ﻣﺠﺮﻡ ﮐﯽ ﮔﺮﻓﺘﺎﺭﯼ ﮐﺎ ﺍﻧﻮﮐﻬﺎ ﺍﻧﺪﺍﺯ

[khan_111]

ﻣﺠﺮﻡ ﮐﯽ ﮔﺮﻓﺘﺎﺭﯼ ﮐﺎ ﺍﻧﻮﮐﻬﺎ ﺍﻧﺪﺍﺯ" ﻋﻼﻣﯽ ﺍﺑﻦ ﺟﻮﺯﯼ ﺍﭘﻨﯽ ﻣﻌﺮﻭﻑ ﺗﺎﻟﯿﻒ"ﮐﺘﺎﺏ ﺍﻻﺫﮐﯿﺎﺀ" ﻣﯿﮟ ﻟﮑﮭﺘﮯ ﮨﯿﮟ۔ ﻣﺠﮭﮯ ﺍﻃﻼﻉ ﭘﮩﻨﭽﯽ ﮐﮧ ﺍﯾﮏ ﺁﺩﻣﯽ ﺧﺮﺍﺳﺎﻥ ﺳﮯ ﺑﻐﺪﺍﺩ ﺁﯾﺎ۔ﻭﮦ ﺣﺞ ﮐﮯ ﻟﯿﮯ ﻣﮑﮧ ﺟﺎ ﺭﮨﺎ ﺗﮭﺎ۔ ﺍﺱ ﮐﮯ ﭘﺎﺱ ﺗﻘﺮﯾﺒﺎً ﮨﺰﺍﺭ ﺩﯾﻨﺎﺭ ﮐﯽ ﻗﯿﻤﺖ ﮐﮯ ﻣﺴﺎﻭﯼ ﻣﻮﺗﯿﻮﮞ ﮐﺎ ﮨﺎﺭ ﺗﮭﺎ۔ﺍﺱ ﻧﮯ ﮨﺎﺭ ﻓﺮﻭﺧﺖ ﮐﺮﻧﮯ ﮐﯽ ﮐﻮﺷﺶ ﮐﯽ ﻣﮕﺮ ﮐﺎﻣﯿﺎﺏ ﻧﮧ ﮨﻮ ﺳﮑﺎ۔ﭼﻨﺎﻧﭽﮧ ﻭﮦ ﺍﯾﮏ ﻋﻄﺮ ﻓﺮﻭﺵ ﮐﮯ ﭘﺎﺱ ﭘﮩﻨﭽﺎ۔ﺍﺱ ﮐﯽ ﺷﮩﺮﺕ ﺍﭼﮭﯽ ﺗﮭﯽ۔ﺍﺱ ﮐﮯ ﭘﺎﺱ ﺍﭘﻨﺎ ﻣﻮﺗﯿﻮﮞ ﮐﺎ ﮨﺎﺭ ﺍﻣﺎﻧﺖ ﺭﮐﮫ ﺩﯾﺎ ﺍﻭﺭ ﺣﺞ ﮐﮯ ﻟﯿﮯ ﺭﻭﺍﻧﮧ ﮨﻮ ﮔﯿﺎ۔ ﺣﺞ ﺳﮯ ﻭﺍﭘﺲ ﺁﯾﺎ ﺗﻮ ﺍﺱ ﻧﮯ ﻋﻄﺮ ﻓﺮﻭﺵ ﮐﮯ ﻟﯿﮯ ﺗﺤﻔﮯ ﺗﺤﺎﺋﻒ ﺧﺮﯾﺪﮮ ﺍﻭﺭ ﺍﺱ ﮐﯽ ﺧﺪﻣﺖ ﻣﯿﮟ ﭘﮩﻨﭻ ﮐﺮ ﭘﯿﺶ ﮐﯿﮯ ﺍﻭﺭ ﺍﭘﻨﮯ ﮨﺎﺭ ﮐﺎ ﺗﻘﺎﺿﺎ ﮐﯿﺎ۔ ﻋﻄﺎﺭ ﮐﮩﻨﮯ ﻟﮕﺎ ﺗﻮ ﮐﻮﻥ ﮨﮯ ﺍﻭﺭ ﮐﮩﺎ ﺳﮯ ﺁﯾﺎ ﮨﮯ؟ ﺧﺮﺍﺳﺎﻧﯽ ﺣﺎﺟﯽ ﮐﮩﻨﮯ ﻟﮕﺎ ﻣﯿﮟ ﺍﺱ ﮨﺎﺭ ﮐﺎ ﻣﺎﻟﮏ ﮨﻮﮞ ﺟﺴﮯ "ﻣﯿﮟ ﻧﮯ ) ﺣﺞ ﭘﺮ ﺟﺎﺗﮯ ﮨﻮﺋﮯ(ﺁﭖ ﮐﮯ ﭘﺎﺱ ﺑﻄﻮﺭ ﺍﻣﺎﻧﺖ ﺭﮐﮭﺎ ﺗﮭﺎ"۔ ﻋﻄﺎﺭ ﻧﮯ ﺣﺎﺟﯽ ﮐﯽ ﺑﺎﺕ ﭘﺮ ﮐﻮﺋﯽ ﺩﮬﯿﺎﻥ ﻧﮩﯿﮟ ﺩﯾﺎ۔ﺍﺳﮯ ﺑﺮﯼ ﻃﺮﺡ ﺩﮬﮑﮯ ﻣﺎﺭ ﮐﺮ ﺩﮐﺎﻥ ﺳﮯ ﻧﮑﺎﻝ ﺩﯾﺎ ﺍﻭﺭ ﮐﮩﻨﮯ ﻟﮕﺎ: ﺗﻮ ﻣﺠﮫ ﭘﺮ ﺑﮩﺘﺎﻥ ﺗﺮﺍﺷﯽ ﮐﺮ ﺭﮨﺎ ﮨﮯ۔ ﺧﺮﺍﺳﺎﻧﯽ ﻧﮯ ﺷﻮﺭ ﻣﭽﺎﯾﺎ۔ﺍﻥ ﮐﺎ ﺟﮭﮕﮍﺍ ﺩﯾﮑﮫ ﮐﺮ ﻟﻮﮒ ﺟﻤﺢ ﮨﻮ ﮔﺌﮯ۔ ﺣﺎﺿﺮﯾﮟ ﺣﺎﺟﯽ ﺳﮯ ﮐﮩﻨﮯ ﻟﮕﮯ: ﺗﻢ ﻋﻄﺎﺭ ﮐﮯ ﺑﺎﺭﮮ ﻣﯿﮟ ﯾﮧ ﮐﯿﺴﯽ ﻏﻠﻂ ﺳﻠﻂ ﺑﺎﺗﯿﮟ ﮐﺮ ﺭﮨﮯ ﮨﻮ۔ ﯾﮧ ﺗﻮ ﻋﻼﻗﮯ ﮐﺎ ﻧﮩﺎﯾﺖ ﺍﭼﮭﺎ ﺍﻭﺭ ﻣﺸﮩﻮﺭ ﺁﺩﻣﯽ ﮨﮯ۔ ﺑﮭﻼ ﯾﮧ ﺗﻤﮭﺎﺭﮮ ﺳﺎﺗﮫ ﺍﯾﺴﺎ ﺩﮬﻮﮐﺎ ﮐﯿﺴﮯ ﮐﺮ ﺳﮑﺘﺎ ﮨﮯ؟ ﻟﻮﮔﻮﮞ ﮐﯽ ﺯﺑﺎﻧﯽ ﻋﻄﺎﺭ ﮐﮯ ﺑﺎﺭﮮ ﻣﯿﮟ ﯾﮧ ﮐﻠﻤﺎﺕ ﺳﻦ ﮐﺮ ﺣﺎﺟﯽ ﮐﻮ ﺣﯿﺮﺕ ﮨﻮﺋﯽ۔ ﻭﮦ ﺍﺏ ﺑﮭﯽ ﺭﮦ ﺭﮦ ﮐﺮ ﻋﻄﺎﺭ ﺳﮯ ﺍﭘﻨﯽ ﺍﻣﺎﻧﺖ ﮐﺎ ﺗﻘﺎﺿﺎ ﮐﺮ ﺭﮨﺎ ﺗﮭﺎ ﻣﮕﺮ ﻋﻄﺎﺭ ﺍﺳﮯ ﻣﺴﻠﺴﻞ ﮔﺎﻟﯿﺎﮞ ﺩﯾﮯ ﺟﺎ ﺭﮨﺎ ﺗﮭﺎ۔ ﮐﭽﮫ ﻟﻮﮔﻮﮞ ﻧﮯ ﺣﺎﺟﯽ ﮐﻮ ﻣﺸﻮﺭﮦ ﺩﯾﺎ ﺍﮔﺮ ﺗﻢ ﺍﺱ ﺟﮭﮕﮍﮮ ﮐﺎ ﺣﻞ ﭼﺎﮨﺘﮯ ﮨﻮ ﺗﻮﺧﻠﯿﻔۃﺍﻟﻤﺴﻠﻤﯿﻦ ﻋﻀﺪ ﺍﻟﺪﻭﻟﮧ)1( ﮐﮯ ﺩﺭﺑﺎﺭ ﻣﯿﮟ ﭼﻠﮯ ﺟﺎﺅ۔ ﺍﭘﻨﺎ ﻣﻘﺪﻣﮧ ﭘﯿﺶ ﮐﺮﻭ ﺍﻭﺭ ﺍﻥ ﺳﮯ ﻣﺪﺩ ﻃﻠﺐ ﮐﺮﻭ،ﻋﯿﻦ ﻣﻤﮑﻦ ﮨﮯ ﺗﻤﮭﺎﺭﯼ ﭘﺮﯾﺸﺎﻧﯽ ﮐﺎ ﮐﻮﺋﯽ ﺣﻞ ﻧﮑﻞ ﺁﺋﮯ۔ ﺣﺎﺟﯽ ﻧﮯ ﻟﻮﮔﻮﻥ ﮐﮯ ﻣﺸﻮﺭﮮ ﮐﮯ ﻣﻄﺎﺑﻖ ﺍﭘﻨﯽ ﭘﻮﺭﯼ ﺩﺍﺳﺘﺎﻥ ﺍﯾﮏ ﮐﺎﻏﺬ ﭘﺮ ﻟﮑﮫ ﻟﯽ ﺍﻭﺭ ﺍﺳﮯ ﺍﯾﮏ ﻟﻤﺒﯽ ﻟﮑﮍﯼ ﭘﺮ ﻟﭩﮑﺎ ﮐﺮ ﻋﻀﺪ ﺍﻟﺪﻭﻟﮧ ﮐﮯ ﺩﺭﺑﺎﺭ ﺟﺎ ﭘﮩﻨﭽﺎ۔ ﺍﺳﮯ ﺩﯾﮑﮭﺘﮯ ﮨﯽ ﻋﻀﺪ ﺍﻟﺪﻭﻟﮧ ﻧﮯ ﻗﺮﯾﺐ ﺑﻠﻮﺍﯾﺎ ﺍﻭﺭ ﭘﻮﭼﮭﺎ ﺗﻤﮭﺎﺭﺍ ﮐﯿﺎ ﻣﺴﺌﻠﮧ ﮨﮯ؟ ﺣﺎﺟﯽ ﻧﮯ ﺩﺭﺧﻮﺍﺳﺖ ﭘﯿﺶ ﮐﯽ ﺍﻭﺭ ﺯﺑﺎﻧﯽ ﻃﻮﺭ ﭘﺮ ﺑﮭﯽ ﭘﻮﺭﯼ ﺩﺍﺳﺘﺎﻥ ﺳﻨﺎ ﺩﯼ۔ ﻋﻀﺪ ﺍﻟﺪﻭﻟﮧ ﻧﮯ ﺣﺎﺟﯽ ﺳﮯ ﮐﮩﺎ:۔ "ﮐﻮﺋﯽ ﺑﺎﺕ ﻧﮩﯿﮟ ، ﺗﻢ ﮐﻞ ﻋﻄﺎﺭ ﮐﯽ ﺩﮐﺎﻥ ﮐﮯ ﭘﺎﺱ ﺟﺎ ﮐﺮ ﺑﯿﭩﮫ ﺟﺎﻧﺎ، ﺍﮔﺮ ﻋﻄﺎﺭ ﺗﻤﮭﯿﮟ ﺍﭘﻨﯽ ﺩﮐﺎﻥ ﮐﮯ ﭘﺎﺱ ﺑﯿﭩﮭﻨﮯ ﺳﮯ ﺭﻭﮐﮯ ﺗﺐ ﺑﮭﯽ ﺍﺱ ﺳﮯ ﮐﻮﺋﯽ ﺍﺣﺘﺠﺎﺝ ﯾﺎ ﺟﮭﮕﮍﺍ ﮐﺮﻧﮯ ﮐﯽ ﺿﺮﻭﺭﺕ ﻧﮩﯿﮟ، ﺍﯾﺴﯽ ﺻﻮﺭﺕ ﻣﯿﮟ ﺳﺎﻣﻨﮯ ﮐﯽ ﮐﺴﯽ ﺩﮐﺎﻥ ﮐﮯ ﭘﺎﺱ ﺟﺎ ﺑﯿﭩﮭﻨﺎ۔