Asalam o alakium
yeh main main roman urdu main likh raha hoon iss liyee pehlay hi mazraat khawah hoon.



Allah nay hum pakistaniyoun per bohat karam kiya hua hai, magar hum us ka shukar nahi kartay, aur woh humara phir bhi khyaal rakhay huyee hai.

Allah Pakistan kay ghareebion (poor) ka imthaan le raha hai aur kiya asia nahi hai kay Allah ko un ki sadaa, faryaad sunaii na deti ho? kiya Allah un ki itni kari (tough) aazmiyash le raha hai? kiya Allah ko apnay bandoon per rahem nahi aata? halana keh woh rehman o raheem hai..... kiya Allah insaanon ka itna sakhat imthaan leta hai , un insaanon ka jo ghareeb hain, jo do waqat ki rooti ko tarastay hain ( ab shyaad ek waqat ki), un insaanon ko jin ki betiyoon ki izaat qanoon kay rakhwalay (police) loot leti hai, un loogon ki aazmiyash jo pehlay hi perashaan aur takleef main hain.

Mera sawaal hai k kiya Allah Ameer (rich) loogon bilkhasoos (specially) hamray hukmraan loogon ka koi imthaan nahi leta...... un ko koi perashaani nahi. Main maanta hoon k qayamat k din Allah k nazdeek Haquooq-ul-Allah se ziyada Haquooq-ul-Ebaad (insaanon k haquooq) ahmiyat ka haamil hain. magar Allah un hukmaranoon ko kyun nahi kuch kehta jin ko yeh nahi maloom k aatay ka rate kiya hai aur ek gareeb aadmi 1 kilo aata kisay khreedta hai? kiya in logon ko yeh maloom hai k load shadding kiya hai? kiya in logon ko maloom hai k beti, biwi ya bahen ki izzat lut jaye tu kiya hoota hai (main comments nahi dena chahta jo kuch yeh kartay hain). kiya in ko maloom hai k 1 din humien marna hai aur Allah ko jawab dena hai?

Agar in ko maloom hai tu yeh kiya kar rahay hain?

Aoi zee-hosh insaan yeh nahi keh sakta k in ko yeh sub maloom hai. in ko yeh maloom hai k sayasat kisay karni hai. hum nay MNA, MPA bantay waqat jo pasay kharach kiyee thay woh awaam se kisay batoornay hain.
aap mashalla aqal mand insaan hain kiya aap bata sakta hain k in sub hukmraan logon main se koun Allah se darta hai?

Nayii hakumat ko aaye huye 6 months ho chukay hain kiya iss nay aaj tak ''''koi 1'''' aisa kaam kiya hai jo awaam k liye hoo? iss nay sirf syasaat ki hai, iss ko hata do, uss ko lay aaoo, yeh kar dein gay, woh khatam ho jayee ga.......
sub GA, GE, GAY ho raha hai doosra CHAHYEE, yeh hona chahyee, woh khana chahyee...

kiya aap bata saktay hain k iss govt nay inn alfaaz ki game kay illawa kiya kuch kiya hai? sub fazool ki baatien kartay hain. awaam ki itna tang kar diya hai k woh do waqat ki rooti hasil karien ya muzahira karien?

janab yeh sub such hai, yeh aag hai aur aap, main, hum sub sirf door se deakh saktayn hain koi iss ko bujhaa nahi sakta.

Allah se dua karien k woh hamari aazmiyah ko itna sakaht na karay, wo hamray gunah maa kar de, hum per raham karay, iss se ziyada hamara imthaan na le, aur sab se bari baat koi QUAID E AZAM, ALLAMA IQBAL, ya leader de de jo k sirf aur sirf uss ki rehmat hi say mumkin hai.
AAMIN

Allah aap ko, aur hum sub ko hadiyaat, aur aasani ataa farmayee".

ALLAH HAFIZ

NAEEM IQBAL
Pakistan ka ek seheri