NAHIN DEKHA
Galiyoun se meri tum ne guzar ker nahin dekha
Gham yeh hai k khoushioun ne mera ghar nahin dekha
Mehroom hai woh pyar ki dolat se abhi tak
Dil jis ne kahin apna laga ker nahin dekha
Gumnaam hai woh phool gulistaan-e- jahan main
Khushboo ki tarah jis ne bikher ker nahin dekha
Aaiine faqat us ki tasalli k liye hain
Dulhan ki tarah jis ne sanwar ker nahin dekha
Yeh sach hai mera qatl sar-e-aam hoa hai
Kis ka tha mere peat main khanjer nahin dekha
Dil cheer ker nikle hain yeh ashaar mere
Afsous inhein aap ne pharh ker nahin dekha
Bookmarks