Ghazlen Parhen

[musaddique]

Ghazal Peesh Khidmat Hai

saadgi to hamari zara dekhiye
etbaar aap ke waade par kar liya
baat ek raat ki thi magar
intazaar aap ka umr bhar kar liya

ishq main uljhane pahle hi kam na thi
or paida naya dard-e-sar kar liya

log darte hain kaatil ki parchai se
hum ne kaati ke dil main bhi ghar kar liya

zikr ek bewafa or sitamgar ka tha
aap ka aise baaton se kya waasta

aap to bewafa or sitamgar nahi
aap ne kis liye muh udar kar liya

zindagi bhar ke shikwe gile the bahut
waqt itna kahan tha ke duharate hum

ek hichiki main keh daali sab daastan
hum ne kisse ko yon dukht-e-sar kar liya

bekarari milegi na mujhko sukoon
chain chin jayega neend ud jayegi

apna anzaam sab hum ko maloom tha
aap se dil ka sauda magar kar liya.

[musaddique]

Maine soch'On main trashaY hain khadokhaal teraY

Jaltay hot'on pe tabassum jo machalta hai kabhi
Zakham dhuljatay hain sawan jo barasta hai kabhi

Maine soch'on main tarashay hain khadokhaal teray
Mere baray main bata tu ne bhi socha hai kabhi?

Charhtay sooraj say kabhi tu ne milai hay nazar?
Tu ne kirn'on ki taraf ghor say dekha hai kabhi?

Log pather main khilatay hain umeed'on k gulaab
ye bhi mumkin ay? bata aisa bhi hota hai kabhi?

Tu ne samjha tha main lot k ajaonga
Ankh say bichra hua Ashk bhi lauta hai KabHi?

[musaddique]

Mohabbat is trahan chora nahi kartay


Taaluq is tarhan tora nahi kartay
k phir say jorna dushwar hojaye


hayat ik zehar main dubi hoi talwar ki manind
mohabbat is tarahan chora nahi kartay

rawadari ka hargiz rasta chora nahi kartay
mohabbat main sabhi aik dosray ko azmatay hain

magar aesa nahi kartay
k har umeed har imkan tot jaye

kahan tak kehenchi ho dor yeh andaza rakhtay hain
hamesha char dewari main ik darwaza rakhtay hain

judai mustaqil ho to zindagi zandan ho jaye
to suno!

jeenay say munh mora nhi kartay
mohabbat is tarhan chora nahi kartay




http://urooj.sitesled.com/

[musaddique]

Tum Se Kya Kahein Jaana

Zindgi K Maile Mein
Khahishon K Railay Mein

Tum Se kya Kahein Jaana!
Is Qadar Jhamaile Mein

Waqt ki Rwani Hai
Bakht Ki Geraani Hai

SakhtBay Yaqeeni Hai
Sakht La Mkani Hai

Hijr K Smandar Mein
Takht Aur Takhte Ki

Apni Aik Kahani Hai

Dard K Smandar Mein
Un ginat jazeeray Hain

Bay shumaar Moti Hain
Baat Us diye Ki Hai

Baat Us gilay Ki Hai
Jo Lahu Ki Khalwat Mein

Chor Ban K Aata Hai
Lafz ki Faseelon Pe
Toot toot Jata Hai

Baat Go Zra Si Hai
Baat Umr Bhar Ki Hai

Raaste Mein Kaise Ho
Baat Takhliye Ki Hai

Zindgi Se Lambi Hai
Baat Rat-jagay Ki Hai

Rat-jagay Ki Baaton Mein
Guftagu Izafi Hai

Pyar Kerne walon Ko
Ik Nigah He Kaafi Hai

Ho Sake to sunn Jaao
Aik Din Akaile Mein

Tum Se Kya Kahein Jaana!
Is Qadar Jhamaile Mein



Musaddique Ayaz Mahmood

Email:

rehtidunya*************

Download Softwares For Free

http://urooj.sitesled.com/

Download Data Recovery Softwares

http://mydata.us.tt/

[musaddique]

Mujhey arzoo e seher rahi yunhi raat bhar bari dair tak

Mujhey arzoo e seher rahi yunhi raat bhar bari dair tak
Na bikhar sake na simat sake yunhi raat bhar bari dair tak Hai bohat azaab aur akaily hum, shab e gham bhi meri taweel tar
Rahi zindagi bhi saraab aur rahi aankh tar bari dair tak

