Khwab darr khwab khud ko kho'ay huway
Hamm, safar mein hain ya ke so'ay huway
Sookhti ja rahi hai chashm e firaaq
Aik muddat huwi hai ro'ay huway
Aasman kisht hai sitaron ki
Channd hain iss nazar say bo'ay huway
Dill mein rakhtay thay ik alaao hamm
Khoon ki chingariyan samo'ay huway
Hichkiyan lay rahi hai shamm e firaq
Phool bhi lagg rahay hain ro'ay huway
Aik ummid si jo thi dill mein
Uss say bethay hain haath dho'ay huway
Pa'ay gi agli nasl kya hamm say
Khwab, barfab mein dabo'ay huway
Abb bhi do dill kahien rakhay hon gay
Aik hi teer mein paro'ay huway
Bookmarks