Kyon Abar Se Jalta Hai Ke Sehra To Nahi Wo
Piyaasa Bhi Kabhi Hoga Ke Dari’yaa To Nahi Wo
Aavaaz Bhi Dena Ke Wo Shaayad Palat Ke Aa’ey
Mohtaat Bhi Rehna Ke Shana’sa To Nahi Wo
Her Ik Se Shanaasa’ee Ka Ilzaam Bhi Dena
Phir Sochtay Rehna Bhi Ke Aisa To Nahi Wo
Her Ik Ravish Us Ke Lab-O-Rukh Se Ferozaa’n
Kiyon Aa’ina Dekhay Gha Ke Tanha To Nahi Wo
Utray Hain Un Aankhon Main To Ab Tak Nahi Lotay
Kuch Log Samajtay Thay Ke Gehra To Nahi Wo
Nikli Hoon Usay Tornay Khud Apni Zid’oon Se
Halaan Ke Samjhti Hoon Ke Sheesha To Nahi Wo
Kiya Us Se Chhupaa’oon Ke Nahi Gair Bhi Itna
Kiya Us Ko Bata’oon Mera Apna To Nahi Wo...
Bookmarks