السلام علیکم ورحمتہ اللہ وبرکاتہ۔
بہت ہی بہترین میگزین جناب۔
طبیعت کی خرابی کے باوجود خاص طور پر شہزاد بھائی آپ نے جو کام کیا ہے۔
تحاریر کی پروف ریڈنگ سے لے کر ڈیزائننگ تک ہر کام بہترین انداز سے پایہ تکمیل کو پہنچایا۔
اللہ پاک آپ کو جزائے خیر عطا فرمائے۔ آمین
*********
قرآن کریم کی آیت کا ترجمہ پڑھ کر کافی فائدہ ہوا۔
اکثر اوقات انسان اپنے آپ کو حاصل ہو جانے والے تھوڑے سے علم پر اتنا اتراتا ہے جیسے وہ پتہ نہیں کونسا پھنے خاں بن گیا ہے۔۔ بعد میں یہی اترانا اس کو مستقل طور پر دنیا کے سامنے مغرور و متکبر تک ثابت کر دیتا ہے۔۔ اللہ تعالیٰ نے اس تکبر کو مٹانے کے لئے پہلے ہی بہت خوبصورت بات کر دی قرآن پاک میں۔
جو کچھ خلقت کے روبرو ہے، اور جو کچھ ان کے پیچھے ہے اور وہ سب احاطہ نہیں کر سکتے کسی چیز کا، اس کی معلومات میں سے، مگر جتنا کہ وہ چاہے۔۔
جی ہاں بالکل ساری کامیابیاں، ساری ڈگریاں، سارے علم، اللہ کی توفیق سے ہی حاصل ہو سکتے ہیں۔ تو اسی کا شکر گزار رہنا چاہئے۔
*********
مستند حدیث شئیر کرنے کا بھی شکریہ۔
اللہ پاک سب کو پانچ وقت کا پکا نمازی بنائے۔ اور تمام مرد حضرات کو با جماعت نماز ادا کرنے کی توفیق عطا فرمائے۔ آمین
*********
مطلوب تیری ذات، مقصود تیری ذات، بیان کر رہا ہے، ہر غنچہ دھن۔۔
کیا بات ہے تمریز بھائی۔ بہت اچھی حمد کا انتخاب کیا ہے۔ جزاک اللہ۔
*********
نہیں کوئی تیرے سوا میرا، جسے یاد تیرے سوا کروں۔
آپ کا انتخاب بھی عمدہ ہے شہزاد بھائی۔۔ (جیسے کو جسے کر دیں میگ میں)۔
*********
سدرت المنتہیٰ پر جو پہنچے نبی سر جھکا کر، یہ جبریل کہنے لگے
یا حبیب خدا (صلی اللہ علیہ وسلم) اب سوا آپ کے اس سے آگے جو جائے گا، جل جائے گا۔
ماشاءاللہ۔ بہت ہی خوبصورت الفاظ ہیں نعت شریف کے۔
*********
درویش پا جی، بہت ہی اچھا آرٹیکل لکھا ہے ان انسٹالر سافٹ وئیر پر۔
بالکل ایسا ہی ہوتا ہے کہ بہت سے سافٹ وئیرز کو ان انستال کرنے کے بعد ان کی باقیات باقی رہ جاتی ہیں۔
لیکن یہ سافٹ وئیر ان شاءاللہ مکمل طور پر سسٹم سے سافٹ وئیر کا نام و نشان تک مٹا دے گا۔ اور رجسٹری کلینر کا فیچر تو ساتھ ہے ہی فری۔۔ جیسے کہتے ہیں نا ایک کے ساتھ ایک فری۔۔ یہاں تو ایک کے ساتھ دس فری ہیں محترم۔۔
بہت ہی بہترین آرٹیکل۔
*********
بھائی ناصر رانا آپ نے بہت ہی اچھا اور پر فکر آرٹیکل تحریر کیا ہے۔
واقعی انسان موت سے ہی غافل ہو چکا ہے اب تو۔
