Kool's Poetry Collection

[koolsaqi]

Hello Friends
Here i going to start a new Thread which contains different poets collection.
i hope you all like this collection and also contribute with your liked poetry...
Thanks

[koolsaqi]

Tum aksar sochtay hogay

Ham tujhain yad nahi kartay

Tumhain ham bhool jatay hain

Magar yeh Bhool tumhari Hai

Asal main baat kuch youn hay

Keh Jab Tum Yaad Atay Ho

To kuch bhi yaad nahee rehta

Aur tumhari yaad main kho kar

Batana bhool jatay hain

Hamain tum yaad aatay ho

Tum aksar yaad aatay ho

[koolsaqi]

udas mat huwa karo..
udas mat kiya karo..

yeh ashk teri aankh kay
udas shaam ki tarah
barha rahay hain dukh mere
adhooray jaam ki tarah
jo ranj o gham k saye hain
yeh hum ne khud banaye hain
yeh khawb to azab hain
jo aankh main sajaye hain
yeh dard dhul hi jayen ge
yeh waqt beet jaye ga
jo hum nhi to na sahi
koi to jeet jaye ga
jo taiz kr de dhrkanen
wo naam mat liya karo
jo ho sakay sanam to
hansi khushi JIYA karo
udas mat hua karo

[koolsaqi]

Mujh se pehli c muhabbat mere mehboob na maang

main ne samjha tha k tu hy to darakhshan hy hayat
Tera gham hy to gham e dehar ka jhagra kia hay
Teri Surat se hay aalam main baharon ko sabaat
Teri aankhon k siwa dunia main rakhaa kiya hai
Tu jo mill jaye to taqdeer nigoon ho jaye
Youn na tha, main ne faqat chaha k yun ho jay
Aur Bhi Dukh hain zamanay main muhabbat k siwa
Rahatain aur bhi hain wasal ki rahat kay siwa

An ginnat sadiyon k tareek bahemaana talism
Resham o Attlas o Kamkhawb main banwaye huay
JaBaja biktay huay kucha o bazaar main jism
Khaak Main Luthray huay Khoon Main Nehlai huay
Loat Jaati hay idhar ko bhi nazar kiya kijye
Ab Bhi dillkash hay tera husan,magar kiya kijye
Aur bhi dukhhain zamany main muhabbat k siwa
Rahatain aur bhi hain wasal ki rahat key siwa

MUJH SE PEHLI C MUHABBAT MEREY MEHBOOB NA MANG

[koolsaqi]

Mumkin Jo Agar Hota
Hum Tum Ko Bhula Dete,
Yadon Ko Kafan De Kar
Be Maut Sula Dete,
Tanhai Main Jee Lete
Tum Ko Na Saada Dete
Is Dil Se Tere Dil Tak
Dewaar Utha Dete
Mumkin Jo Agar Hota
Hum Tum Ko Bhula Dete

[koolsaqi]

Pyar k deep jalaney waley kuch kuch pagal hotey hain,
Apni jan se janey waley kuch kuch pagal hotey hain,

Hijr k gehrey zakhm miley to muj ko ye ehsas hua,
Pagal ko samjhaney waley kuch kuch pagal hotey hain,

Jan se pyarey logon se b kuch kuch parda lazim hai,
Sari bat bataney waley kuch kuch pagal hotey hain,

Us k ishq me bheeg kar hum ko ye ehsas hua,
Dil ki baat me aney waley kuch pagal hotey hain,

[koolsaqi]

MUHABAT KHOUF HOTI HAI

Kbhi Nadan Krti He
Kbhi Heran Krti He

MUJHE MALOM HAI SHAYD

Boht Nuksan Krti He
Ye Ghar Weeran Karti Hai

Jaha Hon Ronaqin Zinda
Wo Dil Sunsan Krti He

Mgr Ab Sun Mere Humdam
Mujhe Krni Muhabt He

Muhabt Wo Haqeqt He
Jo Dil Abaad Karti He

Sbhi Ko Shad Krti He
Marron Ko Yad Krti He

Muhabt Khof Kb Se He
Muhabt Rog Kb Se He

Ye Marhm He Maseha Ka
Ye Depak He Paretm Ka

Chalo Acha Hua Jana

Gaya Mai Jan Ye Jana
Suno Phr Ghor Sy Jana

Mjy Tm Sy Mohabbt He
Mohabt Tm Sy Hi Krni He

[koolsaqi]

Buht hi mudat k baad kal jab
kitab-e-maazi ko meine khola
buht se chehray nazr mei utray
buht se namoon pe dil paseja
aik aisa safha bhe usme aya
likha huwa tha jo ansuoon se
k jiska unwan "HUMSAFAR" tha
jo safha sabse hi mautabar tha
kch aur ansu phr us pe tapkay
phr us se agay mei parh na paya

[koolsaqi]

Kathin hey zindagi kitni
safar dushwaar hey kitna
kabhi paaon nahi chaltey
kabhi rasta nahi milta
hamen to sheher men koi
terey jesa nahi milta
mujhey phir bhi merey maalik
koi shikwaa nahi tujh sey
men har dukh jhail sakta hoon
men jaan par khail sakta hoon
agar too aaj hi kar day
muhabbat hamsafar meri.

[koolsaqi]

Chalo ik baar phir se ajnabi bun jaen hum dono
na main tum se koi umeed rakhon dilnawazi ki
na tum meri taraf dekho galat andaaz nazron se
na meray dil ki dharkan larkharaey meri baton se
na zaher ho tumhari kashmakash ka raaz nazron se
tumhain bhe koi uljhan rookti hai paish qadmi se
mujhay bhe loog kehtay hain k ye jalway paraey hain
meray hamraah bhe ruswaiyan hain meray mazi ki
tumharay saath bhe gozri hoe raton k saaey hain
ta"aruf roug ho jaey tu usko bhoolna behtar
ta"aluq roug ban jaey tu usko toorna acha
wo afsana jisay anjaam tak lana na ho mumkin
uasay ik khoobsorat mour de k bhoolna acha
Chalo ik baar phir se ajnabi bun jaen hum dono.

[koolsaqi]

Kabhi Yun Bhi Aa Meri Aankh Mein,
Ke Meri Nazar Ko Khabar Na Ho
Mujhe Ek Raat Nawaz De ,
Magar Uske Baad Saher Na Ho

Woh Bara Raheem-o-Kareem Hai,
Mujhe Yeh Sifat Bhi Ata Karein
Tujhe Bhoolne Ki Dua Karoon,
To Dua Mein Meri Asar Na Ho

Zara Aur Dil Ke Qareeb AaAh,
Tujhe Dhadkano Mein Basalon Main,
Ke Bichhadne Ka Kabhie Dar Na Ho
Kabhi Khatam Apna Safar Na Ho

[koolsaqi]

Jab Say Dekha hay Tera Hath Ka Chand
Mian nay Dekha hi nahi Raat ka Chand

Raas kahain, Roop kahain, Rang kahain
Ik jadoo hay Khayalat ka Chand