سائیں احمد خان طارق :-
اڈ باز گئیو سے نہ ملیئو سے نہ ملیئو سے
بنڑ رول رلئیے سے نہ ملیئو سے نہ ملیئو سے
گل سیپ لمبے چولے اتے پٹکا جگانواں
سو ویس وٹیئو سے نہ ملیئو سے نہ ملیئو سے
کہیں ویلہے کہیں کندهہ تے جو کاں کاں سنڑی کاں دی
ہنج پونجهہ بهلیو سے نہ ملیئو سے نہ ملیئو سے
در در تے ڈے کے اڑی ونگاں ڑی ونگاں
سر کهارا رکهیئو سے نہ ملیئو سے نہ ملیئو سے
ہنڑ تیئں نہیں کهلی کوکدی ہوئی کئو دی بجهارت
ونج ونج کے ولیئو سے نہ ملیئو سے نہ ملیئو سے
کہیں وقت دے مارئے اتے کہیں نام دے جوگی
روہ راوے رلیئو سے نہ ملیئو سے نہ ملیئو سے
ہک ریت گرم ڈوجها تتیاں ہوا دیاں ہواڑاں
جل جل کے جلیئو سے نہ ملیئو سے نہ ملیئو سے
ہنڑ پهول نہ کوئی پهولے ساڈی ہار دے طارق
ہئی ہار ہریئو سے نہ ملیئو سے نہ ملیئو سے