vahashat-e-dil silaa-e-aabalaa_paai le le
mujh se yaa rab mere lafzon kii kamaaii lay lay
aql har baar dikhaatii thii jale haath apane
dil ne har baar kahaa aag paraai lay lay
main to us subah-e-daraKhshaaN ko tavangar jaanuuN
jo mere shahar se kashkol-e-gadaaii lay lay
tuu Ganii hai magar itanii hain sharaayat merii
ye mohabbat jo hamen raas na aaii lay lay
apane diivaan ko galiyon me liye phirataa huuN
hai koi jo hunar-e-zaKhm_numaai lay lay
Bookmarks