Yahan har taraf hai ajeeb samaan, sabhi khud pasand, sabhi khud numa
Dil e be-qaraaar ko na mila koi chara gar bari dair tak

Mujhay zindagi hai aziz tar isi wastey mery hamsafar
Mujhay qatra qatra pila zehr, jo karey asar bari dair tak



Musaddique Ayaz Mahmood

Email:

rehtidunya*************

Download Softwares For Free

http://urooj.sitesled.com/

Download Data Recovery Softwares

http://mydata.us.tt/

[musaddique]

Poet: Parveen Shakir

dasht-e-shab par dikhaa_ii kyaa dengii
silavaTe.n roshanii me.n ubharengii

ghar kii diivaare.n mere jaane par
apanii tanhaa_iyo.n ko sochengii

u.Ngaliyo.n ko taraash duu.N phir bhii
aadatan us kaa naam likkhengii

rang-o-buu se kahii.n panaah nahii.n
Khvaahishe.n bhii kahaa.N amaa.N dengii

ek Khushbuu se bach bhii jaa_uu.N agar
duusarii nikahate.n jaka.D lengii

khi.Dakiyo.n par dabiiz parde ho.n
baarishe.n phir bhii dastake.n dengii

Musaddique Ayaz Mahmood

Email:

rehtidunya*************

Download Softwares For Free

http://urooj.sitesled.com/

Download Data Recovery Softwares

http://mydata.us.tt/



Musaddique Ayaz Mahmood

Email:

rehtidunya*************

Download Softwares For Free

http://urooj.sitesled.com/

Download Data Recovery Softwares

http://mydata.us.tt/

[musaddique]

Poet: Munir Niazi

Gam kaa vo zor ab mere andar nahii.n rahaa
is umr me.n mai.n itanaa samar_var nahii.n rahaa

is ghar me.n jo kashish thii ga_ii un dino.n ke saath
is ghar kaa saayaa ab mere sar par nahii.n rahaa

mujh me.n hii kuchh kamii thii ki behatar mai.n un se thaa
mai.n shahar me.n kisii ke baraabar nahii.n rahaa

rahabar ko un ko haal kii ho kis tarah Khabar
logo.n ke daramiyaa.N vo aakar nahii.n rahaa

vaapas na jaa vahaa.N ki tere shahar me.n 'Munir'
jo jis jagah pe thaa vo vahaa.N nahii.n rahaa


Musaddique Ayaz Mahmood

Email:

rehtidunya*************

Download Softwares For Free

http://urooj.sitesled.com/

Download Data Recovery Softwares

http://mydata.us.tt/

[musaddique]

Poet: Nasir Kazmi

kuchh to ehasaas-e-ziyaa.N thaa pahale
dil kaa ye haal kahaa.N thaa pahale

ab to manzil bhii hai Khud garm-e-safar
har qadam sang-e-nishaa.N thaa pahale

safar-e-shauq ke far_sang na puuchh
vaqt beqaid-e-makaa.N thaa pahale

ye alag baat ki Gam raas hai ab
is me.n andeshaa-e-jaa.N thaa pahale

yuu.N na ghabaraaye huye phirate the
dil ajab kunj-e-amaa.N thaa pahale

ab bhii tuu paas nahii.n hai lekin
is qadar duur kahaa.N thaa pahale

Dere Daale hai.n bagolo.n ne jahaa.N
us taraf chashm-e-ravaa.N thaa pahale

ab vo dariyaa na bastii na vo log
kyaa Khabar kaun kahaa.N thaa pahale

har Kharaabaa ye sadaa detaa hai
mai.n bhii aabaad makaa.N thaa pahale

kyaa se kyaa ho ga_ii duniyaa pyaare
tuu vahii.n par hai jahaa.N thaa pahale

ham ne aabaad kiyaa mulk-e-suKhan
kaisaa sun_saan samaa.N thaa pahale

ham ne baKhshii hai Khamoshii ko zubaa.N
dard majabuur-e-fuGaa.N thaa pahale

ham ne roshan kiyaa maamuur-e-Gam
varnaa har simt dhuaa.N thaa pahale

Gam ne phir dil ko jagaayaa 'Nasir'
Khaanaa_barbaad kahaa.N thaa pahale




Musaddique Ayaz Mahmood

Email:

rehtidunya*************

Download Softwares For Free

http://urooj.sitesled.com/

Download Data Recovery Softwares

http://mydata.us.tt/

[Baazigar]

واہ بہت خوب