اس سوال کا جواب آپ کی ضروریات پر منحصر ہے۔ گرافکس کارڈ کو یہاں زیادہ تر گیمز وغیرہ کے لئے ہی استعمال کیا جاتا ہے تاکہ تھری ڈی گیمز بھی کمپیوٹر پر کھیلی جا سکیں۔ اس مقصد کےلئے پہلے آپ اپنی قوت خرید کا حساب ذہن میں رکھیں اور اسکے معلومات حاصل کریں۔اگر آپ کی قوت خرید ایسی ہے کہ قیمت کا کوئی مسئلہ نہیں تو پھر کوشش کیجئے کہ بہترین کارڈ مارکیٹ میں جو دستیاب ہو وہ خریدیں۔ گرافکس کارڈ مارکیٹ میں ڈھیروں کے حساب سے دستیاب ہیں لیکن بنیادی طور پر گرافکس کارڈز کے پیچھے دوکمپینیوں کی ٹیکنالوجی ہی استعمال کی جاتی ہے۔ اور وہ ہے
NVIDIA
اور
ATI RADEON
دوسری سبھی کمپنیاں انہیں دو کمپنیوں کی ٹیکنالوجیز کو استعمال کرتے ہوئے گرافکس کارڈ بناتی ہیں۔ اس لئے کوشش یہی کریں کہ کسی بھی دوسری کمپنی کا کارڈ خریدنے کی بجائے انہی دو میں سے کسی کا بنایا ہوا کارڈ خرید لیں۔ گرافکس کارڈ اپنی سپیڈ کے حوالے سے بہت سے ماڈلز میں دستیاب ہیں جس میں چھپن ایم بی،ایک سو اٹھائیس ایم بی ، دو سو سولہ ایم بی ، پانچ سو بارہ ایم بی وغیرہ کے کارڈز دستیاب ہیں۔جب بھی گرافکس کارڈ لیں تو کوشش کریں کہ اگر آپ کے مدر بورڈ پر اے جی پی سلاٹ موجود ہے تو ایسا گرافکس کارڈ لیں جو کہ اے جی پی سلاٹ پر لگتا ہو۔ جہاں پر مدر بورڈ پر(پی سی آئی سلاٹ میں) ساؤنڈ کارڈ ، موڈیم ، لین کارڈ وغیرہ لگایا جاتا ہے وہیں ساتھ میں اے جی پی سلاٹ بنی ہوتی ہے۔ لیکن اس کے لئے پہلے آپ کو پتا ہونا چاہئے کہ آپ کے کمپیوٹر کےمدر بورڈ پر لگی اے جی پی سلاٹ کتنی سپیڈ کی ہے۔ اے جی پی سلاٹ کی اسپیڈ ایکس میں ناپی جاتی ہے یعنی کہ چار ایکس،آٹھ ایکس اور سولہ ایکس وغیرہ۔ سولہ ایکس سب سے زیادہ سپیڈ کی سلاٹ ہو گی۔اے جی پی سلاٹ کا کارڈ لینے کا یہ فائدہ ہو گا کہ آپ کی پی سی آئی سلاٹس استعمال نہیں ہوں گی اور اس میں کوئی اور ضرورت کا کارڈ استعمال کیا جا سکتا ہے۔
آجکل جو نئے مدر بورڈز مارکیٹ میں آ رہے ہیں ان میں گرافکس کارڈ کے لئے اے جی پی سلاٹ کی بجائے ایک اور بہتر سلاٹ پی سی آئی ایکسپریس لگائی جا رہی ہے۔اسی لئے نئے آنے والے زیادہ تر کارڈز بھی پی سی آئی ایکسپریس سلاٹس کے لئے ہی ڈیزائن کئے جا رہے ہیں۔
ان معلومات کو ذہن میں رکھتے ہوئے آپ مارکیٹ میں جا کر دوکانداروں سے مزید معلومات حاصل کر سکتے ہیں۔ لیکن ذہن میں رہےکہ کارڈ خریدنے سے پہلے مارکیٹ میں کافی دکانوں سے اس حوالے سے معلومات حاصل کریں۔ اس طرح یہ پتا چل جاتا ہے کہ آپ کے مطلوبہ کارڈ کی قیمت کیا ہے اور مارکیٹ میں اس وقت کونسا کارڈ زیادہ استعمال ہو رہا ہے
Bookmarks