ﺻﺒﺢ ﺳﮯ ﻣﻐﺮﺏ ﺗﮏ ﭼﭗ ﭼﺎﭖ ﺑﯿﭩﮭﮯ ﺭﮨﻨﺎ۔ﺍﺱ ﺳﻠﺴﻠﮯ ﻣﯿﮟ ﮐﺴﯽ ﺳﮯ ﮐﻮﺋﯽ ﺑﺎﺕ ﮐﺮﻧﮯ ﮐﯽ ﺿﺮﻭﺭﺕ ﻧﮩﯿﮟ۔ ﺗﯿﻦ ﺩﻥ ﺗﮏ ﺍﺳﯽ ﻃﺮﺡ ﮐﺮﻧﺎ،ﺟﺲ ﻃﺮﺡ ﻣﯿﮟ ﺗﻤﮭﯿﮟ ﺑﺘﺎ ﺭﮨﺎ ﮨﻮﮞ۔ﭼﻮﺗﮭﮯ ﺭﻭﺯ ﻣﯿﺮﺍ ﻭﮨﺎﮞ ﺳﮯ ﮔﺰﺭ ﮨﻮﮔﺎ ﺗﻮ ﻣﯿﮟ ﺗﻤﮭﺎﺭﮮ ﭘﺎﺱ ﭼﻨﺪ ﻟﻤﺤﮯ ﮐﮭﮍﺍ ﮨﻮﮞ ﮔﺎ ﺍﻭﺭ ﺗﻤﮭﯿﮟ ﺳﻼﻡ ﮐﺮﻭﮞ ﮔﺎ۔ﺍﺱ ﻣﻮﻗﻊ ﭘﺮ ﺗﻢ ﺍﭘﻨﯽ ﺟﮕﮧ ﺳﮯ ﮐﮭﮍﺍ ﻧﮧ ﮨﻮﻧﺎ، ﻧﮧ ﮨﯽ ﻣﯿﺮﮮ ﺳﻼﻡ ﮐﮯ ﺟﻮﺍﺏ ﺳﮯ ﺯﯾﺎﺩﮦ ﮐﻮﺋﯽ ﺑﺎﺕ ﮐﺮﻧﺎ۔ ﺟﺐ ﻣﯿﮟ ﻭﮨﺎﮞ ﺳﮯ ﮔﺰﺭ ﺟﺎﺅﮞ ﮔﺎ ﺗﻮ ﻋﻄﺎﺭ ﮐﮯ ﭘﺎﺱ ﺟﺎﻧﺎ ﺍﻭﺭ ﺍﭘﻨﮯ ﮨﺎﺭ ﮐﺎ ﺗﻘﺎﺿﺎ ﮐﺮﻧﺎ۔ ﺍﺏ ﮐﯽ ﺑﺎﺭ ﻭﮦ ﺗﻢ ﺳﮯ ﺟﻮ ﮐﭽﮫ ﺑﮭﯽ ﮐﯿﮯ، ﻣﺠﮭﮯ ﺁﮐﺮ ﺑﻨﺎﻧﺎ۔ ﺍﮔﺮ ﻭﮦ ﮨﺎﺭ ﻭﺍﭘﺲ ﮐﺮﺩﮮ ﺗﺐ ﺑﮭﯽ ﻣﯿﺮﮮ ﭘﺎﺱ ﺁﻧﺎ ﺍﻭﺭ ﻣﺠﮭﮯ ﻣﻄﻠﻊ ﮐﺮﻧﺎ"۔ ﺍﮔﻠﮯ ﺭﻭﺯ ﺧﺮﺍﺳﺎﻧﯽ ﻋﻄﺎﺭ ﮐﯽ ﺩﮐﺎﻥ ﮐﮯ ﭘﺎﺱ ﺟﺎ ﮐﺮ ﺑﯿﭩﮫ ﮔﯿﺎ ﮐﺴﯽ ﺳﮯ ﮐﻮﺋﯽ ﺑﺎﺕ ﻧﮧ ﮐﯽ۔