ہمیشہ ایک ہی طرح کے پراٹھے کھا کھا دل اوب بھی جاتا ہے ۔ اس لیے سوچا کہ پراٹھوں کو تو بدلا نہیں*جا سکتا ہے لیکن اس کے ذائقہ میں کچھ بہتری ضرور لائی جا سکتی ہے ۔ اس لیے کوکونٹ پاؤڈر کے ساتھ ٹرائی کیا اور بہترین نتائج آنے پر آپ کی خدمت میں* ایکسکلوزو کوکونٹ پراٹھوں کی ترکیب حاضر ہے ۔
اجزاء
میدہ یا پھر سفید آٹا :آدھا پاؤ
کوکونٹ پاؤڈر : آدھا پاؤ
نمک : حسبِ منشاء
مکھن : میدہ میں*ڈالنے اور پراٹھا تلنے کے لیے
ترکیب :
میدہ میں*کوکونٹ پاؤڈر اچھی طرح مکس کر لیں ۔ اس کے بعد تقریباً 50 گرام یا پھر اندازے سے تھوڑا مکھن اس میں ڈال کر اچھی طرح مکس کریں ۔جب مکھن بھی میدہ اور کوکونٹ کے ساتھ اچھی طرح*مکس ہو جائے تو اس کو پانی کے ساتھ تھوڑا سخت گوندھ لیں ۔
ایک پیڑا لیکر اسے بیلیں اور پھر اس کے درمیان میں مکھن لگا کر اس کو رول کرلیں جیسے پرتوں والے پراٹھے کو کرتے ہیں*یا اگر آپ کوئی اور شیپ دینا چاہیں تو مرضی پر منحصر ہے ۔لیکن درمیان میں*مکھن ضرور لگانا ہے ۔ اب اس رول کا ایک بار پھر پیڑہ بنایئں اور اس کو گول بیل کر گرم توے پر ڈالیں ۔پہلے اچھی طرح دونوں جانب سے سینک لیں اور اس کے بعد مکھن کے ساتھ دونوں جانب سے تل لیں ۔مزیدار کوکونٹ پراٹھے تیار ہونگے۔ اگر اس کے ذائقہ میں اور تبدیلی کے خواہش مند ہوں تو اس میں*کوکو پاؤڈریا پھر کافی پاؤڈر ڈال کر کوکونٹ کوکو پراٹھے یا پھر کوکونٹ کافی پراٹھے بھی بن سکتے ہیں ۔
Bookmarks