ورلڈ کپ 2011: بھارت نے ویسٹ انڈیز کو 80 رنز سے ہرا دیا
بھارت نے پہلے کھیلتے ہوئے 268 رنز بنائے جواب میں ویسٹ انڈیز کی سری ٹیم 43 اووروں میں 188 رنز بنا کر آئوٹ ہو گئی .
چنائی میں جاری گروپ بی کے میچ میں بھارتی ٹیم نے ٹاس جیت کر بیٹنگ کا فیصلہ کیا، بھارت کو پہلے اوور میں پہلی وکٹ کا نقصان اس وقت اٹھانا پڑا جب اوپنر بیٹسمین سچن ٹنڈولکر 2 رنز بنا کر آؤٹ ہوئے پھر نویں اوور میں گوتم گمبھیر 22 رنز بنا کر پویلین لوٹے۔ ورات کولی نے ٹوٹل میں 59 رنز کا اضافہ کیا جبکہ یووراج سنگھ نے دس چوکوں اور دو چھکوں کی مدد سے 113 رنز کی شاندار اننگز کھیلی۔ یووراج سنگھ کے بعد کوئی بھی کھلائی جم کر نہ کھیل سکا اور پوری ٹیم انچاس اعشاریہ ایک اوورز میں 268 رنز پر آؤٹ ہو کر پویلین واپس لوٹ گئی۔ ویسٹ انڈیز کی جانب سے روی رامپال نے شاندار باؤلنگ کا مظاہرہ کرتے ہوئے پانچ کھلاڑیوں کو پویلین کی راہ دکھائی۔269 رنز کے ہدف میں ویسٹ انڈیز کی ساری ٹیم 43 اوورز میں 188 رنز بنا کر آئوٹ ہو گئی .
Bookmarks