آگے آنے والی منازل کو کیا خاک سوچے گا۔
حضرت عامر رضی اللہ عنہ کا یہ فرمانا کہ ہمیں تو اس سورت کے نازل ہونے کے بعد دنیا ہی کڑوی معلوم ہونے لگی ہے۔
اللہ پاک ہم سب کو آپ صلی اللہ علیہ وسلم کی شفاعت کا حق دار بنائے۔ آمین
*********
بھائی ناصر کی دوسری تحریر بھی بہت خوبصورت ہے۔
واقعی جعلی پیروں اور عاملوں ، اور ان کے آستانوں پر جا کر اپنے ایمان کو خطرے میں ڈالنے والوں کو اللہ پاک ہدایت کی توفیق دے۔۔ اس ملک کی بہت سی بیماریوں میں سے ایک بہت ہی بڑی بیماری ہے یہ۔۔۔ اللہ کے در کو چھوڑ کر ان جعلی عاملوں کے پاس جانا جو یہاں تک کہہ دیتے ہیں کہ بھئی ہم تمہاری نمازیں تمہیں معاف کروا دیں گے۔۔ بس ہمارے مرید بن کے رہو۔
*********
غالب بھئی اچھا انتخاب ہے، انشا جی کا۔ غالب بھائی کی اپنی لکھی گئی تحریر کی کمی شدت سے محسوس ہوئی اس بار۔
*********
صفحہ نمبر سترہ سے لے کر تینتیس تک تو انتہائی بور حصہ ہے میگزین کا۔ آگے چلتے ہیں، آنکھوں پر پٹی باندھ کر۔۔
*********
تمریز بھائی جان ماشاءاللہ آپ نے تو بیٹھے بٹھائے زیارات کروا دیں۔ اللہ پاک سارے مسلمانوں کو بالعموم اور آئی ٹی ڈی کے ممبرز کو بالخصوص ان سارے مقامات کی بار بار زیارت کی توفیق عطا فرمائے۔ آمین۔ ثم آمین۔
*********
صفحہ نمبر چھتیس سے لے کر صفحہ نمبر انتالیس تک کی آٹھ صفحات پر مشتمل تحریر بہت ہی خوبصورت رہی۔
مزاحیہ تحاریر میں نمبر ون کہا جانا چاہئے۔
ٹائٹل دیکھ کر تو ڈر گیا تھا، لیکن پڑھ کر کافی خوشی ہوئی کہ میرے سے زیادہ اور لوگوں کی واٹ لگی ہے۔ (بے آواز قہقہہ مارتے ہوئے۔۔۔ یہ نئے سٹائل کا قہقہہ ہے)۔
عینی جی یہ پوری سوری کیا ہوتا ہے۔ کیا سڑی ہوئی پوری کو پوری سوری کہتے ہیں؟
میرے علم کے مطابق تو سیڑھی کو پنجابی میں پوری کہتے ہیں۔
اور جس طرح روٹی کے ساتھ ووٹی لگا کے روٹی ووٹی بنا دیا جاتا ہے، اسی طرح پوری شوری بھی بنا دیتے ہیں سیڑھی کو ۔
لیکن یہ پوری سوری کیا ہے۔ ککھ سمجھ نہیں آئی۔
فاطمہ آپی کا ریڑھی سے گول گپے کھانا۔
شہزاد پا جی کی انیس سو پینسٹھ ماڈل کی گاڑی۔
ملک محسن کو مجاں بھیڑ بکڑیاں سپیشلسٹ کہنا۔
نیٹ رائیڈر کی پوسٹنگ ، شہزاد پا جی کے ہاتھوں بین کروا دینا۔
امید ہے سارے ٹیم ممبرز آپ کو اس کا انعام ضرور دیں گے۔ ہاہاہاہا
اک میپ۔۔ ہاہاہا۔ کیا نام دیا ہے۔۔ دو میپ کیوں نہیں؟۔۔ ہاہاہا۔
شہزاد پا جی ، آپ کو انہوں نے پیدل ڈھائی کلو میٹر تک دوڑایا ہے۔