ﺧﻠﯿﻔﮧ ﮐﯽ ﮨﺪﺍﯾﺖ ﮐﮯ ﻣﻄﺎﺑﻖ ﻭﮦ ﻣﺘﻮﺍﺗﺮ ﺗﯿﻦ ﺩﻥ ﺑﯿﭩﮭﺎ ﺭﮨﺎ،ﭼﻮﺗﮭﮯ ﺩﻥ ﻋﻀﺪ ﺍﻟﺪﻭﻟﮧ ﺍﭘﻨﯽ ﻋﻈﯿﻢ ﺍﻟﺸﺎﻥ ﺳﻮﺍﺭﯼ ﭘﺮ ﻻﺅ ﻟﺸﮑﺮ ﮐﮯ ﺳﺎﺗﮫ ﻭﮨﺎﮞ ﺳﮯ ﮔﺰﺭﺍ ﺗﻮ ﺧﺮﺍﺳﺎﻧﯽ ﮐﻮ ﺩﯾﮑﮭﺎ ﺗﻮ ﺳﻮﺍﺭﯼ ﺭﻭﮎ ﻟﯽ ﺍﻭﺭ ﭘﮑﺎﺭ ﮐﺮ ﮐﮩﺎ: ﺧﺮﺍﺳﺎﻧﯽ ﺑﮭﺎﺋﯽ!۔ ﺍﻟﺴﻼﻡ ﻭﻋﻠﯿﮑﻢَ۔ ﺧﺮﺍﺳﺎﻧﯽ ﺑﺪﺳﺘﻮﺭ ﺑﯿﭩﮭﺎ ﺭﮨﺎ ﺍﻭﺭ ﺻﺮﻑ" ﻭﻋﻠﯿﮑﻢ ﺍﻟﺴﻼﻡ" ﮐﮩﮧ ﮐﺮ ﭼُﭗ ﮨﻮﮔﯿﺎ۔ ﻋﻀﺪ ﺍﻟﺪﻭﻟﮧ ﻧﮯ ﮐﮩﺎ:۔ ﺧﺮﺍﺳﺎﻧﯽ ﺑﮭﺎﺋﯽ! ﺁﭖ ﺁﺧﺮ ﮨﻤﺎﺭﮮ ﭘﺎﺱ ﮐﯿﻮﮞ ﻧﮩﯿﮟ ﺁﺗﮯ ﺍﻭﺭ ﺍﭘﻨﯽ ﺿﺮﻭﯾﺎﺕ ﮐﯿﻮﮞ ﻧﮩﯿﮟ ﺑﺘﺎﺗﮯ؟ ﻋﻀﺪ ﺍﻟﺪﻭﻟﮧ ﻧﮯ ﺍﻧﺘﮩﺎﺋﯽ ﺍﺻﺮﺍﺭ ﮐﮯ ﺳﺎﺗﮫ ﺍﺱ ﺳﮯ ﺍﺱ ﮐﯽ ﺿﺮﻭﺭﯾﺎﺕ ﭘﻮﭼﮭﯿﮟ ﻣﮕﺮ ﺍﺱ ﻧﮯ ﮐﻮﺋﯽ ﺑﺎﺕ ﻧﮧ ﮐﯽ۔ﺍﺱ ﺩﻭﺭﺍﻥ ﻋﻀﺪ ﺍﻟﺪﻭﻟﮧ ﮐﺎ ﭘﻮﺭﺍ ﻟﺸﮑﺮ ﺑﮭﯽ ﻭﮨﺎﮞ ﮐﮭﮍﺍ ﺭﮨﺎ ۔ﺍﺩﮬﺮ ﻋﻄﺎﺭ ﮐﯽ ﺣﺎﻟﺖ ﺧﺮﺍﺏ ﮨﻮﮔﺌﯽ، ﻣﺎﺭﮮ ﺩﮨﺸﺖ ﮐﮯ ﺍﺱ ﭘﺮ ﻏﺸﯽ ﻃﺎﺭﯼ ﮨﻮﻧﮯ ﻟﮕﯽ۔ ﻋﻀﺪ ﺍﻟﺪﻭﻟﮧ ﻭﮨﺎﮞ ﺳﮯ ﭼﻼ ﮔﯿﺎ ﺗﻮ ﻋﻄﺎﺭ ﻓﻮﺭﺍً ﺣﺎﺟﯽ ﮐﮯ ﻗﺮﯾﺐ ﺁﯾﺎ ﺍﻭﺭ ﮐﮩﻨﮯ ﻟﮕﺎ:۔ ۔" ﺗﯿﺮﺍ ﻧﺎﺱ ﮨﻮ! ﺗﻮ ﻧﮯ ﺍﭘﻨﺎ ﮨﺎﺭ ﻣﯿﺮﮮ ﭘﺎﺱ ﮐﺐ ﺍﻭﺭ ﮐﺲ ﭼﯿﺰ ﻣﯿﮟ ﺑﻄﻮﺭ ﺍﻣﺎﻧﺖ ﺭﮐﮭﺎ ﺗﮭﺎ، ﺫﺭﺍ ﺍﺱ ﮐﯽ ﻧﺸﺎﻧﺪﮨﯽ ﺗﻮ ﺑﺘﺎﺅ ، ﺷﺎﯾﺪ ﻣﺠﮭﮯ ﯾﺎﺩ ﺁ ﺟﺎﺋﮯ"۔ ﺣﺎﺟﯽ ﻧﮯ ﺍﺳﮯ ﻧﺸﺎﻧﯿﺎﮞ ﺑﺘﺎﺋﯿﮟ، ﻭﮦ ﺗﮭﯿﻠﯽ ﺍﺱ ﺷﮑﻞ ﮐﯽ ﺗﮭﯽ ﺍﻭﺭ ﺭﻧﮓ ﺍﯾﺴﺎ ﺗﮭﺎ۔ﻋﻄﺎﺭ ﺩﮐﺎﻥ ﮐﮯ ﺍﻧﺪﺭ ﮔﯿﺎ ﺍﻭﺭ ﺍﺱ ﮐﺎ ﮨﺎﺭ ﻻ ﮐﺮ ﺩﯾﺘﮯ ﮨﻮﺋﮯ ﮐﮩﻨﮯ ﻟﮕﺎ:ﺍﮔﺮ ﺗﻮ ﻣﺠﮭﮯ ﻧﺸﺎﻧﯿﺎﮞ ﻧﮧ ﺑﺘﺎﺗﺎ ﺗﻮ ﺷﺎﯾﺪ ﻣﺠﮭﮯ ﯾﮧ ﮨﺎﺭ ﻧﮩﯿﮟ ﻣﻞ ﺳﮑﺘﺎ ﺗﮭﺎ۔ ﺣﺎﺟﯽ ﻧﮯ ﮨﺎﺭ ﻟﮯ ﻟﯿﺎ ﺍﻭﺭ ﺍﭘﻨﮯ ﺩﻝ ﻣﯿﮟ ﮐﮩﻨﮯ ﻟﮕﺎ: ﺑﮭﻼ ﺍﺏ ﻣﺠﮭﮯ ﻋﻀﺪ ﺍﻟﺪﻭﻟﮧ ﮐﮯ ﺩﺭﺑﺎﺭ ﻣﯿﮟ ﺣﺎﺿﺮ ﮨﻮﻧﮯ ﮐﺎ ﮐﯿﺎ ﻓﺎﺋﺪﮦ؟ ﻣﺠﮭﮯ ﺗﻮ ﻣﯿﺮﺍ ﮨﺎﺭ ﺗﻮ ﻣﻞ ﮨﯽ ﮔﯿﺎ ﮨﮯ، ﭘﮭﺮ ﺧﯿﺎﻝ ﺁﯾﺎ ﮐﮧ ﺧﻠﯿﻔﮧ ﻧﮯ ﻣﺠﮭﮯ ﺣﮑﻢ ﺩﯾﺎ ﺗﮭﺎ ﮐﮧ ﻣﯿﮟ ﮨﺎﺭ ﻣﻠﻨﮯ ﮐﮯ ﺑﻌﺪ ﺍﺱ ﺳﮯ ﺿﺮﻭﺭ ﻣﻠﻮﮞ، ﮨﻮﺳﮑﺘﺎ ﮨﮯ ﮐﮧ ﺍﺳﮯ ﻣﺠﮫ ﺳﮯ ﮐﻮﺋﯽ ﮐﺎﻡ ﮨﻮ ﯾﺎ ﻭﮦ ﻣﺠﮫ ﺳﮯ ﮨﺎﺭ ﺧﺮﯾﺪﻟﮯ،ﭼﻨﺎﻧﭽﮧ ﻭﮦ ﮨﺎﺭ ﻟﮯ ﮐﺮ ﻋﻀﺪ ﺍﻟﺪﻭﻟﮧ ﮐﮯ ﺩﺭﺑﺎﺭ ﻣﯿﮟ ﺣﺎﺿﺮ ﮨﻮﺍ۔ ﻋﻀﺪ ﺍﻟﺪﻭﻟﮧ ﻧﮯ ﺧﺮﺍﺳﺎﻧﯽ ﮐﻮ ﺩﯾﮑﮭﺎ ﺗﻮ ﺍﯾﮏ ﺳﭙﺎﮨﯽ ﮐﻮ ﺣﮑﻢ ﺩﯾﺎ ﮐﮧ ﺍﺱ ﻋﻄﺎﺭ ﮐﻮﮔﺮﻓﺘﺎﺭ ﮐﺮ ﮐﮯ ﻓﻮﺭﺍً ﺩﺭﺑﺎﺭ ﻣﯿﮟ ﭘﯿﺶ ﮐﺮﻭ۔ ﺗﮭﻮﮌﯼ ﺩﯾﺮ ﺑﻌﺪ ﻋﻄﺎﺭ ﻭﮨﺎﮞ ﻣﻮﺟﻮﺩ ﺗﮭﺎ۔ﺧﻠﯿﻔﮧ ﻧﮯ ﺣﮑﻢ ﺩﯾﺎ ﮐﮧ ﺍﺱ ﺑﺪﺑﺨﺖ ﻧﮯ ﺧﯿﺎﻧﺖ ﮐﯽ ﮨﮯ،ﺍﺱ ﮐﯽ ﺳﺰﺍ ﯾﮧ ﮨﮯ ﮐﮧ ﮨﺎﺭ ﺍﺱ ﮐﮯ ﮔﻠﮯ ﻣﯿﮟ ﮈﺍﻝ ﺩﯾﺎ ﺟﺎﺋﮯ، ﭘﮭﺮ ﺍﺱ ﺩﮐﺎﻥ ﮐﮯ ﺳﺎﻣﻨﮯ ﺍﺳﮯ ﭘﮭﺎﻧﺴﯽ ﺩﯼ ﺟﺎﺋﮯ ﺗﺎﮐﮧ ﯾﮧ ﻋﺒﺮﺕ ﮐﺎ ﻧﺸﺎﻥ ﺑﻦ ﺟﺎﺋﮯ،ﭼﻨﺎﻧﭽﮧ ﺧﺮﺍﺳﺎﻧﯽ ﺳﮯ ﮨﺎﺭ ﻟﮯ ﮐﺮ ﺍﺳﮯ ﻋﻄﺎﺭ ﮐﯽ ﮔﺮﺩﻥ ﻣﯿﮟ ﮈﺍﻻ ﮔﯿﺎ ﺍﻭﺭ ﺍﺳﮯ ﺳﺮِﺑﺎﺯﺍﺭ ﭘﮭﺎﻧﺴﯽ ﺩﮮ ﺩﯼ ﮔﺌﯽ۔ ﺍﻭﺭ ﭘﮭﺮ ﯾﮧ ﺍﻋﻼﻥ ﮐﯿﺎ ﮔﯿﺎ۔!... "ﺍﻣﺎﻧﺖ ﺭﮐﮫ ﮐﺮ ﻣُﮑﺮ ﺟﺎﻧﮯ ﻭﺍﻟﮯ ﮐﯽ ﯾﮩﯽ ﺳﺰﺍ ﮨﮯ" ﻏﺮﻭﺏ، ﺁﻓﺘﺎﺏ ﮐﮯ ﺑﻌﺪ ﺩﺭﺑﺎﻥ ﻧﮯ ﻋﻄﺎﺭ ﮐﯽ ﮔﺮﺩﻥ ﺳﮯ ﻧﮑﺎﻝ ﮐﮯ ﺧﺮﺍﺳﺎﻧﯽ ﺣﺎﺟﯽ ﮐﮯ ﺣﻮﺍﻟﮯ ﮐﺮ ﺩﯾﺎ ﮔﯿﺎ ﺍﻭﺭ ﮐﮩﺎ: ﺍﺏ ﺗﻢ ﺑﺎﻃﻤﯿﻨﺎﻥ ﺍﭘﻨﮯ ﮔﮭﺮ ﺟﺎﺳﮑﺘﮯ ﮨﻮ۔ ۔ ۔ -------------------------------------------- ﻋﻀﺪ ﺍﻟﺪﻭﻟﮧ)1(۔ﺍﻥ ﮐﺎ ﻧﺎﻡ ﻓَﻨَّﺎ ﺧﺴﺮﻭ ﺑﻦ ﺣﺴﻦ ﮨﮯ۔ﺍﺱ ﮐﺎ ﻟﻘﺐ ﻋﻀﺪ ﺍﻟﺪﻭﻟﮧ ﮨﮯ۔ ﺍﺱ ﮐﯽ ﻭﻻﺩﺕ324 ﮨﺠﺮﯼ ﻣﯿﮟ ﺍﻭﺭ ﻭﻓﺎﺕ ﺑﻐﺪﺍﺩ ﻣﯿﮟ372 ﮨﺠﺮﯼ ﻣﯿﮟ ﮨﻮﺋﯽ۔ ﺳﻠﻄﻨﺖِ ‎ ‎ﻋﺒﺎﺳﯿﮧ ﮐﮯ ﻋﮩﺪ ﻣﯿﮟ ﻋﺮﺍﻕ ﭘﺮ ﻗﺒﻀﮧ ﮐﺮ ﻧﮯ ﻭﺍﻟﻮﮞ ﻣﯿﮟ ﺍﺱ ﮐﺎ ﺑﮭﯽ ﻧﺎﻡ ﺑﮭﯽ ﺁﺗﺎ ﮨﮯ۔ﻭﮦ ﺍﯾﺮﺍﻥ۔ﻣﻮﺻﻞ ﺍﻭﺭ ﭘﮭﺮﺑﻼﺩِﺟﺰﯾﺮﮦ ﮐﺎ ﺣﮑﻢ ﺭﮨﺎ۔ﯾﮩﯽ ﻭﮦ ﭘﮩﻼ ﺷﺨﺺ ﮨﮯ ﺟﺴﮯ ﺍﺳﻼﻣﯽ ﺗﺎﺭﯾﺦ ﻣﯿﮟ ﺷﮩﻨﺸﺎﮦ ﮐﺎ ﻟﻘﺐ ﻣﻼ۔ﯾﮧ ﺑﮍﮮ ﺭﻋﺐ ﻭﺩﺑﺪﺑﮯ ﻭﺍﻻ ﺣﮑﻤﺮﺍﻥ ﺗﮭﺎ۔ﺗﻌﻤﯿﺮﺍﺗﯽ ﮐﺎﻣﻮﮞ ﮐﺎ ﺑﮍﺍ ﺷﻮﻗﯿﻦ ﺗﮭﺎ۔ ﺍﺱ ﻧﮯ ﺍﭘﻨﮯ ﻧﺎﻡ ﺳﮯ ﺍﯾﮏ ﺑﮍﺍ ﮨﺴﭙﺘﺎﻝ ﺑﻨﻮﺍﯾﺎ ﺗﮭﺎ۔ ﺑﮍﯼ ﺑﮍﯼ ﺑﻠﮉﻧﮕﯿﮟ ﺍﻭﺭ ﭘﻞ ﺗﻌﻤﯿﺮ ﮐﺮﺍﺋﮯ ﺗﮭﮯ ﺍﻭﺭ ﻣﺪﯾﻨﮧ ﻣﻨﻮﺭﮦ ﮐﮯ ﺍﺭﺩﮔﺮﺩ ﺍﯾﮏ ﻣﻀﺒﻮﻁ ﺩﯾﻮﺍﺭ ﺑﮭﯽ ﭼﻨﻮﺍﺋﯽ ﺗﮭﯽ. ﺩﯾﮑﮭﯿﮯ:ﺍﻻﻋﻼﻡ5/561،ﻭﺍﻟﮑﺎﻣﻞ ﻓﯽ ﺍﻟﺘﺎﺭﯾﺦ ﻻﺑﻦ ﺍﻻﺛﯿﺮ،ﻭﺳﯿﺮﺍﻋﻼﻡ ﺍﻟﻨﺒﻼﺀ،ﺗﺎﺭﯾﺦ ﺍﺑﻦِ ﺧﻠﮑﺎﻥ، ﺍﻟﺒﺪﺍﯾۃ ﻭﺍﻟﻨﮭﺎﯾۃ(۔ ﯾﮧ ﻭﺍﻗﻌﮧ ﺍﺑﻦِ ﺟﻮﺯﯼ ﮐﯽ ﮐﺘﺎﺏ ﺍﻻﺫﮐﯿﺎﺀ 90،89 ﺳﮯ ﻣﻌﻤﻮﻟﯽ ﺗﺼﺮﻑ ﮐﮯ ﺳﺎﺗﮫ ﺩﺭﺝ ﮐﯿﺎ ﮔﯿﺎ۔ )ﮐﺘﺎﺏ ﺳﻨﮩﺮﮮ ﻧﻘﻮﺵ،ﺍﺯ ﻋﺒﺪﺍﻟﻤﺎﻟﮏ ﻣﺠﺎﮬﺪ