Maana Kay Zindagi Say Humai'n Kuch Milla Bhi Hay
Iss Zindagi Ko Hum Nay Bohat Kuch Diya Bhi Hay
Mehsoos Ho raha Hay Kay Tanha Nahi'n Hoo'n Mai'n
Shayad Kahi'n Qareeb Koi Doosra Bhi Hay
Qaatil Nay Kiss Saffai Say Dho'i Hay Aasteen
Uss Ko Khabar Nahi'n Kay Lahu Boalta Bhi Hay
Ye Husn-Itifaaq Hay ya Husn-E-Ehat'maam
Hay Jiss Jaga Furaat Wahi'n Qarbala Bhi Hay
Hum Phir Bhi Apnay Chehray Na Daikhai'n To Kiya Ilaaj
Aankhai'n Bhi Hai'n, Chiraag Bhi, Or Aaina Bhi Hay
"Iqbaal" Shukar Bhejo Kay Tum Deeda-War Nahi'n
Deeda-Waroo'n Ko Aaj Koi Poochta Bhi Hay
Bookmarks