aik khoobsurat nazm
Assalamo Alaikum......... Aik nazm padhi...dil ko achi lagi...socha aap sab se bhi share karon.... likha tha
"Mein ne dekha tha on dino mein ossay
Jab wo khiltay gulab jaisa tha
os ki palkoon se neend chanti thi
os ka lehja sharab jaisa tha
os ki zulfoon se bheegti thi ghata
os ka rukh mahtaab jaisa tha
log parhtay the khal o khad os ke
wo adab ki kitab jaisa tha
baat karta tha khusboaon mein wo
log sunte thay dhadkano mein osay
mein ne dekha tha on dino mein osay
Sari aankhein thi aainay os ke
sare chehron mein intikhaab tha woh
ye khaab tha ke wo koi haqeeqat hai
ye haqeeqat hai ke koi khaab tha wo
sab se ghul mil ke ajnabi rahna
aik darya numa saraab tha wo
meri neendain bhi os ki nazr huein
mein ne paya tha ratjagoon mein osay
mein ne dekha tha on dino mein osay
jab wo hans hans ke baat karta tha
dil ke khaymay mein raat karta tha
rang parhte thay aanchalon mein osay
mein ne dekha tha on dino mein osay
Ye magar dair ki kahani hai
ye magar door ka fasana hai
ab os ke mere milaap mein haail
sadiyon bhara zamana hai
ab ke haal apna bhi
dashte hijran ki shaam jaisa hai
najane in dino wo kaisa hoga
mein ne dekha tha on dino mein osay
(By Mohsin Naqvi)
Reply With Quote
Bookmarks