اداس شامیں، اجاڑ رستے کبھی بلائیں تو لوٹ آ

[Decent-boy]

اداس شامیں، اجاڑ رستے کبھی بلائیں تو لوٹ آنا

کسی کی آنکھوں میں رتجگوں کے عذاب آئیں تو لوٹ آنا

ابھی نئی وادیوں ، نئے منظروں میں رہ لو مگر میری جاں

یہ سارے اک ایک کرکے جب تم کو چھوڑ جائیں تو لوٹ آنا

نئے زمانوں کا کرب اوڑھے ضعیف لمحے نڈھال یادیں

تمہارے خوابوں کے بند کمروں میں لوٹ آئیں تو لوٹ آنا

اگر اندھیروں میں چھوڑ کر تم کو بھول جائیں تمہارے ساتھی

اور اپنی خاطر ھی اپنے اپنے دئیے جلائیں تو لوٹ انا

مری وہ باتیں تو جن پہ بے اختیار ھنستا تھا کھلکھلا کر

بچھڑنے والے مری وہ باتیں کبھی رلائیں تو لوٹ آنا

فرحت عباس