یقین نہیں آتا تو یہ سکرین شاٹ دیکھ لیں۔ اتنا راستہ آپ کو ویگن کے پیچھے پیچھے دوڑنا پڑا ہے۔
بہر حال اچھی تحریر ہے۔ لکھتی رہئے ، اس غم کے دور میں مسکرانے پر کسی کو مجبور کر دینا بھی ایک نیکی ہے۔ آپ بھی ہنستی مسکراتی رہیں۔
*********
حماد بھائی، آپ کا "قابل رحم ہے وہ قوم" والا اقتباس مجھے بہت پسند آیا۔
اللہ پاک آپ کو ہر سال حج بیت اللہ کی سعادت نصیب فرمائے۔ آمین۔
*********
نہ کعبے کی گلی میں تن پہ انگارے بجھاتی ہے، نہ غار ثور میں چپکے سکینت بن کے چھاتی ہے۔
حرا تک بھی لے جائے، قدس سے نظریں چراتی ہے،
*********
بہت عمدہ انتخاب ہے عالمگیر بھائی۔ خوش رہیں، شاد رہیں، آباد رہیں، مگر حسیب کے خرچے پر۔
*********
شہزاد بھائی آپ نے بھی بہت ہی قیمتی تحفہ پیش کیا ہے۔
اللہ پاک آپ کو جزائے خیر عطا فرمائے۔ آمین
*********
بہت ہی لا جواب ریویو عالمگیر بھائی۔
اتنے خوبصورت انداز میں ریویو پیش کیا ہے، کہ اگر پی ڈی ایف کمپلیٹ بنانے والوں کو علم ہو جائے تو وہ اس ریویو کو اپنی سائیٹ کے مین پیج پر بلا تردد ایڈ کر لیں۔۔ ایک پیج پر پہلے تمہید باندھی۔۔ تعارف کرایا۔ افادیت بتائی۔ اور پڑھنے والے کو اس کے استعمال پر قائل کر ہی لیا۔۔
لیکن نہ جی نہ۔۔ ہاتھ یہاں بھی نہ چھوڑا۔۔ بلکہ پکڑ کے ایک ایک سٹیپ خود پار کروایا۔۔
بہت ہی خوب بھائی جان۔ اللہ پاک آپ کو جزائے خیر عطا فرمائے۔ آمین
*********
اللہ پاک رائیڈر بھائی کو صحت کاملہ عاجلہ مستمرہ عطا فرمائے۔ کہ جس کے بعد پھر کوئی بیماری نہ ہو، آمین ، ثم آمین۔
توقیر بھائی بہت بہت شکریہ شہزاد بھائی کے ساتھ تعاون کرنے کا۔۔ آپ نے مجھے بھی خوش کر دیا ہے۔۔۔ اللہ پاک آپ کو جزائے خیر عطا فرمائے۔ آمین۔۔ میں شہزاد بھائی کو یہی کہہ رہا تھا کہ بھئی اتنا اچھا ڈیزائنر موجود ہے، آپ ڈیزائننگ ان کو دے دیں اور پروف ریڈنگ کا شعبہ خود سنبھال لیں۔۔۔ آپ تو بیمار ہیں، آپ کو آرام کی بھی ضرورت ہے۔۔۔ بہت شکریہ شیخ صاحب، تعاون کرنے کا۔۔ یقین جانیں مجھے بہت ہی زیادہ خوشی ہوئی۔۔ بہت سے بھی زیادہ۔ بہت سی دعائیں آپ کے لئے بھی۔
*********
اوور آل ایک اچھی پیشکش ہے جناب عالیان۔
لکھنے میں، ایڈٹ کرنے میں، ڈیزائن کرنے میں، پوسٹ کرنے میں، پڑھنے میں اور دیگر کاموں میں حصہ لینے والے تمام دوستوں کا بہت بہت شکریہ۔
جیندے رہو شیرووو۔ مگر چیتوں کے خرچوں پر۔ آہو تے ہور کی
Bookmarks