دینی پڑتی ہے۔
تو پہلے ہم انوائٹ پیپل کے بارے بات کرتے ہیں۔



اب آپ سکرول کر کے تھوڑا نیچے آئیں اور انوائٹ اِن پرسن پر کلک کریں۔



یہاں آپ نے اپنے فیملی ممبر کی ایپل آئی ڈی دینی ہے اور اُسی کا پاسورڈ دینا ہے۔
اس کے بعد نیکسٹ پر کلک کر دینا ہے۔یاد رہے اس کے بعد ایپل آئی ڈی اور
اُس کے پاسورڈ کی تصدیق ہو گی اور آپ کا فیملی ممبر آپ کے ساتھ لوکیشن شیئرنگ
کے لیے ایڈ ہو جائے گا۔ آپ زیادہ سے زیادہ پانچ ممبر ایڈ کر سکتے ہیں۔
اگر ایپل آئی ڈی یا اُس کا پاسورڈ غلط ہو گا تو آپ کی فیملی شئیرنگ مکمل نہیں ہو گی۔



اب آپ واپس ایڈ ممبر میں جا کر لوکیشن شئیرنگ پر کلک کریں۔



یہاں آپ شئیر مائی لوکیشن کو بھی آن کر لیں۔ اگر پہلے سے آن ہو گئی ہو گی تو آپ کو
یہاں اُس فیملی ممبر کا نام نظر آ جائے گا۔ ورنہ آن کرنے کے بعد نظر آ جائے گا۔



جاری ہے۔

[Shaheen Latif]

اب آپ اس سیٹنگز کو بند کر دیں اور مین سکرین سے فائنڈ مائی آیئکون پر کلک کریں۔



اب جو سکرین آپ کے سامنے آئے گی یہاں آپ کو اپنے تمام فیملی ممبر جو آپ نے ایڈ کیے ہوں گے وہ نظر آئیں گے۔
اور ساتھ ہی اُن کی لوکیشن فائنڈنگ بھی شروع ہو جائے گی اور چند سیکنڈز میں اُن کی لوکیشن آپ دیکھ سکیں گے۔
اس ونڈو میں ایک ڈراپ ڈاون ونڈو کھلتی ہے جس کے پیچھے گوگل میپ ہوتا ہے۔ اس ونڈوا میں دو آپشن ہیں۔
People & Devices
آپ دونوں میں لوکیشن اور آپ سے کتنے فاصلے پر آپ کا فیملی ممبر ہے دیکھ سکتے ہیں۔




اس کے بعد جب آپ ڈراپ ڈاون ونڈوز کو نیچے کریں گے تو آپ کو گوگل میپ میں اُن کی لوکیشن
بھی نظر آئے گی جس کو آپ کلوز کر کے بالکل ایگزیکٹ لوکیشن معلوم کر سکتے ہیں۔



اُمید ہے سب کو اچھے سے سمجھ آ گئی ہو گی۔ اگر پھر بھی کوئی ممبر سوال کرنا چاہے تو ریپلائی میں پوچھ سکتا ہے۔
والسلام

[Afridi]

بہت ہی بہترین،۔۔ یہ بہت کارآمد آپشن ہے،۔۔ میں خود اس کو کئی ٹائم سے استعمال کر رہا ہوں۔۔۔۔۔
آپ کو اپنے پیارے کے متعلق بار بار پوچھنے کی ضرورت نہیں ہوتی،۔۔ کہ فلاں کہا ہے۔۔ کالج گیا ہے کہ نہیں،۔۔ آپ خود سے ہر ٹائم چیک کر سکتےہیں۔۔۔۔
لیکن یہ چھوٹے بہت ہوشیار ہوتے ہیں۔۔۔ کبھی کبھی وہ اس میں بے بڑوں کو دھوکہ دیتے ہیں۔۔۔

جزاک اللہ خیر

[BIG BROTHER]

بہت عمدہ شئرنگ کی ہے۔۔ جزاک اللہ

[freelancingskill]

nice info
thanks for sharing